தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சுந்தர் சி. தயாரித்து நாயகனாக நடித்துள்ள ‘முத்தின கத்திரிக்கா’ ஜூன் 17ம் தேதி வெளியாகவுள்ளது.
இதனையடுத்து, ஸ்ரீ தேனாண்டாள் பிலிம்ஸ் நிறுவனம் தயாரிக்கவுள்ள மிகப்பிரம்மாண்டமான படத்தை இயக்கவிருக்கிறாராம் சுந்தர் சி.
இப்படத்தின் பட்ஜெட் ரூ. 100 கோடி என கூறப்படுகிறது.
தற்போது இப்படத்தின் முதற்கட்ட பணிகள் நடைபெற்று வருகிறது.
கலை இயக்குநராக சாபு சிரிலும், ஒளிப்பதிவாளராக திருவும் ஒப்பந்தம் செய்யப்படலாம் என சொல்லப்படுகிறது.
‘நான் ஈ’, ‘மஹாதீரா’, ‘பாகுபலி 2’ உள்ளிட்ட படங்களுக்கு கிராபிக்ஸ் செய்த கமலக்கண்ணன் இப்படத்திலும் பணிபுரிய இருக்கிறார்.
விக்ரமின் ஐ, விஜய்யின் புலி ஆகிய படங்கள் மிகப்பெரிய பட்ஜெட்டில் தயாரிக்கப்பட்டது.
ஆனால், இதுவரை அஜித், சூர்யாவின் படங்கள் கூட ரூ. 100 கோடி பட்ஜெட்டில் தயாரிக்கப்படவில்லை என்பது குறிப்பிடத்தக்கது.