தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
‘விக்ரம்’ மற்றும் ‘பொன்னியின் செல்வன்’ ஆகிய படங்களுக்குப் பிறகு தமிழ் சினிமாவை சமீபத்தில் அதிர வைத்த படம் என்றால் அது ‘லவ் டுடே’ தான்.
‘கோமாளி’ பட இயக்குனர் பிரதீப் ரங்கநாதன் ‘லவ் டுடே’ படத்தை இயக்கி ஹீரோவாக நடித்திருந்தார்.
ரூ. 6 கோடியில் தயாரிக்கப்பட்ட இந்த படம் பத்து மடங்கு லாபத்தை அதாவது 60 கோடிக்கு அதிகமான வசூலை பெற்று தந்துள்ளது.
எனவே இந்த படத்தை தெலுங்கிலும் டப்பிங் செய்து படக்குழுவினர் வெளியிட உள்ளனர்.
இதற்கான புரோமோசன் நிகழ்ச்சி சமீபத்தில் நடைபெற்றது.
இந்த நிலையில் நாளை நவம்பர் 25ஆம் தேதி ‘லவ் டுடே’ படத்தை தெலுங்கில் வெளியிட உள்ளார் ‘வாரிசு’ பட தயாரிப்பாளர் தில் ராஜு.
இந்த படத்தின் தெலுங்கு டிரைலருக்கு 2 மில்லியனுக்கு மேல் வரவேற்பு கிடைத்ததால் 300-க்கும் அதிகமான தியேட்டர்களில் வெளியிட உள்ளதாக கூறப்படுகிறது.