ஜெய்க்கு வில்லன்களான தல, தளபதி வில்லன்கள்

ஜெய்க்கு வில்லன்களான தல, தளபதி வில்லன்கள்

New Project (5)‘பிரேக்கிங் நியூஸ்’ படத்தில் ஜெய் ஒரு சூப்பர் ஹீரோவாக மாறுகிறார் என்ற அறிவிப்புகள் வெளியான நாளில் இருந்தே அவர் யாருடன் மோதுவார் என்பதை அறியும் ஆர்வம் ரசிகர்களிடையே தொற்றிக் கொண்டது. இந்த படத்தின் படப்பிடிப்பு முழு வீச்சில் நடந்து வரும் இந்த வேளையில் ராகுல் தேவ் (அஜித்குமாரின் வேதாளம் புகழ்) மற்றும் தேவ் கில் (மகதீரா மற்றும் விஜயின் சுறா புகழ்) ஆகியோர் இந்த படத்தில் வில்லன்களாக நடிக்கிறார்கள் என்ற அறிவிப்பை வெளியிட்டிருக்கிறது படக்குழு.

“நிச்சயமாக, சூப்பர் ஹீரோவுக்கு இணையாக சக்திவாய்ந்த சூப்பர் வில்லன்கள் இருக்கும் போது மட்டுமே மோதலின் தீவிரம் மிகவும் கடுமையானதாக இருக்கும். நடிகர் ஜெய்யை நாயகனாக நடிக்க முடிவெடுத்த போதே, எங்கள் அடுத்த வேலை, தோற்கடிக்க முடியாத ஒரு வில்லனை தேடும் படலத்தில் தொடர்ந்தது. நிறைய விஷயங்களை மனதில் வைத்து வில்லனை தேடியபோது, ராகுல் தேவ் மற்றும் தேவ் கில் ஆகியோரை நடிக்க வைக்க முடிவெடுத்தோம். எனெனில் அவர்களது உடற்கட்டும், அவர்களின் அனல் பறக்கும் சண்டைக் காட்சிகளும் ரசிகர்களை மிகவும் கவர்ந்தவை. அத்தகைய நடிகர்களை கதை கோரியது. இந்த இருவருமே படத்திற்கு முழுமையான பொருந்துவார்கள் என உணர்ந்தோம். மேலும், அவர்கள் இருவருக்கும் சில முக்கியமான ஒற்றுமைகள் உண்டு. இருவருமே சினிமா அர்ப்பணிப்பு உடையவர்கள், வில்லனாக நடித்தாலும் அகில இந்திய அளவில் பிரபலமானவர்கள். இந்த படத்தில் இருவரும் சகோதரர்களாக நடிக்கிறார்கள், ராகுல் தேவ் ஒரு சக்தி வாய்ந்த சர்வதேச தாதாவாக நடிக்கிறார். ஒரு சாதாரண மனிதர் தன்னுடைய மக்களின் நலனுக்காக சூப்பர் சக்திகளை வைத்து எப்படி போராடுகிறார் என்பது தான் கதை” என்றார் இயக்குனர் ஆண்ட்ரூ பாண்டியன். இவர் அந்நியன், முதல்வன் உட்பட 90க்கும் மேற்பட்ட படங்களுக்கு VFX மேற்பார்வையாளராக பணியாற்றியுள்ளார் என்பது குறிப்பிடத்தக்கது.

இந்த படத்தில் வி.தினேஷ்குமார் மேற்பார்வையின் கீழ் உலகெங்கிலும் உள்ள 450 சி.ஜி.தொழில்நுட்ப கலைஞர்கள் பணியாற்றி வருகிறார்கள். இந்தத் திரைப்படத்தில் காட்சிகளில் பிரமாண்டம் மட்டுமல்லாமல், உணர்வுகள் மற்றும் காதல் ஆகியவற்றையும் காட்ட இருக்கிறோம் என்கிறார் இயக்குனர்.

ஜெய் மற்றும் பானுஸ்ரீ முன்னணி கதாபாத்திரங்களில் நடிக்கும் இந்த படத்தை நாகர்கோவில் சார்ந்த திருக்கடல் உதயம் தயாரிக்கிறார். ஜானி லால் ஒளிப்பதிவு செய்ய, ஆண்டனி படத்தொகுப்பை கையாள்கிறார். விஷால் பீட்டர் இசையமைக்க, மகேஷ் கலை இயக்குனராகவும், ராதிகா நடன இயக்குனராகவும் பணிபுரிகிறார்கள்.

