தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஜூனியர் எம்ஜிஆர் என்று அழைக்கப்படும் ராமச்சந்திரன் நாயகனாக நடித்துள்ள படம் ‘இரும்பன்’.
இதில் முக்கிய வேடத்தில் யோகிபாபு நடித்துள்ளார்.
கீரா இயக்கியுள்ள இந்த படத்திற்கு ஸ்ரீகாந்த் தேவா இசை அமைத்துள்ளார். லெனின் பாலாஜி ஒளிப்பதிவு செய்துள்ளார்.
லெமூரியா மூவிஸ் சார்பாக இந்த படத்தை தமிழ் பாலா மற்றும் வினோத்குமார் இணைந்து தயாரித்துள்ளனர்.
இந்தப் படத்தின் இசை வெளியீட்டு விழா தற்போது சென்னை கேகே நகரில் நடைபெற்றுக் கொண்டிருக்கிறது.
இந்தப் பட விழாவில் கே ராஜன் கலந்து கொண்டு பேசினார்.. அவர் பேசும்போது..
“இப்போது எம்ஜிஆர் இல்லை. தமிழ் சினிமா ஹீரோக்கள் கோடிக்கணக்கில் சம்பளம் வாங்குகிறார்கள்.. ஆனால் எம்ஜிஆர் போல ஒருவரும் இல்லை.
இன்றைக்கும் எம்ஜிஆர் ரசிகர்கள் இருக்கிறார்கள்.. எனவே ராமச்சந்திரன் புதிய எம்ஜிஆர் ஆக உருவாக வேண்டும்.
மக்களின் ஆதரவைப் பெற வேண்டும். நல்லது செய்ய வேண்டும்.. எம்ஜிஆரை போல எவரும் வாழவில்லை.
அவர் வீட்டிற்கு சென்றால் எப்போதும் எல்லாருக்கும் உணவு அளிப்பார்.
ஆனால் இன்று பெரிய ஹீரோக்கள் கூட தங்கள் வீட்டில் ஒரு மோர் கூட கொடுப்பதில்லை. தாகம் தீர்ப்பதில்லை.
இந்தப் படத்திற்கு ஸ்ரீகாந்த் தேவா இசை அமைக்கிறார். அவரை சினிமாவில் அறிமுகப்படுத்தியது நான் தான்… நான் தயாரித்த டபுள்ஸ் திரைப்படத்தில் தான் ஸ்ரீகாந்த் தேவா இசையமைப்பாளராக அறிமுகமானார்.” என்று வாழ்த்தி பேசினார்.
கூடுதல் தகவல்…
முதலில் இந்த படத்துக்கு குறவன் என்று தலைப்பு வைத்திருந்தனர். தற்போது படத்தின் பெயரை மாற்றி ‘இரும்பன்’ என்று பெயரிட்டுள்ளனர்.
We need MGR again says K Rajan at Irumban event