By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
விஜய் டிவியில் பிரபலமான சிவகார்த்திகேயன், சந்தானம் உள்ளிட்ட பலரும் இன்று சினிமாவில் கோலோச்சி கொண்டிருக்கிறார்கள்.
இவர்களை தொடர்ந்து விஜய் டிவியின் “கனா காணும் காலங்கள்” மற்றும் “ஆபீஸ்” சீரியல்களில் நடித்த கார்த்திக் ராஜ் என்பவரும் சினிமாவில் அறிமுகமாகிறார்.
அறிமுக இயக்குனர் “சாய் சத்யம்” இயக்கத்தில் 465 (நாலு ஆறு அஞ்சு) படத்தின் மூலம் தன் சினிமா பயணத்தை தொடங்குகிறார்.
இப்பட நாயகி நிரஞ்சனா ஏற்கனவே தமிழ் மற்றும் மலையாள படங்களில் நடித்தவர் என்பது குறிப்பிடத்தக்கது.
ராட்டிணம் மற்றும் கோ2 படங்களில் பணியாற்றிய பிலிப் R சுந்தர் இப்படத்திற்கு ஒளிப்பதிவாளராக பணியாற்றியுள்ளார்.
இசை புகழ் திரு. எ.ஆர்.ரஹ்மானின் இசை கல்லூரியில் பயின்ற சஷாங்க் ரவிச்சந்திரன் மற்றும் ஜெஃப் பேட்டர்சன் இப்படத்திற்கு இசையமைத்துள்ளனர்.
“பிச்சைக்காரன்” மற்றும் “சைத்தான்” படங்களில் எடிட்டராக பணியாற்றிய ஜி.ராஜராஜன் இப்படத்திற்கு எடிட்டிங் மற்றும் கலரிஸ்ட்டாக பணியாற்றியுள்ளார்.
மேக் ரியல் மீடியா பாலமுருகன் விஷுவல் எபெக்ட்ஸ் பணிகளை கவனித்துள்ளார்.
இப்படம் வழக்கமான த்ரில்லர் கதையில்லாமல் மாறுபட்டு இருக்கும் என கார்த்திக் ராஜ் தெரிவித்துள்ளார்.
மேலும் இப்படத்தலைப்பானது இந்திய அரசியல் சட்டம் இபிகோ வை குறிக்கும் வகையில் உருவாக்கப்பட்டுள்ளது என்றும் தெரிவித்தார்.
Vijay TV serial fame Karthik Raj starring in 465
