சூர்யாவின் 2D Entertainment வழங்கும் “சில்லுக்கருப்பட்டி” சக்தி ஃபிலிம் ஃபேக்டரி சிறப்பு வெளியீடு !

சூர்யாவின் 2D Entertainment வழங்கும் “சில்லுக்கருப்பட்டி” சக்தி ஃபிலிம் ஃபேக்டரி சிறப்பு வெளியீடு !

sunaina and samuthirakaniநல்ல கருத்துக்கள் கொண்ட படங்கள் ஒரு குறிப்பிட்ட பிராண்ட்டின் அடையாளம் மூலம் அறிமுகமாகும் போது அதன் மீதான கவனம் இன்னும் அதிகமாகிறது. ஒரு படைப்பாளியின் படைப்பு சரியான முறையில் மார்கெட்டிங் செய்யப்பட்டு, பெருமளவு மக்களை சென்றடைந்து,வெற்றி பெறும் போது தான் அவனது படைப்புலகம் பூரணத்துவம் பெறுகிறது.

கடந்த சில வருடங்களில் மிக நல்ல கருத்துக்கள் கொண்ட படங்கள் மிக பெரிய நிறுவனத்தின் அடையாளத்துடன் வெளியாகி பெரு வெற்றியை அடைந்து வந்துள்ளது.

ஒரு சிறு டீஸர் மூலமாகவே இணைய உலகின் கவனம் ஈர்த்த படம் “சில்லுக்கருப்பட்டி”. இத்திரைப்படத்தின் உரிமையை சூர்யா வின் 2டி எண்டர்டெயின்மெண்ட் நிறுவனம் ( 2D Entertainment ) வாங்கியிருப்பது இப்படத்தின்மீது பன்மடங்கு எதிர்பார்ப்பை உருவாக்கியுள்ளது. மேலும் சக்தி ஃபிலிம் ஃபேக்டரி நிறுவனத்தின் சிறந்த வெளியீடாக உருவாகியுள்ள சிக்னேச்சர் வெளியீடாக ( Sakthi film factory signature release ) இத்திரைப்படம் வெளியாகவுள்ளது.

2D Entertainment நிறுவனம் கமர்ஷியல் படங்களை மட்டும் தயாரிப்பதோடல்லாமல், நல்ல திரைப்பட முயற்சிகளுக்கு தொடர்ந்து ஆதரவு தந்து வருகிறது. தரமான நல்ல படங்களை தொடர்ந்து தயாரித்தும், சில நல்ல கருத்துள்ள படங்களை கண்டறிந்தும், அவற்றை வாங்கி வெளியிட்டும் மாறுபட்ட சினிமா அனுபவங்களுக்கு தங்களது ஆதரவை தொடர்ந்து தந்து வருகிறது. அந்த வகையில் மிக நல்ல படமாக இயக்குநர் ஹலிதா சமீம் இயக்கியுள்ள “சில்லுக்கருப்பட்டி” படத்தின் மீதான ஈர்ப்பில் அப்படத்தின் உரிமையை பெற்றுள்ளார் 2D Entertainment நிறுவன CEO ராஜசேகர் கற்பூர சுந்தர பாண்டியன்.

சக்தி ஃபிலிம் ஃபேக்டரி நிறுவனத்தின் சிக்னேச்சர் வெளியீடு ( Sakthi film factory signature release ) என்பது மிக நேர்த்தியாக உருவாக்கப்பட்ட, சினிமாவை பெரும் காதலுடன் அணுகும் படங்களை மட்டும், மிக கவனமுடன் தேந்தெடுத்து, பெருமளவு ரசிகர்களுக்கு, பிரத்யேகமாக இந்த அடையாளத்துடன் கொண்டு சேர்க்கும் ஒரு முயற்சி ஆகும். இந்த அடையாளத்துடன் வெளியாகும் முதல் திரைப்படம் “சில்லுக்கருப்பட்டி” என்பது குறிப்பிடத்தக்கது. இத்திரைப்படத்தை மிகச்சரியான தேதியில் மிகப்பிரமாண்ட வெளியீடாக வெளியிட திட்டமிட்டு பணியாற்றி வருகிறோம் என்கிறார் சக்தி ஃபிலிம் ஃபேக்டரி நிர்வாகி சக்திவேலன்.

