சினிமா புரமோஷன் பெயரில் புட் ரிவ்யூ..; கடுப்பாகி இர்ஃபானை இழுத்த நடிகர் டேனி

ஆரோக்கியமில்லாத உணவு.; யூடியூப்பர்களால் மீடியாவுக்கு பிரச்சனை – சௌந்தரராஜா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

40 வருடங்களுக்கு முன்பு சூப்பர் ஸ்டார் ரஜினிகாந்த் நடிப்பில் வெளியான படம் ‘துடிக்கும் கரங்கள்’. தற்போது ஒடியன் டாக்கீஸ் சார்பில் கே.அண்ணாதுரை தயாரிப்பில் அதே டைட்டிலில் உருவாகி இருக்கும் படத்தில் விமல் நாயகனாக நடித்துள்ளார்.

இப்படத்தை இயக்குநர் வேலுதாஸ் இயக்கியுள்ளார். மேலும் வேலுதாஸ் மற்றும் காளிதாஸ் இருவரும் இணை தயாரிப்பாளர்களாக இணைந்து இந்தப்படத்தை தயாரித்துள்ளனர்.

கதாநாயகியாக மிஷா நரங் நடித்துள்ள இப்படத்தில் சதீஷ், சுரேஷ் மேனன், சவுந்தர்ராஜா, இயக்குநர் சண்முகம், சங்கிலி முருகன், பில்லி முரளி உள்ளிட்ட பலர் நடித்துள்ளனர்.

மணி சர்மாவின் சகோதரர் மகன் ராகவ் பிரசாத் இசையமைத்துள்ள இந்த படத்தின் ஒளிப்பதிவை ராம்கோபால் வர்மா படங்களில் பணியாற்றிய ராமி கவனித்துள்ளார்.

படத்தொகுப்பை லாரன்ஸ் கிஷோரும் கலை வடிவமைப்பை எஸ்.கண்ணனும் சண்டைப் பயிற்சியை சிறுத்தை கே.கணேஷ்குமாரும் மேற்கொண்டுள்ளனர். பாடல்களை விவேகா எழுதியுள்ளார்.

இந்த படம் வரும் செப்டம்பர் 1ஆம் தேதி வெளியாக உள்ளது. இதைத் தொடர்ந்து துடிக்கும் கரங்கள் படத்தின் இசை வெளியீட்டு விழா நேற்று (ஆக-23) மாலை சென்னை சாலிகிராமம் பிரசாத் லேபில் நடைபெற்றது.

இந்த நிகழ்வில் படக்குழுவினருடன் சிறப்பு விருந்தினர்களாக தயாரிப்பாளர் கே.ராஜன், இயக்குனர்கள் பேரரசு, வசந்தமணி, திருமலை நடிகர்கள் ரோபோ சங்கர், காளிவெங்கட் , டேனி போப் உள்ளிட்ட பலர் கலந்து கொண்டனர்.

இந்த நிகழ்வில் நடிகர் சவுந்தர்ராஜா பேசும்போது…

“முன்பெல்லாம் குழந்தைகளிடம் படித்து என்னவாக போகிறாய் என்று கேட்டால் டாக்டராக, கலெக்டராக ஆகப்போகிறேன் என்று சொல்வார்கள். ஆனால் இன்றுள்ள குழந்தைகளிடம் கேட்டால் பெரிய யூடியூபராக வரப் போகிறேன் என்று சொல்லும் அளவுக்கு மீடியா பவர்ஃபுல்லாக மாறி உள்ளது.

அதே சமயம் எல்லோருமே மீடியா ஆகிவிட்டதால் நல்ல விஷயத்தை விட கெட்ட விஷயம் அதிக அளவில் சென்றடைகிறது.

வாட்ஸ் அப், யூட்யூப் சொல்லும் விஷயங்களை பெரும்பாலான மக்கள் அப்படியே நம்பி விடுகின்றனர். அதனால் சொல்லும் விஷயத்தை எந்த அளவிற்கு அதில் உண்மை தன்மை இருக்கு என்று தெரிந்து கொண்டு செல்வது நல்லது.

இந்த படத்தின் கதாநாயகன் விமல் ஒரு யூடியூபராக நடித்துள்ளார். இன்று சென்னைக்கு வந்து செல்வோரின் எண்ணிக்கை அதிகம். அதனாலேயே இங்கே ஆரோக்கியம் இல்லாத உணவு, குறிப்பாக பிரியாணி அதிகப்படியாக பயன்பாட்டில் இருக்கிறது.

