மருத்துவமனையில் அனுமதிக்கப்பட்ட நடிகை கல்யாணி பிரியதர்ஷன்

ஜூன் 23ல் 8 ரிலீஸ் ஒரு பார்வை.: கமல் விக்ரம் சுந்தர் பசுபதி வசந்த்ரவி சுனைனா லியோ படங்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இந்த வாரம் 2023 ஜூன் 23ஆம் தேதி தமிழ் சினிமாவில் ஏழு படங்கள் ரிலீஸாகிறது.

இத்துடன் கமல் நடித்த ‘வேட்டையாடு விளையாடு’ படமும் ரீ-ரிலீஸ் ஆகிறது.

இந்த படங்கள் பற்றிய ஒரு முன்னோட்டம் இதோ..்

1)
விக்ரம் பிரபு நடிப்பில் வெளியாக உள்ள படம் ‘பாயும் ஒளி நீ எனக்கு’.

இதில் வாணிபோஜன், தனஞ்ஜெயா, விவேக் பிரசன்னா உள்ளிட்டோர் நடித்துள்ளனர். இப்படத்தை கார்த்திக் அத்வைத் தயாரித்து இயக்கியுள்ளார்.

2) அறிமுக இயக்குநர் ராம் சங்கய்யா இயக்கத்தில் உருவாகியுள்ள படம் ‘தண்டட்டி’.

இதில் பசுபதி, ரோகினி, விவேக் பிரசன்னா, அம்மு அபிராமி உள்ளிட்ட பலர் நடிக்க சுந்தரமூர்த்தி இசையமைத்துள்ளார்.

தென் மாவட்டங்களில் வயதான பெண்மணிகள் அணிந்திருக்கும் தண்டட்டியை பின்னணியாக வைத்து இப்படம் உருவானது.

‘சிங்கம் 2, சர்தார், ரன் பேபி ரன் படங்களை தயாரித்த பிரின்ஸ் பிக்சர்ஸ் நிறுவனம் தயாரித்துள்ளது.

3) சுனைனா நடிப்பில் உருவான படம் ‘ரெஜினா’.

தமிழ், தெலுங்கு, மலையாளம், இந்தி ஆகிய 4 மொழிகளில் வெளியாக உள்ளது.

இப்படத்தை ‘பைப்பின் சுவத்திலே பிராணாயம்’ மற்றும் பிரித்விராஜ், ஜோஜூ ஜார்ஜ் நடிப்பில் வெளியான ‘ஸ்டார்’ ஆகிய மலையாள படங்களை இயக்கிய டொமின் டி சில்வா இயக்கியுள்ளார்.

4) சீனு ராமசாமியின் துணை இயக்குநரும் தம்பியுமான ஆர்.விஜயகுமார் இயக்கத்தில் உருவான படம் ‘அழகிய கண்ணே’.

பிரபல பட்டிமன்ற பேச்சாளர் திண்டுக்கல் ஐ.லியோனியின் மகன் லியோ சிவக்குமார் ஹீரோவாக அறிமுகமாகவுள்ளார். இதில் சஞ்சிதா ஷெட்டி நாயகியாக நடித்துள்ளார்.

விஜய் சேதுபதி ஒரு கேமியோ ரோலில் நடித்துள்ளார்.

5) இயக்குனராக அடையாளம் காணப்பட்ட சுந்தர் சி முதன்முறையாக ஹீரோவாக நடித்த படம் ‘தலைநகரம்’.

இந்த படத்தில் ரைட் என்ற கேரக்டர் நடித்திருந்தார். தற்போது இதன் இரண்டாம் பாகத்தில் நடித்துள்ளார் சுந்தர் சி.

ஆக்ஷன் படமாக உருவாகியுள்ள இந்தப் படத்தை துரை என்பவர் இயக்கி இருக்கிறார். இவர் முகவரி, தொட்டி ஜெயா, நேபாளி ஆகிய படங்களை இயக்கியவர்.

