தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
மலையாளத்தில் ஜூட் அந்தனி ஜோசப் இயக்கத்தில் வெளியான படம் “2018”.
இப்படத்தில் டோவினோ தாமஸ், ஆசிஃப் அலி, குஞ்சாகா போபன், வினீத் ஸ்ரீனிவாசன், கலையரசன், நரேன், அபர்ணா பாலமுரளி, லால் உள்ளிட்ட பலரும் நடித்திருந்தனர்.
“2018” படம் கடந்த மே 5 ஆம் தேதி திரையரங்குகளில் வெளியாகியது.
இந்த திரைப்படம் ரசிகர்கள் மத்தியில் பெரும் வரவேற்பு பெற்றது.
“2018” படம் வெளியாகி 10 நாட்களில் 13 கோடி ரூபாய் வசூல் செய்து பெரும் சாதனையை மலையாள திரை உலகில் நிகழ்த்தியது.
இந்த படமானது 2018 ஆம் ஆண்டு கேரளா மாநிலம் சந்தித்த பெருவெள்ளத்தை அடிப்படையாக கொண்டு உருவாக்கப்பட்டிருந்தது.
‘2018’ படத்தை தற்போது தமிழில் டப் செய்து கடந்த மே 26ம் தேதி தமிழகம் முழுவதும் சுமார் 100 திரையரங்குகளுக்கு மேல் வெளியிட்டனர்.
இந்நிலையில், “2018” படம் வரும் ஜூன் 7ம் தேதி முதல் சோனி லைவ் ஓடிடி தளத்தில் வெளியாகும் என அதிகாரபூர்வமாக அறிவிக்கப்பட்டுள்ளது.
‘2018’ படம் இதுவரை 150 கோடி வசூல் செய்து சாதனைப் படைத்துள்ளது குறிப்பிடத்தக்கது.
மேலும், இதன் மூலம் மலையாள சினிமாவின் முதல் ரூ.150 கோடி வசூலித்த படம் என்ற பெருமையை ‘2018’ படத்திற்கு கிடைத்துள்ளது.
Malayalam hit movie 2018 gets OTT release date from june 7