இயக்குநர் ஹலிதா சமீம் கூறியதாவது…
நான் மிகப்பெரும் மகிழ்ச்சியில் இருக்கிறேன் “சில்லுக்கருப்பட்டி” படத்தினை பார்த்த மாத்திரத்தில் சூர்யா சார், ஜோதிகா மேடம் இருவரும் மனதார எங்களது குழுவை பாராட்டினார்கள். மேலும் உடனடியாக இப்படத்தின் உரிமையை வாங்குவதாக அறிவித்தார்கள் இதை விட மகிழ்ச்சி தரும் விசயம் எங்களுக்கு ஏதுமில்லை என்றார்.

“சில்லுக்கருப்பட்டி” நகரப் பின்னணியில் நான்கு அழகான குறுங்கதைகளை கூறும் ஆந்தாலஜி வகை திரைப்படமாகும். Divine Productions சார்பில் வெங்கடேஷ் வேலினீனி இத்திரைப்படத்தை தயாரித்துள்ளார். சமுத்திரகனி, சுனைனா, லீலா சாம்சன். சாரா அர்ஜீன், மணிகண்டன் K, நிவேதிதா மற்றும் பலர் நடித்துள்ளார்கள்.

ஆக்ஷன் அவதாரம் எடுக்கும் சாக்ஷி அகர்வால்

ஆக்ஷன் அவதாரம் எடுக்கும் சாக்ஷி அகர்வால்

Actress Sakshi Aggarwalதமிழ் திரை உலகில் தொடர்ந்து நாயகிகள் ஆதிக்கம் செலுத்தும் காலக் கட்டம் இது. Holly wood மற்றும் ஹிந்தி திரைப் படங்களின் பாணியில் நாயகிக்கு முக்கியத்துவம் கொடுத்து எடுக்கப் பட்டு வரும் படங்களின் எண்ணிக்கை தமிழ் திரை உலகில் வெகுவாக வளர்ந்து வருகிறது. நாயகிகளுக்கு முக்கியத்துவம் கொடுத்து எடுக்கப் படும் இந்த வகை படங்கள் பெரும்பாலும் action படங்களே.

பிக் பாஸ் சீசன் 3 மூலம் புகழின் உச்சத்துக்கு சென்ற சாக்ஷி அகர்வால் பெயரிடப் படாத ஒரு புதிய படத்தின் மூலம் action அவதாரம் எடுக்க இருக்கிறார். “களிறு” என்ற படத்தை இயக்கிய ஜி ஜே சத்யா இயக்கும் இந்தப் படத்துக்காக சாக்ஷி சிறப்பு சண்டை பயிற்சிகள் மேற்கொண்டு வருவது குறிப்பிட தக்கது. விரைவில் படப்பிடிப்பு துவங்க உள்ள பெயரிடப்படாத இந்த படத்தை பற்றி இயக்குனர் ஜி ஜெ சத்யா கூறியதாவது ” பிக் பாஸ் நிகழ்ச்சியில் சாக்ஷி பல்வேறு சந்தர்ப்பங்களில் தன் திடமான மன உறுதியை வெளிப் பட செய்தார் என்றால் மிகை ஆகாது. அந்த மன உறுதியும், திடமும் என் கதையின் நாயகி அவரே என தீர்மானிக்க உதவியது. அவரை அணுகிய போது சற்றே தயங்கினாலும் பின்னர் முழு மனதுடன் ஒப்புக்கு கொண்டார். நாயகியின் பாத்திர தன்மைக்கு ஏற்ப தீவிர சண்டை பயிற்சியில் ஈடுப் பட்டு தன் திறமையை மெருகேற்றிக் கொண்டார். இந்த அர்ப்பணிப்பு இவரை மென்மேலும் உயர்த்தும் என்பதில் எனக்கு பெரிய நம்பிக்கை. கதைக்கு ஏற்ப சில தலைப்புகளை நாங்கள் பரிசீலனை செய்து வருகிறோம். ஒரு சில நாட்களில் ஒரு சிறப்பான தலைப்பை வெளி இடுவோம். படத்தில் மேலும் இரண்டு முக்கிய கதா பாத்திரங்கள் உள்ளன, அதற்காக பல்வேறு பெயர்கள் பரிசீலனை செய்து வருகிறோம். விரைவில் மற்ற நடிக, நடிகையர், தொழில் நுட்பக் கலைஞர்கள் விவரங்களையும் வெளி விடுவோம்” என்றார்.

தர்பார் டிரைலர் நாளை ரிலீஸ்; சும்மா கிழி லெவல் ரஜினி போஸ்டர்

தர்பார் டிரைலர் நாளை ரிலீஸ்; சும்மா கிழி லெவல் ரஜினி போஸ்டர்

Darbar Trailer launch will be held at Mumbai on 16th Dec 2019சூப்பர் ஸ்டார் ரஜினிகாந்த் மற்றும் முருகதாஸ் முதன்முறையாக இணைந்துள்ள படம் தர்பார்.

