தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சின்ன சின்ன வேடங்களில் நடித்து ஹீரோ அந்தஸ்துக்கு உயர்ந்தவர் நடிகர் விஜய் சேதுபதி. ஆரம்பகாலங்களில் இவரது படங்களும் நடிப்பும் பெரிய அளவில் பேசப்பட்டது.
தென்மேற்கு பருவக்காற்று சூது கவ்வும் தர்மதுரை விக்ரம் வேதா நானும் ரவுடிதான் உள்ளிட்ட பல படங்கள் விஜய் சேதுபதிக்கு பெரும் பெயரை பெற்று தந்தது.
மேற்கண்ட படங்களில் கதையின் நாயகனாக நடித்து வந்த விஜய் சேதுபதி அதன் பிறகு மாஸ் ஹீரோவாக தன்னை அடையாளப்படுத்திக் கொள்ள மசாலா படங்களில் நடிக்க ஆரம்பித்தார். இதனால் தொடர் தோல்வியை சந்தித்தார்.
‘ஒரு நல்ல நாள் பார்த்து சொல்றேன்’, ‘ஜூங்கா’, ‘சீதக்காதி’, ‘லாபம்’, ‘துக்ளக் தர்பார்’, ‘சிந்துபாத்’, ‘சங்கத்தமிழன்’, ‘அனபெல் சேதுபதி’ உள்ளிட்ட படங்களை தொடர்ந்து ஓரிரு தினங்களுக்கு முன் வெளியான ‘டிஎஸ்பி’ படமும் தோல்வி வரிசையில் இணைந்துள்ளது.
‘பேட்ட’ படத்தில் ரஜினிக்கு வில்லனாக.. ‘மாஸ்டர்’ படத்தில் விஜய்க்கு வில்லனாக.. ‘விக்ரம்’ படத்தில் கமலுக்கு வில்லனாக நடித்தார். இவர் வில்லனாக நடித்த இந்த மூன்று படங்களும் சூப்பர் ஹிட் ஆனது.
இனி தமிழ் சினிமாவின் முன்னணி நடிகர்களில் ஒருவரான அஜித்துக்கு வில்லனாக நடித்தால் அடுத்த வெற்றியை கொடுக்கலாம் விஜய் சேதுபதி.
தற்போது ‘காந்தி டாக்ஸ்’, ‘கிறிஸ்மஸ்’, ‘ஜவான்’ உள்ளிட்ட ஹிந்தி படங்கள் நடித்து வருகிறார் என்பது குறிப்பிடத்தக்கது.
அஜித்தின் 62 ஆவது படத்தை விக்னேஷ் சிவன் இயக்கவுள்ளார். இவர் விஜய்சேதுபதிக்கு நெருங்கிய நண்பர் என்பதால் இதில் விஜய்சேதுபதி இணைந்தாலும் ஆச்சரியப்படுவதற்கு இல்லை.