6) தருண் தேஜா இயக்கத்தில் வசந்த் ரவி முக்கிய வேடத்தில் நடித்த படம் ‘அஸ்வின்ஸ்’.

இந்த படத்தில் விமலா ராமன், சிம்ரன் பரீக், முரளிதரன், சரஸ்வதி மேனன் உள்ளிட்ட பலர் நடித்துள்ளனர்.

இந்தப் படத்தை ஸ்ரீ வெங்கடேஸ்வரா சினி சித்ரா நிறுவனம் தயாரித்துள்ளது.

7) ஆதர்ஷ் மதிகாந்தம் என்பவர் தயாரித்து இயக்கிய படம் ‘நாயாடி’.

கேரளாவில் உள்ள மிகவும் பிற்படுத்தப்பட்ட பழங்குடி இனமான நாயாடிகளின் (வேட்டைக்காரர்கள் என்று பொருள்) கதையை மையமாக வைத்து உருவாகியுள்ளது.

இதில் நாயகியாக காதம்பரி நடிக்க அருண் என்பவர் இசையமைத்துள்ளார்.

கடந்த கடந்த வாரமே இந்த படம் வெளியாகும் என அறிவிக்கப்பட்ட நிலையில் திடீரென தள்ளிப்போனது. தற்போது இந்த வாரம் ஜூன் 23 ரிலீஸ் ஆகிறது.

கவுதம் மேனன் இயக்கத்தில் கமல்ஹாசன் நடிப்பில் கடந்த 2006-ம் ஆண்டு வெளியான படம் ‘வேட்டையாடு விளையாடு.’

இத்திரைப்படம் வசூலைக் குவித்து வெற்றி பெற்றது. கமலுடன் இந்தப் படத்தில் ஜோதிகா, கமாலினி முகர்ஜி, பிரகாஷ்ராஜ், டேனியல் பாலாஜி உள்ளிட்டோர் நடித்திருந்தனர்.

ஹாரிஸ் ஜெயராஜ் இசையில் உருவான அனைத்து பாடல்களும் சூப்பர் ஹிட் ஆனது. தற்போது இந்த படம் டிஜிட்டல் செய்யப்பட்டு ரீ ரிலீஸ் ஆகிறது என்பது குறிப்பிடத்தக்கது.

June 23 on Theater release 8 movies list here

‘தண்டட்டி’யை மறந்திடக் கூடாது.; இன்றைய தலைமுறைக்காக ராம் சங்கையா எடுத்த முடிவு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘சிங்கம் 2’, ‘சர்தார்’, ‘ரன் பேபி ரன்’ படங்களை பிரின்ஸ் பிக்சர்ஸ் நிறுவனம் தயாரித்துள்ளது.

தற்போது ஆர்யா, கௌதம், மஞ்சு வாரியார் நடித்து வரும் ‘மிஸ்டர் எக்ஸ்’ படத்தை தயாரித்து வருகிறது.

இந்த நிலையில் தமிழர்கள் மறந்து போன பழமையான விஷயத்தை நினைவூட்ட ஒரு தங்கமான படத்தை கொடுத்துள்ளனர் பிரின்ஸ் பிக்சர்ஸ்.

பிரின்ஸ் பிக்சர்ஸ் சார்பில் லக்ஷ்மண் குமார் தயாரிப்பில் உருவாகியுள்ள படம் ‘தண்டட்டி’.

அறிமுக இயக்குநர் ராம் சங்கையா இயக்கி உள்ள இந்த படத்தில் பசுபதி, ரோகினி, விவேக் பிரசன்னா, அம்மு அபிராமி, செம்மலர் அன்னம், பூவிதா, முகேஷ் உள்ளிட்ட பலர் நடித்துள்ளனர்.

மேலும் மதுரை மாவட்டத்தை சேர்ந்த 50-க்கும் மேற்பட்ட தண்டட்டி அணிந்த வயதான பெண்மணிகள் நடித்துள்ளனர்.

