கருணாநிதி வாழ்க்கை படத்தில் கலைஞராக பிரகாஷ்ராஜ் நடிப்பாரா?

கருணாநிதி வாழ்க்கை படத்தில் கலைஞராக பிரகாஷ்ராஜ் நடிப்பாரா?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

iruvar prakash rajதமிழகத்தை 5 முறை முதல்வராக ஆட்சி செய்த கலைஞர் கருணாநிதி கடந்த ஆகஸ்ட் 7ஆம் தேதி மரணமடைந்தார்.

தற்போது அவரது வாழ்க்கை வரலாற்றை படமாக்கும் முயற்சியில் பிரபல தயாரிப்பாளர்கள் சிலர் முன் வந்துள்ளனர்.

ஏற்கெனவே நடிகர் பிரகாஷ்ராஜ் ‘கருணாநிதி வேடத்தில் நடிக்க ஆசை’ என்று தனது விருப்பத்தை தெரிவித்திருந்தார்.

எனவே அவரை ஒப்பந்தம் செய்ய சிலர் பேச்சுவார்த்தை நடத்தவுள்ளதாக தகவல்கள் வந்துள்ளன.

மணிரத்னம் இயக்கிய இருவர் படத்தில் கருணாநிதியாக நடித்தவர் பிரகாஷ்ராஜ். அதற்காக அவர் விருதும் வாங்கியிருந்தார் என்பது குறிப்பிடத்தக்கது.

Will Prakash Raj accept to act in Kalaignar Karunanidhi biopic

ஒரு இயக்குனராகவும் நடிகை அதிதி ராவை கவர்ந்த தனுஷ்

ஒரு இயக்குனராகவும் நடிகை அதிதி ராவை கவர்ந்த தனுஷ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Actress Aditi Rao Hydari praises Dhanush direction styleவெற்றிமாறன் இயக்கத்தில் தனுஷ் நடிப்பில் உருவாகியுள்ள ‘வட சென்னை’ திரைப்படம் ஆயுதபூஜை வெளியீடாக அக்டோபர் 18-ஆம் தேதி ரிலீசாகிறது.

இவையில்லாமல் ‘எனை நோக்கி பாயும் தோட்டா’ மற்றும் `மாரி-2′ படங்களும் அவரது நடிப்பில் வெளியாகவுள்ளன.

இதனிடையில் பிரம்மாண்ட சரித்திர படமான நான் ருத்ரன் என்ற படத்தை ஒன்றை தனுஷ் இயக்கி வருகிறார்.

இதில் தனுசுடன் நாகார்ஜுனா, சரத்குமார், எஸ்.ஜே.சூர்யா, ஸ்ரீகாந்த், அதிதி ராவ், அனு இமானுவேல் உள்ளிட்ட பலரும் நடிக்கின்றனர்.

இப்படத்தில் நடிப்பது குறித்து அதிதி ராவ் கூறியதாவது…

“ஒரு இயக்குனராகவும் என்னை கவர்ந்துவிட்டார் தனுஷ். அவர் ஷாட் வைப்பது வேலை வாங்குவது எளிதாகவும் இருக்கிறது.” என்று பாராட்டியுள்ளார்.

Actress Aditi Rao Hydari praises Dhanush direction style

“நோட்டா”வுக்காக நானும் மரண வெயிட்டிங்” ; விஜய் தேவரகொண்டா

“நோட்டா”வுக்காக நானும் மரண வெயிட்டிங்” ; விஜய் தேவரகொண்டா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

NOTA Vijayஸ்டுடியோ கிரீன் நிறுவனத்தின் சார்பில் கே.ஈ.ஞானவேல்ராஜா தயாரிப்பில் உருவாகியிருக்கும் படம் ‘நோட்டா.’ ‘அர்ஜுன் ரெட்டி’, ‘கீதா கோவிந்தம்’ புகழ் விஜய் தேவரகொண்டா இந்தப்படத்தின் மூலம் தமிழில் நாயகனாக அறிமுகமாகிறார். நாயகியாக சன்சனா நடராஜன் நடித்துள்ளார். முக்கிய வேடத்தில் சத்யராஜ். நாசர், எம்.எஸ்.பாஸ்கர் நடித்துள்ள இந்தப்படத்தை அரிமாநம்பி, இருமுகன் படங்களை இயக்கிய ஆனந்த் சங்கர் இயக்கியுள்ளார்.

