தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சுந்தர் சி இயக்கும் படங்கள் என்றாலே காமெடிக்கும் சென்டிமெண்ட்டுக்கும் பஞ்சமிருக்காது.
எனவே இவரது படங்களுக்கு தாய்மார்களுக்கு மத்தியில் பெரும் ஆதரவு இருக்கும்.
அதுபோல் அந்தந்த காலகட்டங்களில் பிரபலமான காமெடியன்களை தன் படத்தில் பயன்படுத்தி ஹீரோவுக்கு நிகரான வேடம் கொடுப்பார்.
சுந்தர் சி இயக்கிய உள்ளத்தை அள்ளித்தா படத்தில் கவுண்டமணிக்கு அப்படி ஒரு வேடத்தை கொடுத்திருந்தார்.
அதுபோல் வின்னர் படத்தில் வடிவேலுவின் வேடம் பெரிதாக பேசப்பட்டது.
பின்னர் தீயா வேலை செய்யனும் குமாரு படத்தில் சந்தானம் காமெடி வேற லெவலில் இருந்தது, இப்படியாக காமெடியன்களையும் தன் படத்தில் அப்டேட்டாக வைத்திக்கிறார் இயக்குனர் சுந்தர் சி.
தற்போது சூரி, யோகிபாபு, சதீஷ் ஆகியோரையும் தன் படத்தில் காமெடிக்கு பயன்படுத்தி வருகிறார். ஆனால் இவர்கள் தற்போது கதையின் நாயகன்களாக மாறிவிட்டனர்.
எனவே தன் பார்வையை ரெடின் கிங்ஸ்லீ பக்கம் திருப்பியிருக்கிறார். A1 மற்றும் டாக்டர் படங்களில் ரெடின் கிங்ஸ்லீ காமெடி பெரிதாக பேசப்பட்டது என்பது தங்களுக்கு நினைவிருக்கலாம்.
சுந்தர் சி தற்போது ஸ்ரீகாந்த், ஜெய், ஜீவா ஆகியோர் நடிக்கும் படத்தை இயக்கிவருகிறார். இதில்தான் ரெடின் கிங்ஸ்லீக்கு முக்கியமான கேரக்டர் கொடுத்திருக்கிறாராம்.
This comedy actor plays important role in Sundarc’s next