தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழ் சினிமாவில் இளைய திலகம் என்றால் அது நடிகர் பிரபு தான்.
100க்கும் மேற்பட்ட படங்களில் நாயகனாக நடித்து வந்த இவர் தற்போது குணச்சித்திர கேரக்டரில் நடித்து வருகிறார்.
பெரும்பாலும் முன்னணி நடிகர்கள் தனக்கு நிகரான மற்ற ஹீரோக்களின் படங்களை நடிப்பதை தவிர்ப்பர்.
ஆனால் எந்த ஈகோவும் இல்லாமல் தன் சக நடிகர்களுடன் நடித்து வருபவர் பிரபு.
ரஜினியுடன் தர்மத்தின் தலைவன், குரு சிஷ்யன், கமலுடன் வெற்றி விழா, சத்யராஜுடன் சின்னத்தம்பி பெரியதம்பி மற்றும் விஜயகாந்த், கார்த்தி உள்ளிட்ட பல நடிகர்களுடனும் இவர் நடித்திருக்கிறார்.
இன்றைய தலைமுறை நடிகர்கள் விஜய், சூர்யா, விஷால், தனுஷ், சிவகார்த்திகேயன் உள்ளிட்ட பலருடன் இவர் நடித்து வருகிறார்.
இந்த நிலையில் பிரபு உடல் நலக்குறைவால் சென்னையில் உள்ள தனியார் மருத்துவமனையில் அனுமதிக்கப்பட்டார்.
இதனையடுத்து அவரது உடல் நலம் குறித்து மருத்துவமனை தரப்பில் ஒரு அறிக்கை வெளியாகி உள்ளது.
அந்த அறிக்கையில்…
21 பிப்ரவரி 2023
பத்திரிக்கை செய்தி
நடிகர் பிரபு மருத்துவமனையில் அனுமதி,
சென்னை, கோடம்பாக்கத்தில் உள்ள மெட்வே மருத்துவமனையில், பிரபல திரைப்பட நடிகர் பிரபு நேற்று (20 பிப் 2023) இரவு சிறுநீரகப் பிரச்சினை காரணமாக அனுமதிக்கப்பட்டார்.
அவருக்கு சிறுநீரகத்தில் கல் அடைப்பு இருந்தது கண்டறியப்பட்டு, இன்று காலை யூரித்ரோஸ்கோப்பி லேசர் அறுவை சிகிச்சை மூலம் சிறுநீரகக் கற்கள் அகற்றப்பட்டன.
அவர் தற்போது பூரண உடல் நலத்துடன் இருக்கிறார். அறுவை சிகிச்சைக்கு பிந்தைய – பொதுவான மருத்துவ சோதனைகளுக்குப் பிறகு, ஓரிரு நாளில் அவர் வீடு திரும்புவார்.
மெட்வே மருத்துவமனைக் குழுவின் தலைவர்
மரு. பழநியப்பன்
ஊடகத் தொடர்பு : இராம்குமார் சிங்காரம், கேட்டலிஸ்ட்
Actor Prabu health statement is here