நாகரீக உலகிலும் சமையலறை பெண்கள்..; தமிழில் ரீமேக்காகும் ‘தி கிரேட் இந்தியன் கிச்சன்’

விஜய் – அஜித் பட ‘ஸ்டைலிஷ் தமிழச்சி’ நடிகையின் அடுத்த அவதாரம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழ், தெலுங்கு, ஹிந்தி, கன்னட திரையுலகில் மாடல் மற்றும் நடிகையாக விளங்குபவர் அக்ஷ்ரா கௌடா.

இவர் தமிழில் உயர்திரு 140 படத்தில் அறிமுகமானார். அதன் பின்னர் துப்பாக்கி, ஆரம்பம் ஆகிய படங்களில் நடித்துள்ளார்.

‘ஆரம்பம்’ படத்தில் அவரின் நடிப்பு வெகுவாக பாராட்டப்பட்டது.

தற்போது அவர் மிர்ச்சி சிவாவுடன் இணைந்து ‘இடியட்’ எனும் படத்தில் ஒப்பந்தம் ஆகியுள்ளார்.

மேலும் ‘சூரபனங்காய்’ எனும் படத்திலும் ஒப்பந்தம் ஆகியுள்ளார்.

நல்ல கதைக்களம் கொண்ட சிறந்த படங்களில் நடிக்க ஆர்வம் காட்டி வருகிறார்.

Actress Akshara Gowda upcoming project details

விவசாயிகள் போராட்டத்திற்கு ஆதரவு தெரிவித்த டாப்சி & அனுராக் காஷ்யப் வீடுகளில் ஐடி ரெய்டு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பாண்டோம் ஃபிலிம்ஸ் மற்றும் குவான் ஆகிய நிறுவனங்கள் வரி ஏய்ப்பில் ஈடுபட்டதாக கூறப்படுகிறது.

இதுகுறித்து வருமான வரித்துறைக்கு புகாா்கள் வந்துள்ளன.

அப்புகாா்களின் அடிப்படையில் இரு நிறுவனங்களுடன் தொடர்புடைய நடிகை டாப்சி, இயக்குநர் அனுராக் காஷ்யப் ஆகியோரின் வீடுகளில் வருமான வரி சோதனை நடைபெற்று வருகிறது.

தமிழில் ஆடுகளம், ஆரம்பம், காஞ்சனா–2, கேம் ஓவர் ஆகிய படங்களில் நடித்தவர் டாப்சி.

தற்போது பாலிவுட்டில் நிறைய படங்களில் நடித்து வருகிறார்.

அதேபோல் பிரபல பாலிவுட் இயக்குனர்களான அனுராக் கஷ்யப் மற்றும் விகாஷ் ஆகியோரது வீடு மற்றும் அலுவலகங்களிலும் சோதனை நடைபெற்று வருகிறதாம்.

மும்பை மற்றும் புனே நகர்களில் உள்ள 20 இடங்களில் வருமான வரி சோதனை நடைபெற்று வருகிறது.

இயக்குநர் அனுராஜ் காஷ்யப், இயக்குநர் விக்ரமாதித்யா, தயாரிப்பாளர் மது மண்டேனா, விகாஷ் பால் ஆகிய நால்வரும் இணைந்து 2011-ல் பாண்டோம் ஃபிலிம்ஸ் என்கிற நிறுவனத்தைத் தொடங்கினர்.

2015ம் ஆண்டு மார்ச் மாதம் ரிலையன்ஸ் என்டர்டெயின்மென்ட் அந்த நிறுவனத்தின் 50 சதவீத பங்குகளை வாங்கியது.

இந்த நிறுவனம் தயாரித்த மன்மர்சியான் படத்தில் டாப்ஸி நடித்திருந்தார். மேலும் தற்போது அனுராக் கஷ்யப் இயக்கத்தில் ஒரு படத்தில் நடித்து வருகிறார்.

பல படங்களை தயாரித்த நிலையில் விகாஸ் பெஹல் மீது முன்னாள் ஃபேன்டம் ஊழியை ஒருவர் பாலியல் புகார் தெரிவித்தார். இதனையடுத்து கடந்த 2018-ல் இந்த நிறுவனம் மூடப்பட்டு விட்டதாம்.