இசையமைப்பாளர் சாம் சி.எஸ். இசையமைத்துள்ள இந்தப்படத்தின் இசைவெளியீட்டு விழா மற்றும் பத்திரிகையாளர் சந்திப்பு இன்று மாலை சென்னை சாலிகிராமம் பிரசாத் லேபில் நடைபெற்றது. இந்த நிகழ்வில் நாயகன் விஜய் தேவரகொண்டா, சத்யராஜ் நாயகி சன்சனா மற்றும் பிக்பாஸ் புகழ் யாஷிகா’, நாசர், எம்.எஸ்.பாஸ்கர், இயக்குநர் ஆனந்த் சங்கர், இசையமைப்பாளர் சாம் சி.எஸ்., படத்தொகுப்பாளர் ரேமாண்ட் டெரீக் க்ராஸ்தா ஆகியோர் கலந்துகொண்டனர்.

இந்த நிகழ்வில் எம்.எஸ்.பாஸ்கர் பேசும்போது, “அரிமா நம்பியில் கொஞ்ச நேரமே வந்தாலும் ரசிகர்கள் மனதில் நிற்கும் விதமாக இயக்குனர் ஆனந்த் ஷங்கர் எனக்கு நல்ல பெயர் வாங்கித்தந்தார். இதிலும் அதேபோல ஒரு கேரக்டரை கொடுத்துள்ளார். மிலிட்டரி படத்திற்குப்பின் பல வருடங்கள் கழித்து சத்யராஜுடன் இணைந்து நடிப்பதில் மகிழ்ச்சி. படத்தின் நாயகன் விஜய் தேவரகொண்டாவிடம் எனக்கு தெலுங்கு தெரியாதது போல கொஞ்சநாள் ஏமாற்றினேன். அதன்பின் அவருக்கு உண்மை தெரியவந்தபோது செல்லமாக என்னை திட்டினார். இந்தப்படத்திற்கு தமிழில் அவரே அற்புதமாக டப்பிங் பேசியிருக்கிறார்” என்றார்.

நடிகர் நாசர் பேசும்போது, “ரொம்பநாள் கழித்து ஒரு அழுத்தமான கேரக்டரில் நடித்துள்ளேன். நடிப்பு என்கிற விஷயத்தை சுவைக்கின்ற படமாக இது இருக்கும். இருமுகன் படத்தில் என்னை ரொம்ப மெதுவாக வசனங்களை பேச சொன்னார்.. ஆனால் இந்தப்படத்திலும் அப்படி ஏதாவது சொல்வாரோ என பயந்தேன்.. ஆனால் நான் நினைத்து வைத்தது போலவே இந்தப்படத்தில் பேச சொல்லிவிட்டார். இது அரசியல் படம் என்பதால் இதில் நாங்கள் அவ்வப்போது ஒரு காட்சியை படமாக்கி முடிக்கும்போதும் வெளியில் அதேபோல நிகழ்வு நடந்திருக்கும் என்பதுதான் எங்களுக்கு ஆச்சர்யம் தந்தது” என்றார்.

இந்த நிகழ்வில் சன்சனா பேசும்போது, “குறும்படத்தில் நடித்துவிட்டு, அடுத்ததாக வெப் சீரிஸில் நடித்திருந்த என்னை எப்படியோ கண்டுபிடித்து இந்த கதாபாத்திரத்திற்கு தேர்ந்தெடுத்து நடிக்க வைத்துள்ளார் ஆனந்த் சங்கர். அதேபோல தயாரிப்பாளர் ஞானவேல்ராஜாவும் என்னை நம்பியதற்கு நன்றி” என்றார்.

இசையமைப்பாளர் சாம் சி.எஸ் பேசும்போது, “ஆனந்த் சங்கரை பொறுத்தவரை பாடல்களை குறைத்து பின்னணி இசையில் கவனம் செலுத்துவார். எனக்கும் அதே அலைவரிசை என்பதால் எளிதாக செட்டாகி விட்டோம். இந்தப்படத்தின் பின்னணி இசையை கவனிப்பவர்கள், இவர் வித்தியாசமான முயற்சிகளை பண்ணுவார் என என்மீது நம்பிக்கை வைக்க ஆரம்பிப்பார்கள். நாம் எதிர்கொண்ட, நம்மை பாதித்த விஷயங்களை இதில் ஆரம்பம் முதல் என்ட் கார்டு வரை விறுவிறுப்பு குறையாமல் சொல்லியிருக்கிறார் இயக்குனர்” என்றார்.

