தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தன் ஒவ்வொரு படத்தையும் ஒவ்வொரு விதமாக எடுத்து ரசிகர்களுக்கு விருந்து படைப்பவர் இயக்குனர் சக்தி சௌந்தர்ராஜன்.
இவரின் நாணயம் வங்கிக் கொள்ளையைப் பற்றியது.
அதன்பின்னர் இயக்கிய நாய்கள் ஜாக்கிரதை படமானது துப்பறியும் கதை. மிருதன் படமானது ஸாம்பி கதை. டிக் டிக் டிக் விண்வெளி ஆராய்ச்சி கதை.
இறுதியாக வெளியான டெடி படம் பொம்மை ஃபேண்டஸி கதை.
ஆர்யா நடித்த ‘டெடி’ படம் இந்தாண்டு மார்ச் மாதம் ஓடிடி தளத்தில் வெளியாகி பின்னர் சின்னத்திரையிலும் ஒளிப்பரப்பானது.
இந்த படம் பெரியவர்கள் முதல் சிறியவர்கள் வரை அனைவரையும் கவர்ந்தது.
இப்போது ‘டெடி’ கூட்டணி மீண்டும் இணைகிறது.
சக்தி சௌந்தர்ராஜன் இயக்கத்தில் ஆர்யா நடிக்கவுள்ளார்.
இந்த படத்தில் தனுஷின் ஜகமே தந்திரம் பட நாயகி ஐஸ்வர்ய லெட்சுமி நாயகியாக நடிக்கிறார். சிம்ரன் முக்கிய கதாபாத்திரம் ஒன்றில் நடிக்கிறார்.
இப்படத்தின் படப்பிடிப்பு நேற்று முதல் ஆரம்பமாகியுள்ளது.
ஆர்யாவுக்கு இது வெகு சிறப்பான படமாக இருக்கும் என்றும் அவர் இதுவரை நடிக்காத கேரக்டரில் நடிக்கவுள்ளதாகவும் படக்குழுவினர் தெரிவித்துள்ளனர்.
Teddy combo joins again for a new film