டெல்லியில் நடந்து வரும் விவசாயிகள் போராட்டம் உள்பட பல பிரச்சனைகளுக்கு அனுராக் கஷ்யப்பும், டாப்ஸியும் குரல் கொடுத்துள்ளனர்.

இவர்கள் விவசாயிகள் போராட்டத்திற்கு ஆதரவு தெரிவித்த நிலையில் தான் இந்த ஐடி ரெய்டு நடந்துள்ளது என்பதும் இங்கே கவனிக்கத்தக்கது.

IT department searches properties of celebrities Anurag Kashyap and Taapsee Pannu

மநீம சமக ஐஜேகே கூட்டணி: முதல்வர் வேட்பாளர் கமல்..; நான் இரண்டாம் காமராஜர்.. – சரத்குமார்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சரத்குமாரின் சமத்துவ மக்கள் கட்சியும் மற்றும் (வேந்தர்) ரவி பச்சமுத்துவின் இந்திய ஜனநாயகக் கட்சியும் ‘மாற்றத்திற்கான கூட்டணி’யை அமைத்தனர்.

சமீபத்தில் இவர்கள் மக்கள் நீதி மய்யம் தலைவர் கமல்ஹாசனை சந்தித்துக் கூட்டணி குறித்துப் பேச்சுவார்த்தை நடத்தினர்.

அதன்படி இன்று மார்ச் 3ல் புதுக்கோட்டையில் சமத்துவ மக்கள் கட்சியின் 6-வது பொதுக்குழுக் கூட்டம் நடைபெற்றது.

அப்போது அந்த கட்சியின் தலைவர் சரத்குமார் பேசியதாவது:

“சமக (நாம்) ஓரிரு தொகுதிகளில் நிற்க மாட்டோம், தனிச்சின்னத்தில்தான் போட்டியிடுவோம் என்றோம்.

அப்படி சொன்ன பிறகும் நமக்கு அழைப்பு விடுக்கவில்லையென்றால், அவர்கள் நம்மை மதிக்கவில்லை என்றே அர்த்தம்.

பிப். 20-க்குள் 147 விருப்ப மனுக்களை சமக பெற்றிருக்கிறது.

நமது வாக்கு % என்ன என்பதை தெரிந்து கொள்ளத்தான் இந்த முடிவு. நாங்கள் பின்வாங்க மாட்டோம்.

துளியும் மரியாதை இல்லாதவர்களாகத்தான் இந்த ஆட்சியாளர்களை நான் பார்க்கிறேன். ஒரு தொகுதி கொடுத்து பிரச்சாரத்துக்குப் போக சொன்னால் போய்விடுவோம் என்ற மமதையில் அவர்கள் உள்ளனர்.

கமலை நேரில் சந்தித்துக் கூட்டணி தொடர்பாக பேச்சுவார்த்தை நடத்தினோம்.

அதன்படி முதல்வர் வேட்பாளர் கமல்தான். விட்டுக்கொடுத்தால் தான் வெற்றி வந்து சேரும்.

இந்திராகாந்தியையும், லால் பகதூர் சாஸ்திரியையும் பிரதமராக்கி அழகு பார்த்தவர் காமராஜர். நான் இரண்டாம் காமராஜராக இருக்கிறேன்.”

என சரத்குமார் பேசினார்.

இதுகுறித்து கமல்ஹாசன் தன் ட்விட்டர் பதிவில் கூறியுள்ளதாவது…

“மக்கள் விரும்பும் கூட்டணியின் முதல்வர் வேட்பாளராக என்னை முன்மொழிந்த சமத்துவ மக்கள் கட்சியின் தலைவர், அன்புச் சகோதரர் திரு. சரத்குமார் அவர்களுக்கு என் மனமார்ந்த நன்றிகளைத் தெரிவித்துக்கொள்கிறேன். (1/2)

மக்கள் நலனில் அக்கறையுள்ளவர்கள் எதிர்வரும் நாட்களில் எம்மோடு கைகோர்ப்பார்கள். இம்முறை வெல்வது தமிழகமாக இருக்கட்டும். (2/2)..

