தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
‘ஆனந்தம்’ என்ற அழகான தமிழ் படத்தை இயக்கி அனைத்து குடும்பங்களையும் கவர்ந்தவர் இயக்குனர் லிங்குசாமி.
இதனையடுத்து ‘ரன்’, ‘சண்டக்கோழி’ ஆகிய படங்களை இயக்கி தமிழில் முன்னணி இயக்குனர்களில் ஒருவராக மாறினார்.
‘அஞ்சான்’, ‘சண்டக்கோழி 2’ உள்ளிட்ட படங்கள் இவரது இயக்கத்தில் சில ஆண்டுகளுக்கு முன்பு வெளியானது.
அண்மைக்காலமாக இவர் இயக்கிய படங்கள் எதிர்பார்த்த வெற்றியை பெறவில்லை.
தற்போது தெலுங்கு நடிகர் ராம் பொத்தினேனி நடிக்கும் தி வாரியர் என்ற படத்தை தெலுங்கில இயக்கி வருகிறார் லிங்குசாமி.
இந்த படம் தற்போது இறுதிக்கட்டத்தை நெருங்கியுள்ள நிலையில் தற்போது லிங்குசாமியின் சகோதரரும் திருப்பதி பிக்சர்ஸ் உரிமையாளருமான சுபாஷ் சந்திரபோஸ் ‘ரன் பார்ட்- 2’ விரைவில் என பதிவிட்டுள்ளார்.
எனவே ‘தி வாரியர்’ படத்தை முடித்துவிட்டு ரன் பட இரண்டாம் பாகம் உருவாகும் என எதிர்பார்க்கலாம்.
2002ல் வெளியானது ‘ரன்’ திரைப்படம். லிங்குசாமி இயக்கிய இந்த படத்தில் மாதவன், மீரா ஜாஸ்மின், விவேக், ரகுவரன் உள்ளிட்டோர் நடித்திருந்தனர். வித்யாசாகர் இசையமைத்திருந்தார். பாடல்கள் செம ஹிட்டானது.
விவேக்கின் காமெடி இந்த படத்தில் பெரியளவில் பேசப்பட்டது. ஆனால் தற்போது நடிகர் விவேக், ரகுவரன் ஆகியோர் உயிருடன் இல்லை என்பது குறிப்பிடத்தக்கது.
Sequel to R Madhavan and Meera Jasmine-starrer Run ?