தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கமல்ஹாசனின் மூத்த சகோதரர் சந்திரஹாசன் அண்மையில் காலமானார்.
அவருடைய நினைவேந்தல் கூட்டம், சென்னை தேனாம்பேட்டையில் உள்ள காமராஜர் அரங்கில் சற்றுமுன் நடைபெற்றது.
இதில் திரையுலக பிரபலங்கள் பலரும் கலந்துக் கொண்டனர்.
அப்போது ரஜினி பேசியதாவது…
என்னுடைய நண்பர் கமல் அவர்களுக்கு 3 தந்தைகள். முதல் தந்தை அவரை பெற்றவர். 2வது தந்தை அவரை வளர்த்த சாருஹாசன். 3வது தந்தை அவரது முன்னேற்றத்திற்கு காரணமான சந்திரஹாசன்.
சாருஹாசன் அவர்களுடன் நான் நெருக்கமாக பழகியுள்ளேன். ஆனால் சந்திரஹாசன் அவர்களுடன் அவ்வளவாக பழகவில்லை என்றாலும் அவரை பற்றி நிறைய தெரிந்து வைத்திருக்கிறேன்.
சினிமாவில் இப்போதுள்ள இளம் தலைமுறை நடிகர்கள் வைத்துள்ள பணம் கூட கமலிடம் கிடையாது.
இதை நான் வருத்தத்துடன் கூற வேண்டிய நிலையில் உள்ளேன்.
ஆனால் இதுபற்றி எல்லாம் கமல் கவலைப்படமாட்டார். தற்போது அவரிடம் கொஞ்சமாவது பணம் இருக்கிறது என்றால் அதற்கு சந்திரஹாசன்தான் காரணம்.
அவர் இனிமேலாவது பணம் விஷயங்களில் எப்படி இருக்க வேண்டும் என்று அவரது அண்ணன் சாருஹாசன்தான் சொல்ல வேண்டும்.
நீங்களெல்லாம் கமலின் கோபத்தை 10 சதவிகிதம்தான் பார்த்து இருப்பீர்கள். ஆனால் நான் 100 சதவிகிதம் பார்த்துருக்கேன்.
எனவே நான் கமலிடன் மிகவும் ஜாக்கிரதையா இருப்பேன்.
கமலிடம் சாருஹாசன் அன்பாக பேசுவார். ஆனால் சந்திரஹாசன் கொஞ்சம் ஸ்ட்ரிட்டாக இருப்பார்.
இப்போது சந்திரஹாசன் இல்லாததால் இனி எல்லாம் பொறுப்புகளும் சாருஹாசன் மீது உள்ளது’ என்று தன் நண்பர் கமல்ஹாசன் பற்றி பேசினார் ரஜினிகாந்த்.
I Have seen angry Kamalhassan says Rajinikanth