தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கோலிவுட் சினிமாவில் ரஜினிகாந்துக்கு பிறகு நிறைய காந்த் நடிகர்கள் உருவாகிவிட்டனர்.
விஜயகாந்த், நளினிகாந்த், ஸ்ரீகாந்த் என பல காந்த் நடிகர்கள் உள்ளனர்.
முண்டாசுப்பட்டி படத்தில் முனீஷ்காந்த் என்ற கேரக்டரில் நடித்தார் ராமதாஸ்.. ஆனாலும் அவரை முனீஸ்காந்த் என்றே பலரும் அழைக்கின்றனர்.
பல படங்களில் காமெடியனாக நடித்த அவர் தற்போது ஹீரோவாகிவிட்டார். அந்த படம் தொடர்பான தகவல்கள் இதோ…
‘அறம்’ & ‘டாக்டர்’ தொடங்கி சமீபத்திய ‘க/பெ ரணசிங்கம்’ வரை எப்போதுமே புதுமையான நம்பிக்கைக்குரிய கதைகளுக்குக் கைகொடுக்கும் கே.ஜே.ஆர் ஸ்டுடியோஸ் ராஜேஷ் ‘மிடில் கிளாஸ்’ என்ற படத்தை தயாரிக்கவுள்ளார்.
அவருடன் இணைந்து ‘டோரா’ படத்தின் மூலம் இயக்குநராக அறிமுகமான தாஸ் ராமசாமியின் கெளஷ்துப் எண்டர்டையின்மெண்ட் நிறுவனமும் தயாரிக்கிறது.
யதார்த்தத்துடன் கூடிய கலகலப்பான இந்தக் கதை எழுதி, இயக்கவுள்ளார் கிஷோர் எம்.ராமலிங்கம்.
இவர் ‘களவாணி’ படத்தின் உதவி இயக்குநராக பணிபுரிந்தது மட்டுமன்றி ‘இது வேதாளம் சொல்லும் கதை’ மற்றும் ‘பூமிகா’ ஆகிய படங்களில் இணை இயக்குநராகவும் பணிபுரிந்துள்ளார்.
‘மிடில்கிளாஸ்’ என்று தலைப்பிடப்பட்டுள்ள இந்தப் படத்தின் படப்பிடிப்பு தீபாவளி முடிந்தவுடன் தொடங்கவுள்ளது.
இதில் முனீஸ்காந்த் கதையின் நாயகனாக நடிக்கிறார்.
‘கலக்கப் போவது யாரு’ ராமர் முக்கிய கதாபாத்திரத்தில் நடிக்க ஒப்பந்தமாகியுள்ளார்.
இதர நடிகர்கள் தேர்வு மும்முரமாக நடைபெற்று வருகிறது.
விரைவில் ஆச்சரியமூட்டும் நடிகர்கள் பட்டியல் வெளியாகும் என்கிறது படக்குழு.
நல்ல கதைக்கு, வலுவான தொழில்நுட்ப கலைஞர்கள் அமைந்துவிட்டால் வெற்றி உறுதி என்பார்கள். அப்படி பல்வேறு படங்களுக்கு தனது ஒளிப்பதிவால் அழகூட்டிய ஆர்வி ஒளிப்பதிவாளராகவும் பணிபுரியவுள்ளார். இசையமைப்பாளராக சந்தோஷ் தயாநிதி, எடிட்டராக ஆனந்த் ஜெரால்டின், கலை இயக்குநராக ஏ.ஆர்.மோகன் ஆகியோர் பணிபுரியவுள்ளனர்.
தற்போது படப்பிடிப்பு தொடங்குவதற்கான ஆயத்தப் பணிகள் மும்முரமாக நடைபெற்று வருகிறது.
‘மிடில்கிளாஸ்’ படக்குழுவினர் விவரம்
தயாரிப்பு நிறுவனம் – கே.ஜே.ஆர் ஸ்டுடியோஸ், கெளஷ்துப் எண்டர்டையின்மெண்ட்
தயாரிப்பாளர் – கே.ஜே.ஆர் ராஜேஷ், தாஸ் ராமசாமி
கதை, திரைக்கதை, வசனம், இயக்கம் – கிஷோர் எம்.ராமலிங்கம்
நிர்வாக தயாரிப்பாளர் – டி.ஏழுமலையான்
தயாரிப்பு ஒருங்கிணைப்பு – மனோஜ் குமார்
கிரியேட்டிவ் தயாரிப்பாளர் – சி.ஆர்.மணிகண்டன்
ஒளிப்பதிவாளர் – ஆர்வி
இசையமைப்பாளர் – சந்தோஷ் தயாநிதி
எடிட்டர் – ஆனந்த் ஜெரால்டின்
கலை இயக்குநர் – ஏ.ஆர்.மோகன்
ஆடை வடிவமைப்பாளர் – கீர்த்தி வாசன்
ஸ்டில்ஸ் – நரேந்திரன்
பி.ஆர்.ஓ – யுவராஜ்
Comedy actor Munishkanth turns a hero