பார்த்திபனின் ஒத்த செருப்பு-க்காக இணையும் கமல்-ஷங்கர்

பார்த்திபனின் ஒத்த செருப்பு-க்காக இணையும் கமல்-ஷங்கர்

New Project (4)இந்தியன் படம் வெளியாகி 24 ஆண்டுகள் ஆகிவிட்டது.

இதனையடுத்து மீண்டும் கமலை இந்தியன் 2 படத்திற்காக ஷங்கர் இயக்கவுள்ளார் என்ற செய்திகள் வெளியானது.

ஆனால் அரசியலில் கமல்ஹாசன் பிசியாகி விட்டதால் படத்தின் தகவல்கள் எதுவும் வெளியாகவில்லை.

ஒரு பக்கம் நிறுத்தப்பட்டு விட்டதாகவும் கூறப்படுகிறது.

இதனால் விஜய், விக்ரம் இணையவுள்ள புதிய படத்தின் கதை பணிகளை ஷங்கர் தொடங்கயிருப்பதாக உறுதிப்படுத்தப்படாத தகவல்கள் கிடைத்துள்ளன.

இந்த நிலையில், பார்த்திபன் இயக்கியுள்ள ஒத்த செருப்பு சைஸ் 7 படத்தின் இசை விழாவில் கமல்ஹாசன், டைரக்டர் ஷங்கர் இருவரையும் கலந்துக் கொள்ள பார்த்திபன் அழைப்பு விடுத்திருக்கிறாராம்.

விக்ரமை இயக்கும் ‘இமைக்கா நொடிகள்’ பட இயக்குனர்..?

விக்ரமை இயக்கும் ‘இமைக்கா நொடிகள்’ பட இயக்குனர்..?

New Project (3)கமல் தயாரிப்பில் விக்ரம் நடிப்பில் உருவாகியுள்ள ‘கடாரம் கொண்டான்’ படம் ஜுன் மாதம் வெளியாகும் எனத் தெரிகிறது.

இதற்கு முன்பே விக்ரம் நடித்துள்ள ‘துருவ நட்சத்திரம்’ படம் என்னாது? என்பது படக்குழுவினருக்கே வெளிச்சம்.

தற்போது மணிரத்னம் இயக்கவுள்ள ‘பொன்னியின் செல்வன்’ படத்திற்காக தீவிர உடற்பயிற்சியில் இருக்கிறாராம் விக்ரம்.

இதனிடையில் குறுகிய கால கால்ஷீட்டில் ஒரு படத்தில் நடிப்பதாக கூறப்படுகிறது.

‘டிமாண்டி காலனி, இமைக்கா நொடிகள்’ ஆகிய படங்களை இயக்கிய அஜய் ஞானமுத்து அவர்கள் அந்த படத்தை இயக்க வாய்ப்புள்ளதாக சொல்லப்படுகிறது.

முன்பதிவில் மிரட்டும் சூர்யாவின் என்ஜிகே

முன்பதிவில் மிரட்டும் சூர்யாவின் என்ஜிகே

New Project (2)சூர்யா நடிப்பில் உருவாகியிள்ள என்ஜிகே படத்தை செல்வராகவன் இயக்கியுள்ளார்.

இதில் சூர்யாவுடன் ரகுல்பிரீத்சிங், சாய் பல்லவி உள்ளிட்டோர் நடிக்க யுவன் சங்கர் ராஜா இசையமைத்துள்ளார்.

இப்படத்தின் பாடல்கள் மற்றும் டீசர் வெளியாகி ரசிகர்களை கவர்ந்துள்ளது.

மே 31-ந்தேதி இப்படம் திரைக்கு வரவுள்ள நிலையில் சென்னையில் சில தியேட்டர்களில் இப்போதே ப்ரி புக்கிங் தொடங்கப்பட்டுள்ளது.

அப்படி தொடங்கப்பட்ட சில மணி நேரங்களிலேயே முதல்நாள் டிக்கெட் அனைத்தும் விற்று தீர்ந்துள்ளது.

