தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
லைகா தயாரிப்பில் சுந்தர்.சி இயக்கத்தில் சிம்பு நடித்துள்ள படம் ‘வந்தா ராஜாவாதான் வருவேன்’.
இப்படம் பிப்ரவரி 1-ம் தேதி வெளியாகும் என படக்குழு அறிவித்துள்ளது.
இப்படம் ரிலீஸ் குறித்து சிம்பு தன் ரசிகர்களுக்கு ஒரு வேண்டுகோள் விடுத்து வீடியோ ஒன்றை சில தினங்களுக்கு முன் வெளியிட்டார். (அந்த செய்தியை நாம் பதிவிட்டு இருந்தோம். இதோ அந்த லிங்க்)
கட்-அவுட், பேனர் வைக்காதீர்கள். பால் அபிஷேகம் செய்ய வேண்டாம்.
அந்தப் பணத்தில் பெற்றோருக்கு டிரெஸ் வாங்கி கொடுங்க. அதை படம் எடுத்து இணையத்தில் பதிவிடுங்கள் என கூறியிருந்தார்.
இந்த வீடியோவை சிலர் கிண்டல் செய்து, சிம்புவுக்கு இருப்பதே சில ரசிகர்கள் தான்’, இதற்கு ஏன் இந்த பில்டப்? என விமர்சித்தனர்.
இதற்கு பதிலடியாக சிம்பு தற்போது வீடியோ ஒன்றை வெளியிட்டுள்ளார். அதில் அவர் கூறியிருப்பதாவது:
ஒரு வீடியோ வெளியிட்டேன். அதில் என்னோட படத்துக்கு அதிக விலைக்கு டிக்கெட் வாங்கி பார்க்காதீர்கள்.
‘கட்-அவுட்’, ‘பேனர்’ எல்லாம் வைத்து ‘பால் அபிஷேகம்’ எல்லாம் பண்ணாதீர்கள் என்றேன்.
இவர் இதை விளம்பரத்துக்காக சொல்கிறார். எனக்கு இருக்கிறதே 2-3 ரசிகர்கள் தான் என்கிறார்கள்.
நம்ம ஒரு தப்பு செய்தால், அதை திருத்திக் கொள்ள வேண்டும். 2-3 ரசிகர்கள் தான் என்னும் போது ஏன் இதெல்லாம் பேச வேண்டும்.
ஆகையால் அந்த 2- 3 ரசிகர்களுக்கு மட்டும் நான் ஒன்றை சொல்கிறேன். இது என்னோட அன்புக் கட்டளை.
இதுவரைக்கும் நீங்கள் வைக்காத அளவுக்கு ப்ளக்ஸ் வைக்கிறீங்க, பேனர் வைங்க. கட்-அவுட் வைக்கிறீங்க.
பால் எல்லாம் பாக்கெட்டாக ஊற்றாதீர்கள். அண்டாவில் ஊற்றுங்கள். வேற லெவலில் செய்யுங்கள். இதைத் தான் நான் உங்களிடமிருந்து எதிர்பார்க்கிறேன்.
அதனால் இதைச் செய்வது தப்பு கிடையாது. அந்தளவுக்கு எல்லாம் நான் பெரிய ஆளும் கிடையாது. யாரும் கேள்வியும் கேட்கப் போறது கிடையாது. ‘வந்தா ராஜாவாதான் வருவேன்’ பட ரிலீஸுக்கு வேற லெவலில் செய்யுங்கள்.
இவ்வாறு சிம்பு தெரிவித்துள்ளார்.
Vera level Flex banners is must for my VRV release Simbu request to his fans