தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தெலுங்கில் சந்தீப் ரெட்டி இயக்கத்தில் விஜய் தேவரகொண்டா, ஷாலினி பாண்டே நடிப்பில் வெளியாகி பெரும் வெற்றி பெற்ற படம் ‘அர்ஜூன் ரெட்டி’.
இதன் ரீமேக் உரிமைக்கு தென்னிந்திய அளவில் பலத்த போட்டி உருவானது. தமிழ், மலையாளம் மொழி உரிமையை கேரள நிறுவனமான இ4 என்டர்டைன்மென்ட் நிறுவனம் பெற்றது.
இதில் தமிழ் ரீமேக்கில் நடிகர் விக்ரம் மகன் துருவ் நாயகனாக நடிக்கிறார்.
இதன் இயக்குநர் யார் என்பது இதுவரை சஸ்பென்ஸாக இருந்தது.
தற்போது அந்த சஸ்பென்ஸை உடைத்திருக்கிறார் விக்ரம்.
தனக்கு முதல் படமான சேது படத்தில் திருப்புமுனையை கொடுத்த இயக்குநர் பாலாவிடம் தன் மகனை ஒப்படைத்துள்ளார் விக்ரம்.
இதில் சேது படத்தில் ஏற்ற சீயான் கேரக்டரே இன்று விக்ரமின் அடைமொழியாக மாறியுள்ளது என்பது குறிப்பிடத்தக்கது.
மேலும் பாலா இயக்கிய பிதாமகன் படம் மூலம் விக்ரம் தேசிய விருதை வென்றார் என்பதும் தங்களுக்கு நினைவிருக்கலாம்.
Bala to direct Vikram son Dhruv in Arjun Reddy Tamil remake