அதன் பின்னணியில் இருக்கும் சென்சிட்டிவான விஷயத்தை பொழுதுபோக்கு அம்சத்துடன் இயக்குனர் வேலுதாஸ் கூறியுள்ளார்.” என்று பேசினார்.

சிறப்பு விருந்தினராக கலந்து கொண்ட இயக்குநர் சண்முகம் பேசும்போது…

“சினிமாவை நம்பி கிட்டத்தட்ட ஐந்து லட்சம் பேர் வேலை செய்கின்றனர். அதனால் அரசாங்கம் இதன் மேல் கவனம் செலுத்த வேண்டும். இயக்குநர் வேலுதாஸ் என்னை ஒரு நடிகன் என நினைத்துக் கொண்டு இந்த படத்தில் நடிக்க அழைத்தார்.

முதல் நாளிலேயே எனக்கு செட்டாகவில்லை. ஆனால் இரண்டாவது நாளில் அவருக்கு ஏற்றபடி என்னை நான் மாற்றிக் கொண்டேன். ராம்கோபால் வர்மாவின் படங்களில் பணியாற்றியவர் என்பதால் ஒளிப்பதிவாளர் ராமியின் கேமரா கோணங்கள் எல்லாமே வித்தியாசமாக இருக்கிறது.

தலைப்புச் செய்தியாக வரவேண்டிய ஒரு விஷயத்தை இதில் கையில் எடுத்துள்ளார் இயக்குநர் வேலுதாஸ்.

இயக்குநர் வேலுதாஸ் படத்திற்கான கருவை நன்றாகவே தேடிப் பிடிக்கிறார். வருங்காலத்தில் மிகப்பெரிய இயக்குனராக வருவார். அதேபோல பட்ஜெட்டில் எந்த சமரசமும் செய்து கொள்ள விரும்பாதவர் வேலுதாஸ்.

500 டெம்போக்களை வைத்து எடுக்க வேண்டிய காட்சியில் முதல் நாள் குறைவான வாகனங்களே வந்ததால், அன்று படப்பிடிப்பை ரத்து செய்துவிட்டு மறுநாள் அந்த காட்சியை பிரமாண்டமாக படமாக்கினார்” என்று கூறினார்.

Healthy foods not available in chennai says Soundararaja

RECORD MAKER தலைவர் நிரந்தரம்.; ரூ 525 கோடியை அள்ளிய ரஜினியின் ‘ஜெயிலர்’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ரஜினிகாந்த் நடிப்பில் உருவான ‘ஜெயிலர்’ திரைப்படம் கடந்த ஆகஸ்ட் 10ஆம் தேதி திரையரங்குகளில் வெளியானது.

ரஜினியின் ஸ்டைல்.. சூப்பர் ஹிட் பாடல்கள்.. நெல்சனின் பிளாக் காமெடி.. மோகன்லால் மற்றும் சிவராஜ் குமாரின் ஆக்‌ஷன்.. வில்லன் விநாயகனின் வெறித்தனமான நடிப்பு என அனைத்தையும் கலந்து இந்த படத்தை ரசிகர்களுக்கு படக்குழு வழங்கியிருந்தனர்.

இந்த படத்திற்கு பெரிய பிரமோஷன் இல்லை.. ரிலீஸ் நாளில் விடுமுறை இல்லை.. பண்டிகை தினம் இல்லை ஆனாலும் தொடர்ந்து இரண்டு வாரங்களாக பாக்ஸ் ஆபீஸில் பட்டையை கிளப்பி வருகிறது ‘ஜெயிலர்’.

வார நாட்களிலும் ஹவுஸ்புல் காட்சிகளாக ஓடிக் கொண்டிருக்கிறது.

இந்த நிலையில் இரண்டு வாரங்களை கடந்துள்ள நிலையில் தற்போது இந்த படத்தின் வசூல் பற்றி அதிகாரப்பூர்வமாக சன் பிக்சர்ஸ் நிறுவனம் அறிவித்துள்ளது.

உலகளளவில் இதுவரை ரூ. 525 கோடியை வசூல் செய்துள்ளது என அறிவித்துள்ளனர். மேலும் ரஜினிகாந்த் ரெக்கார்ட் மேக்கர் எனவும் அந்த போஸ்டரில் தெரிவிக்கப்பட்டுள்ளது.