MNM and AISMK alliance confirmed for upcoming Assembly elections in TamilNadu.

அருண் விஜய்-ஹரி-ஜிவி. பிரகாஷ் கூட்டணியில் ‘குக் வித் கோமாளி’ பிரபலம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

டிரம் ஸ்டிக்ஸ் புரொடக்‌ஷன்ஸ் சார்பில் வெடிக்காரன்பட்டி எஸ்.சக்திவேல் அதிக பொருட்செலவில் புதிய படம் ஒன்றை தயாரிக்கிறார்.

பெயர் சூட்டப் படாமல் பிரமாண்டமாக உருவாகும் இப்படத்தில் அருண்விஜய் கதாநாயகனாக நடிக்கிறார். இவர் நடிக்கும் 33 வது படம்.

இவருக்கு ஜோடியாக இணைகிறார்,ப்ரியா பவானி சங்கர். மேலும் பிரகாஷ்ராஜ், யோகிபாபு, ராதிகா, அம்மு அபிராமி, ராஜேஷ், தலைவாசல் விஜய், இமான் அண்ணாச்சி,போஸ் வெங்கட், ‘குக் வித் கோமாளி’ டிவி பிரபலம் புகழ், ராமசந்திர ராஜு, ஐஸ்வர்யா, ஜெயபாலன், ரமா மற்றும் பலர் நடிக்கிறார்கள்.

இதன் படப்பிடிப்பு இன்று (மார்ச்) 3ம் தேதி சென்னையில் பூஜையுடன் ஆரம்பமானது.

அதை தொடர்ந்து வரும் 16ம் தேதி முதல் பழநியில் படபிடிப்பு தொடரும்.

மேலும் ராமேஸ்வரம், ராம்நாடு , தூத்துக்குடி, காரைக்குடி மற்றும் சென்னை பகுதிகளில் நடைபெறும்.

16வது படமாக சூப்பர் ஹிட் டைரக்டர் ஹரி இப்படத்தை இயக்குகிறார்.

இசை: GV.பிரகாஷ் ( ‘சேவல்’ படத்திற்கு பிறகு மீண்டும் ஹரியுடன்.. )

ஒளிப்பதிவு: KA.சக்திவேல்
எடிட்டிங்: அந்தோணி ( முதன்முறையாக ஹரி கூட்டணியில் )
கலை: M.சக்தி வெங்கட் ராஜா

ஸ்டண்ட்: அனல் அரசு
தயாரிப்பு மேற்பார்வை: சின்ன ராஜேந்தர்
பி ஆர் ஓ: ஜான்சன்

CEO: G.அருண்குமார்
நிறுவனம்: டிரம் ஸ்டிக்ஸ் புரொடக்‌ஷன்ஸ்
தயாரிப்பு: வெடிக்காரன் பட்டி s.சக்திவேல்.

Cooku with comali star is part of Arun Vijay’s next film

புதிய கட்சி பெயரை பதிவு செய்ய ஒரு வாரம் போதும்..; தேர்தல் ஆணையம் அதிரடி ஆஃபர்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒரு புதிய அரசியல் கட்சி தொடங்கி விளம்பரம் செய்யப்பட்டு தேர்தல் ஆணையத்திற்கு அனுப்ப வேண்டும்.

அதன்படி அந்த கட்சியின் பெயர் 30 நாட்களில் பதிவு செய்யப்படும்.

இந்த நிலையில் 30 நாட்கள் என்பதை தேர்தல் ஆணையம் 7 நாட்களாக குறைத்துள்ளது.

சட்டமன்ற தேர்தல் நடைபெற இருக்கும் தமிழ்நாடு, புதுச்சேரி, கேரளா, மேற்குவங்காளம், அசாம் ஆகிய ஐந்து மாநிலங்களுக்கு மட்டுமே இது பொருந்தும் எனவும் தேர்தல் ஆணையம் தெரிவித்துள்ளது.

EC offer to new political party