தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பாரதிராஜா இயக்கத்தில் 1978-ம் ஆண்டு வெளியான ‘கிழக்கே போகும் ரயில்’ படத்தின் மூலம் தமிழ்த் திரையுலகிற்கு அறிமுகமானவர் நடிகர் சுதாகர்.
தமிழில் தொடர்ந்து ‘கல்லுக்குள் ஈரம்’, ‘சுவரில்லாத சித்திரங்கள்’, ‘நிறம் மாறாத பூக்கள்’, ‘மாந்தோப்பு கிளியே’, ‘எங்க ஊரு ராசாத்தி’ உள்ளிட்ட படங்களில் ஹீரோவாக நடித்துள்ளார்.
ரஜினிகாந்த்தின் அதிசய பிறவி படத்திலும் காமெடி வேடத்தில் கலக்கினார் என்பது குறிப்பிடத்தக்கது.
பின்னர் தெலுங்கில் ‘பவித்ரா பிரேமா’, ‘அக்னி பூலு’, ‘ஊரிகிச்சினா மாதா’, ‘போகி மண்டலு’, ‘கொண்டே கொடல்லு’ போன்ற பல படங்களில் முன்னணி நடிகராக நடித்தார்.
தெலுங்கில் காமெடி வேடங்களில் நடிக்கத் துவங்கினார்.
சமீபத்தில் சுதாகரின் உடல்நிலை மோசமாக இருப்பதாகவும், அவர் உயிரிழந்துவிட்டதாகவும் சமூக வலைதளங்களில் தவறான தகவல்கள் பரவிவந்தன.
இந்தத் தவறான தகவல் கோலிவுட் மற்றும் டோலிவுட் சினிமாவில் பரபரப்பை ஏற்படுத்தியது.
இந்த நிலையில், நடிகர் சுதாகர் தனது உடல்நிலை குறித்து வீடியோ மூலம் விளக்கமளித்துள்ளார்.
அதில், ”எனது உடல்நிலை குறத்து தவறான வதந்திகள் பரவி வருகின்றன. அதனை நம்பாதீர்கள். “நான் உயிருடன் நன்றாக இருக்கிறேன்”. கவலைப்படத் தேவையில்லை” என்று குறிப்பிட்டுள்ளார்.
இதன் மூலம் நடிகர் சுதாகர் தனது உடல்நிலை குறித்துப் பரவிய வதந்திகளுக்கு முற்றுப்புள்ளி வைத்தார்.
Sudhakar put an end to rumours and clarifies his health condition