Record Maker Rajini Jailer collected Rs 525cr Box office

இந்திய நடிகர்களுக்கு கிடைக்காத பெருமையை தட்டிச் சென்ற மீனா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

1990களில் தென்னிந்திய சினிமாவில் முன்னணி நடிகை மீனா. அப்போது தமிழ் தெலுங்கு மலையாளம் உள்ளிட்ட பல மொழிகளின் சூப்பர் ஸ்டாரர்களுக்கு இவர் தான் ஆஸ்தான ஜோடி.

திருமணத்திற்கு பின் நடிக்காமல் ஒதுங்கி இருந்த மீனா அவ்வப்போது ஓரிரு படங்களில் தற்போது நடித்து வருகிறார்.

இந்த நிலையில் 2023ம் ஆண்டிற்கான ஆண்கள் உலக கோப்பை கிரிக்கெட் போட்டியை பாரிஸில் மீனா துவங்கி வைத்திருக்கிறார்.

இதன் மூலம் உலககோப்பை கிரிக்கெட் போட்டியை துவங்கி வைத்த முதல் இந்திய நடிகர் என்ற பெருமைக்கு மீனா சொந்தக்காரர் ஆகிவிட்டார் எனலாம்.

இது தொடர்பான படங்களை தன்னுடைய இன்ஸ்டாகிராம் பக்கத்தில் பதிவிட்டு , “ எந்தவொரு இந்திய நடிகருக்கும் கிடைக்காத பெருமைக்குரிய அங்கீகாரம் எனக்கு கிடைத்திருப்பதில் மிகவும் மகிழ்ச்சியாக உள்ளேன்” என்று பதிவிட்டு இருக்கிறார் நடிகை மீனா.

Meena becomes 1st Indian actor to Officially Launch Mens Cricket World Cup Trophy

‘புஷ்பா’ பாடல்களை முனுமுனுத்த கமல்.; அதுவே பெரிய விருது என தேவிஸ்ரீ பிரசாத் பதிவு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நேற்று ஆகஸ்ட் 24ஆம் தேதி 69ஆவது தேசிய திரைப்பட விருதுகள் அறிவிக்கப்பட்டது. சிறந்த நடிகருக்கான விருதை ‘புஷ்பா’ படத்தில் நடித்ததற்காக அல்லு அர்ஜுன் பெறுகிறார் என அறிவிக்கப்பட்டது.

‘கங்குபாய்’ படத்தில் நடித்ததற்காக ஆலியா பட் சிறந்த நடிகைக்கான விருதை பெறுகிறார் என அறிவிக்கப்பட்டது.

சிறந்த இசையமைப்பாளருக்கான விருது புஷ்பா படத்திற்காக தேவி ஸ்ரீ பிரசாத் அவர்களும் ‘ஆர் ஆர் ஆர்’ படத்திற்காக கீரவாணியும் பெறுகின்றனர் அறிவிக்கப்பட்டது.

இந்த நிலையில் தேவி ஸ்ரீ பிரசாத்துக்கு தன்னுடைய வாழ்த்துக்களை ட்விட்டர் பக்கத்தில் தெரிவித்து இருந்தார் கமல்ஹாசன்.

புஷ்பா திரைப்படத்திற்காக சிறந்த பாடல் இசைக்கான தேசிய விருது பெற்றுள்ள அன்பு இளவல் @ThisIsDSP அவர்களுக்கு என் மனமார்ந்த வாழ்த்துகளும் பாராட்டுகளும் உரித்தாகுக!

எனவே கமல்ஹாசனுக்கு நன்றி தெரிவித்து புஷ்பா படத்தின் பாடல்களை நீங்கள் அடிக்கடி முணுமுணுப்பதாக ஏற்கனவே தெரிவித்திருந்தீர்கள். அதுவே எனக்கு பெரிய விருதாக இருந்தது” என தேவி ஸ்ரீ பிரசாத் நன்றி தெரிவித்து ட்விட்டரில் பதிலளித்துள்ளார்.

Kamala wishes Devi Sri Prasad for National Award

தென்னிந்தியாவின் அனஸ்டாசியா ஸ்டீல்.; மசூம் சங்கர் கண்ணீரை பார்த்த 20 லட்சம் பேர்.;

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சந்தானம் நடிப்பில் தயாரான ‘டிடி ரிட்டன்ஸ்’ எனும் திரைப்படத்தில் பிரெஞ்சு பெண் கிளாரா எனும் கதாபாத்திரத்தில் நடித்திருந்தவர் நடிகை மசூம் சங்கர்.

இணையத்தில் வைரலான இவருடைய நேர்காணல் ஒன்றின் மூலம் தென்னிந்திய திரைப்பட தயாரிப்பாளர்களின் கவனத்தை கவர்ந்துள்ளார்.

