தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
காரைக்கால் மாவட்டம் நெடுங்காடு பகுதியைச் சேர்ந்தவர் பாலா. இவர் சின்னத்திரையில் கலக்கப்போவது யாரு என்ற நிகழ்ச்சியில் செய்த காமெடிகள் இவரை பிரபலம் ஆக்கியது.
இதனைத் தொடர்ந்து பல்வேறு சினிமா நிகழ்ச்சிகள் மற்றும் பொது நிகழ்ச்சிகளில் இவர் தொகுப்பாளராகவும் பணியாற்றி வருகிறார்.
மேலும் சில படங்களிலும் இவர் நடித்து வருகிறார். சமீபத்தில் வெளியான ‘தில்லு இருந்தா போராடு’ என்ற படத்தில் வனிதா விஜயகுமாருடன் இவர் நடித்திருந்தார்.
ஏழ்மை நிலையில் இருந்து வந்து பாலா வறுமையின் நிலை உணர்ந்து பல்வேறு சமூக சேவைகளை செய்து வருகிறார்.
நிறைய ஏழை மாணவர்களை படிக்க வைத்து உதவி செய்கிறார். மேலும் வசதி இல்லாத மருத்துவமனைகளுக்கு ஆம்புலன்ஸ் உதவியும் செய்து வருகிறார்.
இந்த செய்திகளை நாம் ஏற்கனவே நம் FILMISTREET தளத்தில் பார்த்து இருந்தோம்.
இந்த சூழ்நிலையில் சென்னை கோயம்பேட்டிலுள்ள உணர்வுகள் அறக்கட்டளைக்கு, தனது சொந்த செலவில் ஆம்புலன்ஸை வழங்கினார் நிகழ்ச்சித் தொகுப்பாளரும் நடிகருமான பாலா.
தொண்டு அமைப்புக்கு இவர் ஆம்புலன்ஸ் வழங்குவது இது 4-ம் முறை என்பது குறிப்பிடத்தக்கது.
Comedy Actor Kpy Bala donated Ambulance to Trust