சத்யராஜ் பேசும்போது, “நடப்பு அரசியலை அதிரடியாக படமாக எடுக்கும் தைரியம் இயக்குனர் மணிவண்ணனுக்கு மட்டுமே இருந்தது. அமைதிப்படை, கோ என அரசியல் படங்களில் புதிய பாணியை புகுத்தியது போல இந்தப்படத்திலும் புகுத்தியிருக்கிறார் இயக்குனர் ஆனந்த் சங்கர்.. எனக்கு பொதுவாகவே வேறு மொழியில் பேசி நடிப்பது தான் கொஞ்சம் கஷ்டமான விஷயம்.. நண்பன் படத்தின் தெலுங்கு வெர்ஷனுக்காக தெலுங்கை தமிழில் எழுதி வைத்துக்கொண்டு ஈஸியாக பேசிவிடலாம் என நினைத்தேன். ஆனால் ஒருநாள் முழுதும் முயன்றும் என்னால் ஒரிஜினல் தெலுங்கில் பேசமுடியவே இல்லை. ஆனால் இந்தப்படத்தின் ஹீரோ விஜய் தேவரகொண்டாவோ, அழகான தமிழ் உச்சரிப்புடன் வசனங்களை பேசியதுடன் நாலு பக்க வசனங்களை ஞாபகமாக வைத்து பேசுவது கண்டும் பிரமித்து போனேன். ரொம்பநாளாகவே எந்த மேக்கப்பும் இல்லாமல் இயல்பான கெட்டப்பில் நடிக்கவேண்டும் என்கிற ஆசை இருந்தது. அந்த ஆசையை இதில் நிறைவேற்றி வைத்துவிட்டார் ஆனந்த் சங்கர்.

இயக்குநர் ஆனந்த் சங்கர் பேசும்போது, “இந்தப்படத்தின் ஸ்கிரிப்ட் தயாரானவுடன் நாயகனாக யார் என்கிற கேள்வி எழுந்தது.. காரணம் இதில் ஹீரோவைத்தவிர மற்றவர்களுக்கும் நடிப்பதற்கு நிறைய வாய்ப்பு இருந்தது. அப்போதுதான் தெலுங்கில் பெல்லி சூப்புலு, அர்ஜுன் ரெட்டி என கலக்கலான வெரைட்டியான படங்களின் மூலம் ஒரு நம்பிக்கை நட்சத்திரமாக விஜய் தேவரகொண்டா உருவாகிக்கொண்டு இருந்தார். தமிழ் ரசிகர்களும் சப் டைட்டிலுடன் அவரது படங்களை பார்த்து ரசிக்க ஆரம்பித்தனர். ஏன் இவரையே தமிழ் பேசவைக்க கூடாது என முடிவு செய்து தயாரிப்பாளர் ஞானவேல்ராஜாவிடம் சொன்னேன்.. அவரும் எந்த மறுப்பும் சொல்லாமல் பச்சைக்கொடி காட்டவே விஜய் தேவரகொண்டாவை சந்தித்து கதை சொன்னேன். முதலில் அரைமணி நேரம் கதை சுருக்கத்தை மட்டும் சொல்லிவிட்டு வந்தேன். ஆனால் அன்று மாலையே என்னை அழைத்து முழுக்கதையும் சொல்லுங்கள் என கூறியபோதே இந்தப்படத்தின் கதாநாயகன் இருக்கையில் அவர் அமர்ந்துவிட்டார். மொழி தெரியாத ஹீரோ என்பதால் வசனங்களை எதுவும் அவர் மாற்ற சொல்லாமல் நடித்து எனக்கு வசதியாக இருந்தது. படத்தில் அவரது தமிழ் உச்சரிப்பு எந்தவித மாறுபாடும் கண்டுபிடிக்க முடியாதவாறு அவ்வளவு நேச்சுரலாக இருக்கிறது.

