தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஷங்கர் இயக்கி, ரஜினி நடிப்பில் உருவாகிவரும் 2.0 படத்தை ரூ. 400 கோடி செலவில் லைக்கா நிறுவனம் தயாரித்து வருகிறது.
இதனிடையில் இலங்கை தமிழர்களுக்கு கட்டப்பட்டுள்ள வீடுகளை இலவசமாக கொடுக்க நினைத்த லைக்கா நிறுவனம், ரஜினியை இலங்கைக்கு அழைத்தனர்.
ஆனால் ரஜினி இலங்கை செல்லக்கூடாது என தமிழக அரசியல் கட்சித் தலைவர்கள் நெருக்கடி கொடுக்கவே ரஜினி செல்லவில்லை.
தற்போது சென்னையில் லைக்கா நிறுவனர் சுபாஸ்கரன் அவர்களால் கட்டப்பட்டுள்ள ‘வெஸ்ட் மின்ஸ்டர்’ என்ற ஆஸ்பத்திரியை ரஜினிகாந்த் திறந்து வைத்துள்ளார்.
சென்னை ஜெமினி மேம்பாலம் அருகே கிட்டதட்ட ரூ.125 கோடி செலவில் இந்த மருத்துவமனை கட்டப்பட்டுள்ளதாக கூறப்படுகிறது.
இந்த விழாவில் ரஜினி பேசியதாவது…
“சுபாஷ்கரனை எனக்கு இரண்டு ஆண்டுகளாகத்தான் தெரியும். ஆனால் ஒரு நாற்பது ஆண்டுகள் பழகிய மாதிரி நெருக்கமாகிவிட்டார்.
நல்ல மனிதர், மனிதாபிமானி. அவர் இந்த மருத்துவமனையை சேவை நோக்கத்தில் திறந்திருக்கிறார். அவருக்கு என் வாழ்த்துகள்” என்றார்.