டெல்லியில் பிறந்த மசூம் சங்கர், ‘டிடி ரிட்டன்ஸ்’ படத்தினை விளம்பரப்படுத்தும் நிகழ்வில் கலந்து கொண்டார். அதன் போது தொகுப்பாளர் எந்தவித முன்னறிவிப்பும் இல்லாமல் இந்த இடத்திலேயே கிளிசரின் இல்லாமல் கண்ணீர் விட்டு அழும் படி கேட்டுக் கொண்டார்.

உடனேயே மாசூம் சங்கர் கண் சிமிட்டாமல் கிளிசரின் இல்லாமல் கண்ணீர் விட்டு அழுது பார்வையாளர்களை வியப்பில் ஆழ்த்தினார்.

இந்த காணொளி இதுவரை இரண்டு மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்திருக்கிறது.

அவரது ஆளுமை மற்றும் ஈடுபாடு குறித்து அறியப்பட்ட அந்த வீடியோவை பார்வையிட்ட பல சர்வதேச பார்வையாளர்கள்.. ’50 ஷேட்ஸ் ஆப் கிரே’ எனும் திரைப்படத்தில் நடிகை டகோட்டா ஜான்சன் நடித்த அனஸ்டாசியா ஸ்டீல் எனும் கதாபாத்திரத்தை நினைவு படுத்துவதாகவும், நீங்கள் அந்த கதாபாத்திரத்தில் மீண்டும் நடிக்க வேண்டும் என பதிவிட்டிருந்தனர்.

ஆரி அர்ஜுனன் நடிப்பில் வெளியான ‘நாகேஷ் திரையரங்கம்’ எனும் திரைப்படத்தின் மூலம் தமிழ் ரசிகர்களுக்கு அறிமுகமான நடிகை மசூம் சங்கர்.. அப்படத்தைத் தொடர்ந்து ’90 எம்எல்’, ‘தனுசு ராசி நேயர்களே’, ‘டெடி’ மற்றும் ‘பயணிகள் கவனிக்கவும்’ ஆகிய படங்களில் நடித்திருக்கிறார்.

இதனைத் தொடர்ந்து தற்போது வெற்றிகரமாக ஓடிக் கொண்டிருக்கும் ‘டி டி ரிட்டன்ஸ்’ எனும் திரைப்படத்திலும் நடித்திருக்கிறார்.

தமிழ் திரையுலகில் பணியாற்றுவது குறித்து கேட்டபோது…

”நான் தமிழ் சினிமாவின் ஒரு அங்கமாக இருப்பதை மட்டும் நம்பவில்லை, என்னுள் ஒரு தமிழன் ஆன்மா இருக்கிறது என்று நான் உணர்கிறேன். அதனால் தான் நான் தமிழ் கற்றுக் கொள்வதை ஒரு குறிக்கோளாக கொண்டேன்.

மேலும் எனது கதாபாத்திரங்களுக்கு பின்னணி பேசுவதிலும் தேர்ச்சி பெற்றுள்ளேன்‌. அதை நான் உறுதியாக நம்புகிறேன். மொழி தெரியாமல் நடிப்பது அநியாயம்” என்றார் நடிகை மசூம் சங்கர்.

இவர் நடிகை மட்டுமல்ல இயல்பிலேயே மிகவும் துணிச்சலான சாகச பெண்ணும் கூட. சென்னையில் இருந்து ஹைதராபாத்திற்கு நடைபெற்ற கார் பந்தயங்களில் கலந்து கொண்டிருக்கிறார்.

மேலும் அசாதாரணமான சந்தர்ப்பங்களில் ஏதேனும் உடல் ரீதியான சவால்கள் வந்தால், அதனை எதிர்கொள்வதற்காக தற்காப்பு கலைகளிலும் பயிற்சி பெற்றிருக்கிறார் நடிகை மாசூம் சங்கர்.

தமிழ் ரசிகர்களை மட்டுமல்ல விரைவில் தெலுங்கு ரசிகர்களின் மனதையும் கொள்ளை கொள்ள தயாராகி வருகிறார். இது தொடர்பான முக்கியமான அறிவிப்பு விரைவில் வெளியாகவிருக்கிறது. தெலுங்கு மொழியிலும் இவர் நடிக்கும் கதாபாத்திரத்திற்கு இவரே பின்னணி பேசியிருக்கிறார் என்பதும் குறிப்பிடத்தக்கது.

DD returns fame Masoom Shankar new movie updates