தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழ் சினிமாவில் தவிர்க்க முடியாத இரு துருவங்களாக கமல், ரஜினி இருவரும் திகழ்ந்து வருகின்றனர்.
இவர்களுக்கு அடுத்து சினிமாவில் 2 தலைமுறைகள் வந்துவிட்ட போதிலும் இன்றுவரை இவர்களின் மார்கெட்டுக்கு மவுசு குறையவில்லை.
சினிமாவைத் தாண்டி இருவருக்கும் நல்ல நட்பு புரிதல் உள்ளது.
எந்த சக்தியாலும் இவர்களை பிரிக்க முடியாது என்னுமளவுக்கு இவர்களிடையே பல ஒற்றுமைகளை கூறலாம்.
தற்போது இருவரும் தமிழக மக்களின் நலனை பேணிக் காக்க அரசியல் களத்தில் குதித்துள்ளனர்.
கமல் தன் கட்சியை அறிவித்து விட்டார். ரஜினி விரைவில் அறிவிக்கவுள்ளார்.
இந்த ஒற்றுமைகளை தாண்டி இருவரிடையே தற்போது மற்றொரு ஒற்றுமையும் ஏற்பட்டுள்ளது.
ரஜினி நடிப்பில் காலா மற்றும் 2.ஓ படங்கள் திரைக்கு வரவுள்ளன.
அதுபோல் கமல் நடிப்பில் விஸ்வரூபம் 2, சபாஷ் நாயுடு ஆகிய படங்கள் விரைவில் திரைக்கு வரவுள்ளன.
இவர்கள் இருவரும் தங்கள் அரசியல் நிலைப்பாட்டை அறிவித்தபின் இருவரும் ஒவ்வொரு புதிய படத்தில் கமிட் ஆகியுள்ளனர்.
ஷங்கர் இயக்கத்தில் இந்தியன்2 படத்தில் கமல் நடிக்க ஒப்புக் கொண்டுள்ளார். இப்படத்தை பிரபல நிறுவனமான லைகா தயாரிக்கிறது.
அதுபோல் கார்த்திக் சுப்புராஜ் இயக்கத்தில் ரஜினி நடிக்க ஒப்புக் கொண்டுள்ளார். இப்படத்தை பிரபல நிறுவனமான சன் பிக்சர்ஸ் தயாரிக்கிறது.
இசையமைப்பாளர், டெக்னீஷியன்கள் மற்றும் நாயகி பெயர்களை இதுவரை இவர்கள் இருவரும் அறிவிக்கவில்லை என்பது குறிப்பிடத்தக்கது.