தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
1980-களில் கமல் – ரஜினி படங்களின் ஆதிக்கம் உச்சத்தில் இருந்தன. ஆனால் அவர்களுக்கே பயத்தை ஏற்படுத்தும் அளவிற்கு நடிகர் மோகன் மற்றும் ராமராஜன் ஆகியோரது படங்களின் வெற்றி உருவானது.
ஆனால் 1990 களில் இறுதியில் இருந்து இருவரும் அவ்வளவாக சினிமாவில் நடிக்கவில்லை.
இந்த நிலையில் நடிகர் ராமராஜன் தற்போது ரீ என்ட்ரி கொடுக்க உள்ளார். இந்த புதிய படத்தில் எம் எஸ் பாஸ்கர், ராதாரவி உள்ளிட்டோர் முக்கிய வேடங்களில் நடிக்கின்றனர்.
சிம்பு, ஹன்சிகா நடித்த மகா படத்தை தயாரித்த மதியழகன் இந்த படத்தை தனது 14வது படைப்பாக தயாரிக்கிறார். இந்தப் படத்தை ராகேஷ் என்பவர் இயக்குகிறார்
இந்தப் படத்திற்கு ‘சாமானியன்’ என்று தலைப்பு வைத்துள்னர். இன்று இந்த படத்தின் டீசர் வெளியீட்டு விழாவை சென்னையில் உள்ள கிருஷ்ணவேணி தியேட்டரில் மிகப் பிரம்மாண்டமாக படகுழு நடத்தியது.
இந்த விழாவில் ராதாரவி பேசும் போது…
” 30 வருடங்களுக்கு முன்பு நானும் ராமராஜனும் இணைந்து நடித்தோம். தற்போதும் அதே அழகுடன் உள்ளார். ஒருமுறை ராமராஜன் தலைமுடியை ஒரிஜினலா என்று பரிசோதனை செய்தார் கமல்ஹாசன்.
ஆனால் தற்போதும் அதே அழகான முடியுடன் வலம் வருகிறார் ராமராஜன். இந்த படம் வெற்றி பெற வாழ்த்துக்கள்”
இறுதியாக ராமராஜன் பேசியபோது…
“என்னை இத்தனை வருடங்களாக வாழ வைத்துக் கொண்டிருப்பது என்னுடைய ரசிகர் மன்றங்கள் தான்.
திடீரென இந்த விழா ஏற்பாடு நடந்ததால் சில மன்றங்களை மட்டுமே அழைத்தேன். மற்றொரு விழாவை மதுரையில் நடத்தலாம் என்று நினைக்கிறோம். அந்த விழாவில் என் ரசிகர் மன்றங்களை அழைப்பேன்.
ஒரு தம்பதிக்கு முதலில் ஒரு குழந்தை பிறந்தால் அதற்கு பெயர் வைப்பார்கள். இரண்டாவது குழந்தை பிறந்தால் அதற்கு வேறு ஒரு பெயர் தான் வைப்பார்கள். நம்பர் 2 என்று வைக்க மாட்டார்கள். அதுபோல தான் சினிமாவிற்கு பெயர் வைப்பதும். இப்போது பார்ட் 2.. நம்பர் 2 என்று வைக்கிறார்கள். அது சரியில்லை.
இந்த படத்திற்கு சாமானியன் என்று பெயர் வைத்துள்ளார்கள். நான் மக்களோடு கலந்திருப்பவன். இந்த டைட்டில் எனக்கு மிகவும் பிடித்திருக்கிறது.
இப்போ 100 கோடி நடிகர்களுக்கு கொடுக்கிறார்கள். ஆனால் எனக்கு 100 கோடி கொடுத்தாலும் நான் தாய்மார்களை இழிவு படுத்துமாறு நடிக்க மாட்டேன். என் படங்களில் தீய பழக்கங்கள் காட்சிகளை காட்ட மாட்டேன்” என பரபரப்பாக பேசினார் ராமராஜன்.
100 கோடி கொடுத்தாலும் அது நடக்காது; PART 2 படம் எடுப்பவர்களை கிழித்தெடுத்த ராமராஜன் Saamaniyan
https://www.youtube.com/watch?v=BSsSIjIHkAw
Ramarajan mass speech at Saamaniyan Teaser launch