எனவே என்ஜிகே படத்திற்கு பெரிய ஓப்பனிங் கிடைக்கும் என எதிர்பார்க்கலாம்.

தயாரிப்பாளர்கள் சங்கத்துக்கு புதிய நிர்வாக குழு; என்ன செய்வார் விஷால்..?

தயாரிப்பாளர்கள் சங்கத்துக்கு புதிய நிர்வாக குழு; என்ன செய்வார் விஷால்..?

New Project (1)தென்னிந்திய திரைப்பட தயாரிப்பாளர்கள் சங்க தலைவராக விஷால் பதவி வகித்து வருகிறார்.

கடந்த சில மாதங்களாகவே விஷாலின் தலைமையை பலர் எதிர்த்து வருகின்றனர்.

சங்க நிதியை கையாண்ட விதம், இளையராஜாவுக்கு நடத்திய பாராட்டு விழாவில் நடந்த முறைகேடு என பல குற்றச்சாட்டுகள் அவர் மீது எழுந்துள்ளன.

இதனிடையில் மற்றொரு பிரிவு தயாரிப்பாளர்கள் தமிழக அரசிடம் புகார் கொடுத்திருந்தனர்.

இதனை தொடர்ந்து சங்கத்தை நிர்வகிக்க தமிழக அரசு பதிவுத்துறை அதிகாரி என்.சேகர் என்பவரை தனி அதிகாரியாக நியமித்துள்ளது.

தற்போது தனி அதிகாரி சேகர் தயாரிப்பாளர் சங்கத்தில் உள்ள உறுப்பினர்களை கொண்டு தனக்கு உதவி செய்ய தற்காலிக குழு ஒன்றை (அட்ஹாக் கமிட்டி) அமைத்துள்ளார்.

இதில் பாரதிராஜா, டி.ஜி.தியாகராஜன், கே.ராஜன், டி.சிவா, சிவசக்தி பாண்டியன், எஸ்.வி.சேகர், ஜே.எஸ்.கே.சதீஷ்குமார், எஸ்.எஸ்.துரைராஜ், கே.ராதாகிருஷ்ணன் ஆகியோர் இடம் பெற்றுள்ளனர்.

யுவன்-குறளரசன் வரிசையில் இஸ்லாமியராக மாறிய கஸ்தூரி..?

யுவன்-குறளரசன் வரிசையில் இஸ்லாமியராக மாறிய கஸ்தூரி..?

New Projectதற்போதைய சினிமா மற்றும் அரசியல் உலகில் ஏதாவது ஒரு பரபரப்பான கருத்தை கூறி சர்ச்சையாக்கி வருபவர் நடிகை நடிகை கஸ்தூரி.

மேலும் ட்விட்டரிலும் அவ்வப்போது பதிவுகளை பதிவிட்டு வருகிறார்.

இந்நிலையில், முஸ்லிம் பெண் போல உடையணிந்து, தொழுகை செய்வது போல இரு படங்களை வெளியிட்டுள்ளார்.

இதனால் அவர் முஸ்லிம் மதத்துக்கு மாறிவிட்டாரோ? என்ற தகவல்கள் பரவியது.

ஆனால் புதிய படமொன்றில் முஸ்லிம் பெண் வேடத்தில் நடிக்கிறாராம்.

ரமலான் நோன்பு ஆரம்பமாகி விட்டதால் அதற்கு பொருத்தமாக இப்படங்களை வெளியிடுவதாக கூறினார். மேலும், நாம் அனைவரும் ஒரே கடவுளை ஒரே நோக்கத்துக்காகத்தான் வழிபடுகிறோம். ஆனால், வழிபடும் வார்த்தைகள் மட்டும் வெவ்வேறானவை எனவும் தெரிவித்துள்ளார்.

இசையமைப்பாளர்கள் யுவன், குறளரசன் ஆகியோர் இஸ்லாமிய மதத்துக்கு மாறியவர்கள் என்பது குறிப்பிடத்தக்கது.

Kasturi Shankar‏Verified account @KasthuriShankar

#RamadanKareem to everyone who’s fasting this month! Its is a divine coincidence to be playing a hyderabadi muslim woman right now ! Blessed to have learnt how to pray ( even if for a movie.) #RamadanMubarak

More Articles
Follows