தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பிரபுதேவா நடிப்பில் உருவாகியுள்ள புதிய படத்தை ஷக்தி சிதம்பரம் இயக்கியுள்ளார்.
இதில் ஒரே பாடலில் பிரபுதேவா 13 கெட்டப்புகளில் தோன்றுகிறாராம். அதில் போலீஸ் ஒன்று. அந்த போஸ்டர் தான் இணையங்களில் வைரல் ஆகி வருகிறது.
இதில் நாயகியாக மடோனா செபஸ்டியன் நடித்துள்ளார். சமீபத்தில் வெளியான ‘லியோ’ படத்தில் விஜய் சகோதரியாக மடோனா நடித்திருந்தார் என்பது தங்களுக்கு நினைவிருக்கலாம்.
யாஷிகா ஆனந்த், அபிராமி, யோகிபாபு, ஜான் விஜய், ஆடுகளம் நரேன், மதுசூதனராவ், ரோபோ சங்கர், சாய் தீனா, எம்.எஸ்.பாஸ்கர், ரெடின் கிங்ஸ்லி, ஒய்ஜி மகேந்திரன் ஆகியோரும் நடித்துள்ளனர்.
அஸ்வின் விநாயகமூர்த்தி இசையமைக்க கணேஷ் சந்திரா ஒளிப்பதிவு செய்துள்ளார்.
இப்படத்தின் இடம்பெற்றுள்ள அனைத்து பாடல்களையும் கவிஞர் மு ஜெகன் கவிராஜ் எழுதியிருக்கிறார். ஏற்கெனவே இவரது வரிகளில் உருவான “சீரக பிரியாணி.. என் ஜீவனே நீதாண்டி..” என்ற பாடல் பிரியாணி காதலர்கள் இடையே வைரலானது குறிப்பிடத்தக்கது.
டிரான்ஸ் இண்டியா மீடியா மற்றும் என்டர்டெயின்மென்ட் பிரைவேட் லிட் சார்பில் எம்.ராஜேந்திர ராஜன் தயாரிக்கிறார்.
சென்னை மற்றும் தென் மாவட்டங்களில் நடைபெற்ற இதன் படப்பிடிப்பு சமீபத்தில் நிறைவடைந்துள்ளது. சக்தி சிதம்பரம் படங்கள் என்றாலே காமெடிக்கு பஞ்சம் இருக்காது. எனவே இதுவும் ஒரு காமெடி திருவிழாவாக இருக்கும் என நம்பலாம்.
கமல் தயாரித்து கெஸ்ட் ரோலில் நடித்த ‘மகளிர் மட்டும்’ படத்தில் நாகேஷ் கிட்டத்தட்ட 15 நிமிடங்கள் பிணமாக நடித்திருந்தார். பிணமாக நடித்திருந்தாலும் நாகேஷ் செய்த காமெடியை கண்டு நம்மால் சிரிக்காமல் இருக்க முடியாது.
தற்போது அந்த பாணியில் இந்த புதிய படத்தில் பிரபுதேவா கிட்டத்தட்ட 1 மணி நேரம் பிணமாக நடித்துள்ளார் என தகவல்கள் வந்துள்ளன. கிட்டத்தட்ட 20 நிமிடங்கள் மட்டுமே அவர் (உயிருடன்) நடித்துள்ளதாகவும் தெரியவந்துள்ளது.
இந்தப் படத்திற்கு இன்னும் தலைப்பு வைக்கப்படவில்லை என்றாலும் மக்கள் இந்த படத்தின் தலைப்பை தேர்ந்தெடுப்பார்கள் எனவும் விரைவில் தலைப்பு அறிவிக்கப்படும் எனவும் கூறப்படுகிறது.
Prabudeva and Madonna starring in Sakthi Chidambaram direction