அதேபோல சத்யராஜ் சாரும் முதலில் தயங்கினார். ஆனால் கதை கேட்டதும் டபுள் ஒகே சொல்லிவிட்டார். கதாநாயகியாக நடித்துள்ள சன்சனாவை படம் வெளியானபின் யாரந்த பொண்ணு என நிச்சயம் கேட்பார்கள். அதேபோல அருவி படம் பார்த்துவிட்டு அதன் ட்ரெய்லரை பார்த்ததுமே எடிட்டர் ரேமாண்ட் டெரீக் க்ராஸ்தா தான் இந்தப்படத்திற்கு எடிட்டர் என முடிவுசெய்துவிட்டேன்.. ட்ரெய்லருக்கு கூட நான் ஐடியா எதுவும் கொடுக்கவில்லை.. அவர் போக்கிலேயே விட்டுவிட்டேன்.

இசையமைப்பாளர் சாம் சி.எஸ் இங்கிருந்தபடியே மாசிடோனியாவில் உள்ள 72 இசைக்கலைஞர்களை வைத்து வீடியோ ஸ்கிரீன் மூலமாக பின்னணி இசை அமைத்து அதிர வைத்துள்ளார். இரண்டு த்ரில்லர் படங்கள் இயக்கியிருந்தாலும் இதுபோன்ற ட்ராமா பாணி படம் இயக்குவது தான் எனக்கு பிடிக்கும்.. அதனாலேயே 48 நாட்களிலேயே இந்தப்படத்தை எளிதாக முடிக்க முடிந்தது.” என்றார்.

நாயகன் விஜய் தேவரகொண்டா பேசும்போது, “முதல் பத்திரிகையாளர் சந்திப்பின்போது மற்றவர்கள் பேசுவது எதுவும் புரியாத நிலையில் அதை கவனிக்காமல், எண்ணித்துணிக கருமம் என்கிற திருக்குறளை திரும்பத்திரும்ப மனப்பாடம் பண்ணிக்கொண்டு இருந்தேன்.. ஆனால் இப்போது தமிழில் நானே திருக்குறள் ஒப்பிக்கும் அளவுக்கு வந்துவிட்டேன்… இயக்குனர் ஆனந்த் சங்கருடன் பணியாற்றியது ரொம்ப ஈஸியாக இருந்தது. இந்தப்படம் குறித்து டிவிட்டரில் அடிக்கடி மரண வெயிட்டிங் என கமெண்ட் போடப்பட்டு இருந்தது.. அதேபோல நானும் இந்தப்படத்திற்காக மரண வெயிட்டிங்.. இந்தப்படத்தின் மூலம் தமிழ் மக்களின் மனதை வெல்லவேண்டும் என்பதுதான் என் ஆசை.” என்றவர் ‘சொன்னது போலவே திருக்குறள் ஒன்றை அழகாக உச்சரித்து அனைவரையும் ஆச்சர்யப்படுத்தினார்.

இந்தப்படம் வரும் அக்-5ஆம் தேதி வெளியாக இருக்கிறது.

துரை இயக்கத்தில் போலீஸாக சுந்தர் சி. மிரட்டும் *இருட்டு*

துரை இயக்கத்தில் போலீஸாக சுந்தர் சி. மிரட்டும் *இருட்டு*

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

sundar cமுகவரி’, ‘தொட்டி ஜெயா’, ‘நேபாளி’, ‘6 மெழுகுவர்த்திகள்’ உள்ளிட்ட படங்களை இயக்கியவர் VZ. துரை.

அதற்குப் பிறகு சாம் ஜோன்ஸ், சமுத்திரக்கனி, அதுல்யா ரவி உள்ளிட்டோர் நடிப்பில் ‘ஏமாலி’ படத்தை இயக்கினார்.

இப்படம் போதிய வரவேற்பைப் பெறவில்லை.

இந்நிலையில் சுந்தர்.சியை கதை நாயகனாக வைத்து இருட்டு என்ற படத்தை வி.இசட் துரை இயக்குகிறார்.

இதில் சுந்தர்.சி போலீஸ் அதிகாரியாக நடிக்கிறார்.

இப்படத்தின் ஃபர்ஸ்ட் லுக்கை நடிகை குஷ்பூ இன்று வெளியிட்டார்.

கிருஷ்ணசாமி ஒளிப்பதிவு செய்யும் இப்படத்துக்கு க்ரிஷ் இசையமைக்கிறார்.

