தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பிரபல மலையாள இயக்குனர் சித்திக் இயக்கியுள்ள படம் பாஸ்கர் ஒரு ராஸ்கல்.
இவர் பிரெண்ட்ஸ், காவலன், எங்கள் அண்ணா, ஹிட்லர் உள்ளிட்ட மலையாள ரீமேக் படங்களை தமிழில் இயக்கியுள்ளார்.
தற்போது இயக்கியுள்ள பாஸ்கர் ஒரு ராஸ்கல் படமும் மலையாள ரீமேக் படம்தான்.
அரவிந்த்சாமி, அமலாபால், நைனிகா, ராகவன், சூரி, ரோபோ ஷங்கர் உள்ளிட்டோர் நடிக்க இப்படத்தை முருகன் தயாரித்துள்ளார். அம்ரீஷ் இசையமைத்துள்ளார்.
இப்படத்தின் இசை வெளியீட்டு விழாவில் சிறப்பு விருந்தினராக தயாரிப்பாளர் ஞானவேல்ராஜா கலந்துக் கொண்டு பேசினார்.
அவர் பேசியதாவது…
பொதுவாக ஒரு படத்தில் ஹீரோ கமிட் ஆகும்போது கோடி கணக்கில் அட்வான்ஸ் வாங்குகின்றனர்.
எல்லா தயாரிப்பாளர்களும் வட்டிக்கு பணம் வாங்கிதான் சம்பளம் கொடுக்கிறார்கள்.
இப்படத்தில் அரவிந்த்சாமி கமிட் ஆகும்போது அவர் எந்த தொகையும் வாங்கவில்லையாம்.
அவரைப் போல் அனைவரும் செய்ய வேண்டும்.
சூட்டிங் முடிந்து டப்பிங் சமயத்தில் வாங்கினால் அதற்கும் ரீலீஸ்க்கும் ஒரு மாதம்தான் இடைவெளி இருக்கும்.
அந்த சமயத்தில் முழு தொகையும் வாங்கிக் கொண்டால் தயாரிப்பாளருக்கு வட்டி ஏறாது. ஒரு மாத வட்டி மட்டும்தான் இருக்கும்.
முன்பே சம்பளம் கொடுப்பதால் ஹீரோ சம்பளத்திற்கு இணையாக வட்டி ஏறிவிடுகிறது.
சில நேரங்களில் தயாரிப்பாளர்கள் ஏமாற்றிவிடுவார்கள் என்பார்கள். அப்படி செய்ய முடியாது. ஏனென்றால் அவர் பின்பு அடுத்த படத்தை தயாரிக்க முடீயாது. மற்ற ஹீரோக்கள் உஷாராகிவிடுவார்கள்.
தயாரிப்பாளர் சங்கமும் கேள்வி கேட்கும்.” என்று பேசினார்.