நயன்தாரா, யோகிபாபு, நிவேதா தாமஸ், சுனில்ஷெட்டி உள்ளிட்டோர் நடித்துள்ளனர்.

அனிருத் இசையமைத்துள்ள இந்த படத்திற்கு சந்தோஷ் சிவன் ஒளிப்பதிவு செய்ய, லைகா நிறுவனம் தயாரித்துள்ளது.

இப்படத்தின் பாடல்கள் சென்னையில் டிசம்பர் 7ஆம் தேதி வெளியானது. இந்த பாடல்கள் பட்டைய கிளப்பி வருகிறது.

இந்த நிலையில் தர்பார் டிரைலர் நாளை டிசம்பர் 16ஆம் தேதி மாலை 6.30 மணிக்கு வெளியாகும் என முருகதாஸ் அறிவித்தார். அப்போது போஸ்டர் ஒன்றும் வெளியிடவில்லை.

இதனை முன்னிட்டு இன்று தர்பார் பட ஆக்சன் போஸ்டரை படக்குழுவினர் வெளியிட்டுள்ளனர்.

நாளை மும்பையில் நடைபெறவுள்ள விழாவில் தர்பார் டிரைலர் வெளியாகிறது.

இதில் ரஜினி, சுனில் ஷெட்டி உள்ளிட்டோர் கலந்துக் கொள்ளவுள்ளனர்.

Darbar Trailer launch will be held at Mumbai on 16th Dec 2019

Darbar Trailer launch will be held at Mumbai on 16th Dec 2019

மறுபிறந்தாள் (HRE REBIRTH); யுவன் அறிமுகப்படுத்தும் இசை ஆல்பம்

மறுபிறந்தாள் (HRE REBIRTH); யுவன் அறிமுகப்படுத்தும் இசை ஆல்பம்

Marupiranthaal Her Rebirth Yuvan brings yet another musical showpieceயுவன் சங்கர் ராஜாவின் U1 Records நிறுவனம் தொடர்ச்சியாக புதிய இசையை, புத்தம் புது திறமைகளை அறிமுகப்படுத்துவதில் முன்னணியில் இயங்கி வருகிறது.

இந்நிறுவனத்தின் சமீபத்திய அறிமுகம் தான் ஷஹானி ஹஃபீஸ்ன் “மறுபிறந்தாள்” ( அவளது மறுபிறப்பு ). யெல்தோ P ஜான் இசையில் ருக்‌ஷீனா முஸ்தபா வரிகளில் அம்மா, மகள் கூட்டணியான Dr ஷஹானி ஹஃபீஸ்,ரெஹயா ஃபாத்திமா பாடியுள்ள வீடியோ பாடலே “மறுபிறந்தாள்”.

Dr ஷஹானி ஹஃபீஸ் இந்த இசை ஆல்பத்தின் திரைவடிவத்தின் கருவை உருவாக்கி, தயாரித்துள்ளார். மேலும் ஆதர்ஷ் N கிருஷ்ணாவுடன் இந்த இசை ஆலபத்தை இயக்கியுள்ளார் Dr ஷஹானி ஹஃபீஸ்.

பிரபல மேக்கப் ஆர்டிஸ்ட், சமூக செயற்பாட்டாளர், மேடை நாடக கலைஞர், திருநங்கை ரெஞ்சு ரெஞ்சிமார், ரோஸ் ஷெரீன் அன்சாரியுடன் இணைந்து நடித்திருக்கும் இந்த ஆல்பம் பாடல், திருநங்கை தாயுக்கும் அவரது வளர்ப்பு மகளுக்கும் உள்ள உறவை மையப்படுத்தி உருவாகியுள்ளது.

ஆணாதிக்கம் மாறாத இவ்வுலக சமுதாயத்தில் அனைத்து குற்றங்களுக்கும் குற்றவாளியாக பெண்ணையே கை காட்டுகிறது. பெண்ணின் ஒழுக்கம் காக்க சொல்லும் சமுதாயம் அவளை அடக்குவதிலேயே தான் அதிக ஆர்வம் கொண்டிருக்கிறது.

ஆனால் இங்கு மாற வேண்டியது சமுதாயமே. பெண்ணிற்கான உரிமையை அளிப்பதான சமூகமாக, நாம் அனைவரும் இணைந்தே இந்த சமுதாயத்தை உருவாக்க வேண்டும் எனும் கருத்தை தான் இந்த பாடல் சொல்கிறது.