இந்திரா சௌந்தர்ராஜன் வசனம் எழுதுகிறார்.

ஸ்க்ரீன் சீன் மீட்யா என்டெர்டெயின்மென்ட் இருட்டு படத்தைத் தயாரிக்கிறது.

பிரியதர்ஷன் இயக்கத்தில் மோகன்லால் ஜோடியாக கீர்த்தி சுரேஷ்

பிரியதர்ஷன் இயக்கத்தில் மோகன்லால் ஜோடியாக கீர்த்தி சுரேஷ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

keerthy suresh and mohan lalதமிழில் டாப் ஹீரோக்களின் முதல் சாய்ஸ் ஆக மாறிவிட்டார் நடிகை கீர்த்தி சுரேஷ்.

மலையாள சினிமாவில் இருந்து இவர் வந்தாலும் தமிழ், தெலுங்கு என 2 மொழிகளிலும் இவருக்கு பெரிய மார்க்கெட் உருவாகியுள்ளது.

கிட்டதட்ட ரூ. 2 முதல் 2.5 கோடி ரூபாய் வரை சம்பளம் கொடுக்க தயாராக உள்ளனர்.

இந்நிலையில் மலையாளத்தில் மோகன்லாலுக்கு ஜோடியாக நடிக்க ஒப்புக் கொண்டுள்ளார் கீர்த்தி.

இப்படத்தை பிரியதர்‌ஷன் இயக்கவுள்ளார். இந்த கூட்டணி பல முறை இணைந்துள்ளது.

இப்படத்திற்கு மராக்கர்: அரபிக்கடலிண்டே சிம்ஹம் என தலைப்பிட்டுள்ளனர்.

இதில் மோகன் லாலின் இளவயது கதாபாத்திரத்தில் அவரது மகன் பிரணவ் மோகன்லால் நடிக்கிறார். அவருக்கு ஜோடியாக பிரியதர்‌ஷனின் மகளான கல்யாணி பிரியதர்‌ஷன் நடிக்கிறார்.

கீர்த்தி சுரேஷ் மலையாளத்தில் அறிமுகமானதே பிரியதர்‌ஷன் இயக்கத்தில் மோகன்லால் நடித்த கீதாஞ்சலி படத்தில்தான் என்பது இங்கே கவனிக்கத்தக்கது.

அமிதாப்-அமீர்கான் இணைந்துள்ள *தக்ஸ் ஆப் ஹிந்தோஸ்தான்* தமிழிலும் வெளியாகிறது

அமிதாப்-அமீர்கான் இணைந்துள்ள *தக்ஸ் ஆப் ஹிந்தோஸ்தான்* தமிழிலும் வெளியாகிறது

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

thugs of hindustanவிஜய் கிருஷ்ணா ஆச்சார்யா இயக்கத்தில் யாஷ் ராஜ் பிலிம்ஸ் சார்பில் ஹிந்தியில் உருவாகியுள்ள படம் ‘தக்ஸ் ஆப் ஹிந்தோஸ்தான்’.

இந்த படத்தில் அமீர்கான் நாயகனாக நடிக்க, முக்கிய வேடத்தில் அமிதாப்பச்சன் நடித்துள்ளார்.

இவர்கள் இணைந்து நடிப்பது இதுவே முதன்முறையாகும்.

இதில் அமிதாப் பச்சன் ராஜா வேடத்தில் வருகிறார். அவரது லுக் வெளியாகி சமூக வலைத்தளத்தில் நல்ல வரவேற்பை பெற்றுள்ளது.

இவர்களுடன் கத்ரினா கைப், பாத்திமா சனா சேக் ஆகியோரும் நடித்துள்ளனர்.

ரூ.210 கோடியில் பிரம்மாண்டமாக உருவாகி இப்படம் வருகிற நவம்பர் 8-ஆம் தேதி ரிலீசாகவுள்ளது.

இதனை தமிழ் மற்றும் தெலுங்கிலம் டப் செய்து ரிலீஸ் செய்கின்றனர்.

அதற்கான புரமோஷன் வீடியோவில் நடிகர் அமிதாப் பச்சன் மற்றும் அமீர்கான் ஆகியோர் தமிழ் மற்றும் தெலுங்கில் பேசியுள்ளனர்.

More Articles
Follows