தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ரைஸ்ஈஸ்ட் புரொடக்சன்ஸ் என்ற நிறுவனம் சார்பில் சாகர் தயாரித்திருக்கும் திரைப்படம் “பேய் பசி” இதில் யுவனின் சகோதரர் ஹரிகிருஷ்ணா நாயகனாக அறிமுகமாகிறார்.
இவருடன் கருணாகரன்,டேனியல் பாலாஜி, அம்ருதா, ராமசந்திரன் உள்ளிட்ட பலர் நடித்திருக்கிறார்கள். கதை திரைக்கதை வசனம் எழுதி இயக்கியிருக்கிறார் அறிமுக இயக்குநர் ஸ்ரீநிவாஸ் கவிநயம்.
படம் பற்றி இயக்குனர் கூறியதாவது…
“ஒரு ஷாப்பிங் மாலில்” நாயகன் மற்றும் நாயகி மாட்டிக் கொள்கிறார்கள். ஒரு இரவில் அவர்களுக்கு அங்கு நடைபெறும் அமானுஷ்ய சம்பவங்களே படத்தின் திரைக்கதை.
இதில் பேய் இல்லை. ஆனால் திரில்லிங்கான சம்பவங்கள் இருக்கிறது. இது ரசிகர்களை ஈர்க்கும்.’ என்றார்.
இப்படத்தின் இசை வெளியீடு சென்னையில் நடைபெற்றது.
இதில் நடிகர் ஆர்யா, இசையமைப்பாளர்கள் கார்த்திக் ராஜா, யுவன் சங்கர் ராஜா, சந்தோஷ் நாராயணன். ஸ்ரீகாந்த் தேவா, இயக்குநர்கள் நலன் குமாரசுவாமி, வெங்கட்பிரபு, கிருத்திகா உதயநிதி, தயாரிப்பாளர் காரகட்ட பிரசாத் உள்ளிட்ட பலர் பங்கேற்றனர்.
விழாவில் இசையமைப்பாளர் சந்தோஷ் நாராயணன் பாடல்களை வெளியிட்டார்.
நிகழ்ச்சியில் இயக்குநர் வெங்கட் பிரபு பேசுகையில்..
“ஹரி என்னுடைய சகோதரன் தான். எங்கள் குடும்பத்தில் சிறு வயதில் இருந்தே நடிக்க விரும்பியவன். அவனை என் படத்தில் அறிமுகப்படுத்தவில்லை என்று அவனுக்கு என் மேல் கோபம்.
ஏற்கெனவே எங்கள் குடும்பத்தில் இருந்த டார்ச்சர் பிரேம்ஜி வந்துவிட்டார். அது போதும்.
அதன் பிறகு ஹரி தனியாக முயற்சித்து ஒரு படத்தில் நடித்து விட்டான். படத்தை பார்க்கும் வாய்ப்பு எனக்கு கிடைத்தது.
இந்த பேய்பசி படம் தமிழ் சினிமாவில் ஒரு வித்தியாசமான முயற்சி.
இந்த மாதிரி கதையெல்லாம் சொல்லி, புரிய வைத்து தயாரிப்பாளரை ஒப்புக் கொள்ள செய்வது கஷ்டம். அதை செய்து, விஷுவல் ரியாலிட்டி கான்செப்டில் படத்தை உருவாக்கியிருக்கிறார்.” என்று பாராட்டினார்.