இந்த ஆல்பம் பாடலுக்கு அபி ரெஜி ஒளிப்பதிவை கையாள ப்ரேம்சாய் முகுந்தன் படத்தொகுப்பு செய்துள்ளார்.

இந்த ஆல்பம் பாடலை உருவாக்கிய Dr ஷஹானி ஹஃபீஸ் ஒரு ஆயூர்வேத நிபுணர். கேராளாவில் இயங்கி வ்ரும் ஆயூர்வேத மருந்துகள் தயாரிக்கும் Ayurveda Naturals நிறுவனத்தை நிறுவியவர். இது தவிர கேரளாவை தலைமையிடமாக கொண்டு வரும் Ayurveda Media company ன் நிறுவனராகவும் நிர்வாக பங்குதாரராகவும் உள்ளார்.

கவிதைகள், இலக்கியம், இசை மீது அதீத ஆர்வம் கொண்டு தன்னை அவ்வுலகில் இணைத்துகொண்டுள்ளார். தற்போது சமூக நல நோக்குடன் கூடிய கருத்தை மையமாக கொண்டு ஒரு குறும்படம் இயக்கி வருகிறார்.

மறுபிறந்தாள் ( அவளது மறுபிறப்பு ) உலகம் முழுதும் திரைவிழாக்களில் பாராட்டுக்களை குவித்து வருகிறது.

சிறந்த வீடியோ பாடல் விருதை International Thai Film Festival, Bangkok ல் பெற்றுள்ளது. (இந்தியாவிலிருந்து அதிகாரபூர்வமாக தேர்ந்தெடுக்கப்பட்ட ஒரே மியூசிகல் வீடியோ என்பது குறிப்பிடதக்கது ), Calcutta International Cult Film Festival ( Entry for Golden Fox Awards), Buddha International Film Festival – Pune, Festigious International Film Festival, Los Angeles, ( Bronze medalist) Global Music Awards, California, Semi Finalist to Rome Prisma Awards – Italy. ஆகிய இடங்களில் கலந்து கொண்டுள்ளது.

மேலும் இந்தியாவில் International Documentary & Short Film Festival of Kerala, AAB International Film Festival, Punjab, LGBTQ Shorts Film Festival – United States, International Short Film Festival of Pune, Chambal International Film Festival, Rajasthan and Jaipur International Film Festival 2020 ஆகிய இந்திய திரைவிழாக்களுக்கும் இந்த வீடியோ பாடல் தேர்ந்தெடுக்கப்பட்டுள்ளது.

Marupiranthaal Her Rebirth Yuvan brings yet another musical showpiece

Link : https://youtu.be/A6NNARFewFs

ரஜினியை காக்க வைத்த யோகிபாபு; தர்பார் சூட்டிங்கை முடிக்காத முருகதாஸ்

ரஜினியை காக்க வைத்த யோகிபாபு; தர்பார் சூட்டிங்கை முடிக்காத முருகதாஸ்

Director AR Murugadoss shoot Darbar final shotsமுருகதாஸ் இயக்கத்தில் ரஜினிகாந்த் நடித்துள்ள தர்பார் படம் அடுத்த ஆண்டு 2020 ஜனவரி 9ஆம் தேதி திரைக்கு வருகிறது.

இந்த படத்தின் பாடல்களை கடந்த டிசம்பர் 7ஆம் தேதி வெளியிட்டனர்.

டிசம்பர் 16ஆம் தேதி மும்பையில் இப்பட டிரைலரை வெளியிட உள்ளனர்.

இந்த படத்தை எதிர்பார்த்திருக்கும் ரசிகர்களுக்கு பேரதிர்ச்சியாக இந்த செய்தி இருக்கும் எனத் தெரிகிறது.

படத்தில் சில காட்சிகளில் திருத்தம் இருப்பதால் சில காட்சிகளை ரீ சூட் செய்திருக்கிறார்களாம். முன்பே இது தெரிந்தாலும் அந்த காட்சிக்கு யோகிபாபுவின் கால்ஷீட் கிடைக்கவில்லையாம்.

எனவே யோகிபாபு வரும் வரை காத்திருப்போம் என ரஜினி பெருந்தன்மையுடன் கூறியிருந்தாராம். தற்போது யோகிபாபு வந்துவிட்டதால் மீதமுள்ள அந்த காட்சிகளை முருகதாஸ் சூட் செய்திருக்கிறார்.

Director AR Murugadoss shoot Darbar final shots

நடிகர் ஆதி பிறந்த நாளில் வெளியான “கிளாப்” படத்தின் 2வது லுக் !