இந்த படத்திற்கு கே.எஸ்.சுந்தரமூர்த்தி இசையமைக்க மகேஷ் முத்துசாமி ஒளிப்பதிவு செய்துள்ளார்.

வரும் ஜூன் 23ம் தேதி இப்படம் வெளியாக உள்ளது.

சிம்பு தேவன் இயக்குனரிடம் உதவியாளராக பணிபுரிந்து ஏழு வருட உழைப்பிற்கு பின் தற்போது முதன் முறையாக ‘தண்டட்டி’ என்ற படத்தை ராம் சங்கையா இயக்கியுள்ளார்.

இனி வர இருக்கின்ற தலைமுறைக்கு ‘தண்டட்டி’ என்ற ஒரு சொல் இல்லாமல் போய்விடக்கூடாது என்பதற்காக இந்த படத்தை உருவாக்கியுள்ளார்.

இந்தப் படத்தின் படப்பிடிப்பு தேனி உசிலம்பட்டி ஆண்டிபட்டி ஆகிய பகுதிகளில் நடைபெற்று உள்ளது. சமீபத்தில் இதன் ட்ரெய்லர் வெளியாகி தமிழர்களின் கவனத்தை ஈர்த்துள்ளது

இந்த படத்தின் கதையும் ‘அண்டாவ காணோம்’ படத்தின் கதையும் ஒன்றாக உள்ளது என தயாரிப்பாளர் ஜே எஸ் கே சமீபத்தில் ஒரு அறிக்கை வெளியிட்டிருந்தார்.

எனவே ‘தண்டட்டி’ படத்தை அவருக்கும் திரையிட்டு காட்டி உள்ளனர். படத்தைப் பார்த்த பிறகு அவர் இரண்டு படங்களும் வெவ்வேறு கதை என தெரிவித்துள்ளார்.

Thandatti should not be forgotten by New generation

ஆர்யா – கௌதம் கூட்டணியில் இணைந்த அஜித் – தனுஷ் பட ஹீரோயின்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விஷ்ணு விஷாலின் ‘எஃப்ஐஆர்’ படத்தின் இயக்குநர் மனு ஆனந்த் இயக்கும் புதிய படம் ‘மிஸ்டர். எக்ஸ்’. (Mr X)

இப்படத்தை பிரின்ஸ் பிக்சர்ஸ் நிறுவனம் தயாரிக்கிறது. இதில் ஆர்யா கதாநாயகனாவும், கவுதம் கார்த்திக் வில்லனாகவும் நடிக்கின்றனர்.

ஆக்‌ஷன் த்ரில்லராக உருவாகும் இப்படத்துக்கு திபு நிபுணன் தாமஸ் இசையமைக்க தன்வீர் மிர் ஒளிப்பதிவு செய்கிறார்.

மிஸ்டர்.எக்ஸ் எனத் தலைப்பிடப்பட்டுள்ள இதன் படப்பிடிப்பு விரைவில் துவங்க உள்ளது.

உகாண்டா மற்றும் செர்பியா போன்ற நாடுகளில் இதன் படப்பிடிப்பை நடத்தவுள்ளார் இயக்குநர் மனு ஆனந்த்.

இந்த நிலையில், நடிகை மஞ்சு வாரியர் இப்படத்தில் இணைந்துள்ளதாக படக்குழு அறிவித்துள்ளது.

மலையாளத்தில் முன்னணி நடிகையான மஞ்சு தமிழில் தனுஷ் உடன் ‘அசுரன்’ அஜித்துடன் ‘துணிவு’ ஆகிய படங்களில் நடித்திருக்கிறார்.

இப்படத்தை அடுத்த ஆண்டு தமிழ், தெலுங்கு, இந்தி, மலையாளம் ஆகிய மொழிகளில் வெளியிட உள்ளனர்.