நடிகர் ஆதி பிறந்த நாளில் வெளியான “கிளாப்” படத்தின் 2வது லுக் !

aadhi in clapதங்கள் வேலை மீது உண்மையான காதலும், அர்ப்பணிப்பும் கொண்டவர்களுக்கு உதாரணமாக “கிளாப்” படக்குழுவை சொல்லலாம்.

ஆதி, ஆகான்ஷா சிங், கிரிஷா குரூப் நடிப்பில் உருவாகும் “கிளாப்” படத்தினை, படக்குழு அயராத ஒருங்கிணைப்பான உழைப்பில் மிகவிரைவாக படப்பிடிப்பை முடித்து, போஸ்ட் புரடக்‌ஷன் வேலைகளையும் தற்போது ஆரம்பித்துள்ளது.

மேலும் இன்று டிசம்பர் 14 ஆம் தேதி ஆதியின் பிறந்தநாளை கொண்டாடும் பொருட்டு, படக்குழு படத்தின் இரண்டாவது லுக்கை வெளியிட்டது.

Big Print Pictures நிறுவனம் சார்பில் இப்படத்தினை தயாரிக்கும் IB கார்த்திகேயன் படம் குறித்து கூறியதாவது…

ஒரு தயாரிப்பாளராக இந்த திரைப்படம், மிக இனிமையானதொரு பயணம். நடிகர்களும், தொழில் நுட்ப கலைஞர்களும் இப்படத்தினை தங்களது படமாக, அடையாளமாக கருதி தங்களின் முழு உழைப்பையும் தந்திருக்கிறார்கள்.

ஒவ்வொருவரும் இதனை தங்கள் படமாகவே காதலித்து வேலை செய்துள்ளார்கள். இயக்குநர் பிரித்வி ஆதித்யா இப்படத்தினை தனது உயிராக நேசித்து பணிபுரிந்துள்ளார். தற்போது படத்தின் இறுதிகட்ட பணிகள் துரிதமாக நடைபெற்று வருகிறது.

படத்தின் டிரெய்லர், இசை வெளியீடு குறித்த அறிவிப்புகள் விரைவில் வெளியிடப்படும். படம் வந்திருக்கும் விதத்தில் நான் மிகுந்த மகிழ்ச்சி கொண்டிருக்கிறேன். ஆதி இப்படத்திற்காக அர்ப்பணிப்புடன் கூடிய கடும் உழைப்பை தந்துள்ளார். ஒரு நிஜ அத்லெட் போலவே அவர் மாறிவிட்டார்.

மேலும் ஆகான்ஷா சிங், கிரிஷா குருப் இருவரும் தங்களது அற்புதமான பங்களிப்பை தந்துள்ளார்கள். படத்தின் பின்னணி இசைக்கோர்ப்புக்காக அனைவரும் ஆவலுடன் காத்திருக்கிறோம். இசைஞானி இளையராஜா படத்தின் விஷிவல்களுக்கு உயிர்ப்பான இசையை தரவுள்ளார். ஆதியின் பிறந்த நாளான இன்று படத்தின் இரண்டாவது லுக்கை வெளியிட்டதில் நாங்கள் பெரு மகிழ்ச்சியடைகிறோம்.

புதுமுக இயக்குநர் பிரித்வி ஆதித்யா கூறியதாவது…

“கிளாப்” அத்லெட் ஸ்போர்ட்ஸ் வகை விளையாட்டை அழுத்தமாக சொல்லும் முதல் படமாக இருக்கும். இந்த வகை படம் இங்கே புதிதாக இருக்கும்.

படத்தின் பெரும்பகுதி தமிழ், தெலுங்கு என இரு மொழிகளிலும் சென்னை, ஹைதராபாத் ஆகிய இடங்களில் எடுக்கப்பட்டுள்ளது.

தென்னிந்தியாவின் மிகச்சிறந்த நடிகர்களாக விளங்கும் நாசர், பிரகாஷ் ராஜ், முனீஸ்காந்த், மைம் கோபி ஆகியோருடன் மேலும் பல நட்சத்திரங்கள் நடித்துள்ளனர். “ஜீவி” படப்புகழ் பிரவீன் குமார் ஒளிப்பதிவு செய்துள்ளார். ராகுல் படத்தொகுப்பு செய்ய, வைரபாலன் கலை இயக்கம் செய்துள்ளார்

Big Print Pictures நிறுவனம் சார்பில் IB கார்த்திகேயன் இப்படத்தினை தயாரிக்க, P பிரபா, பிரேம், G. மனோஜ், G. ஶ்ரீ ஹர்ஷா இணை தயாரிப்பாளர்களாக பணியாற்றியுள்ளனர்.

More Articles
Follows