Manju Warrier on board in Mr X movie

‘சலார்’ குழுவினருக்கு பணம் கொடுத்த பிரபாஸ்.; தங்கம் கொடுத்த ஸ்ரேயா ரெட்டி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

KGF புகழ் இயக்குநர் பிரசாந்த் நீல் இயக்கத்தில் பிரபாஸ் நடிப்பில் பிரம்மாண்டமாக உருவாகி வரும் படம் ‘சலார்’.

கே.ஜி.எப். படத்தை தயாரித்த ஹோம்பாலே பிலிம்ஸ் ‘சலார்’ படத்தையும் தயாரித்து வருகிறது.

இந்த படத்தில் வரதராஜ மன்னார் என்ற கதாபாத்திரத்தில் பிரித்விராஜ் நடிக்கிறார். இப்படம் வருகிற செப்டம்பர் 28-ம் தேதி வெளியாகவுள்ளது.

ஜூலை முதல் வாரம் இந்த படத்தின் டீசர் வெளியாகும் எனக் கூறப்படுகிறது.

‘சலார்’ படக்குழுவினருக்கு நடிகர் பிரபாஸ் தலா ரூ. 10,000 அன்பளிப்பாக கொடுத்ததாக கூறப்பட்டது.

இதில் முக்கிய கதாபாத்திரத்தில் நடிகை ஸ்ரேயா ரெட்டி நடித்துள்ளார்.

சமீபத்தில் சலார் படத்தில் தான் நடித்த காட்சிகள் முடிவடைந்த நிலையில் இப்படத்தில் தன்னுடன் பணியாற்றிய உதவியாளர்களுக்கு தங்க நாணயத்தை பரிசாக அளித்து அவர்களுக்கு இன்ப அதிர்ச்சியை கொடுத்துள்ளார் ஸ்ரேயா ரெட்டி.

Salaar: Prabhas Gifts Rs 10K to team Shreya gifts gold to team

ரசிகர்களுக்கு ‘சந்திரமுகி 2’ பட சூட்டிங் அப்டேட் கொடுத்த படக்குழு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கடந்த 2005-ல் ரஜினிகாந்த், ஜோதிகா, நயன்தாரா நடிப்பில் திரைக்கு வந்து வெற்றி பெற்ற படம் ‘சந்திரமுகி’.

இப்படம் 500 நாட்களுக்கு மேல் திரையரங்குகளில் ஓடியது.

இந்த படத்தின் இரண்டாம் பாகம் தற்போது தயாராகி உள்ளது.

இப்படத்தில் ராகவா லாரன்ஸ், கங்கனா ரணாவத், வடிவேலு, லட்சுமி மேனன், மஹிமா நம்பியார், ராதிகா சரத்குமார், ரவி மரியா, ஸ்ருஷ்டி டாங்கே, டி.எம்.கார்த்திக் மற்றும் சுரேஷ் மேனன் ஆகியோரும் நடித்துள்ளனர்.

முதல் பாகத்தை இயக்கிய பி.வாசு இந்த படத்தையும் இயக்கி உள்ளார்.

லைகா நிறுவனம் தயாரிக்கும் இந்த படத்திற்கு எம்.எம் கீரவாணி இசையமைக்கிறார்.

இந்த படத்தின் படப்பிடிப்பு தொடர்பான புகைப்படங்களை அவ்வபோது சமூக வலைதளங்களில் படக்குழு வெளியிட்டு வந்தது.

இந்நிலையில், ‘சந்திரமுகி 2’ படத்தின் படப்பிடிப்பு நிறைவடைந்துள்ளதாக படக்குழு புகைப்படம் வெளியிட்டு அறிவித்துள்ளது.

இந்த புகைப்படம் தற்போது இணையத்தில் வைரலாகி வருகிறது.

பெரும் எதிர்பார்ப்பில் உருவாகி வரும் ‘சந்திரமுகி 2’ படத்தின் அடுத்தடுத்த அறிவிப்புகள் விரைவில் வெளியாகும் என எதிர்பார்க்கப்படுகிறது.

Raghava Lawrence’s chandramukhi 2 movie shooting wrapped