தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தெலுங்கில் ஹிட் அடித்த அர்ஜூன் ரெட்டி படத்தை இயக்குநர் பாலா தமிழில் ரீமேக் செய்துள்ளார்.
இந்தப் படத்தின் மூலம் விக்ரமின் மகன் துருவ் சினிமாவில் நடிகராக அறிமுகமாகிறார்.
துருவ் விக்ரமுக்கு ஜோடியாக வங்காள மொழி நடிகை மேகா நடித்துள்ளார். முக்கிய வேடத்தில் ரைசா நடித்துள்ளார்.
இ4 என்டர்டெயின்மென்ட் நிறுவனம் தயாரிக்கும் இந்தப் படத்துக்கு இயக்குநர் ராஜு முருகன் வசனம் எழுதுகிறார்.
இந்தப் படத்தின் படப்பிடிப்பு முடிந்து ரிலீசுக்கு தயாராகி வரும் நிலையில் துருவ்வின் பிறந்த நாளில் டீசர் வெளியிடப்பட்டது.
இதற்கான விழா சென்னை வடபழனியில் உள்ள தனியார் ஹோட்டலில் நடைபெற்றது.
இந்த நிகழ்ச்சியில் இயக்குநர் பாலா தனது படத்தின் ஹீரோ துருவ்வை அறிமுகப்படுத்தினார்.
விழாவில் கலந்துக் கொண்டு பேசிய துருவ்வின் தந்தையும் நடிகருமான விக்ரம், “ஒரு அறிமுக நாயகனை வைத்து பாலா முதல்முறையாக இயக்குகிறார். தனது மகனை பாலா அறிமுகம் செய்வது மிகவும் மகிழ்ச்சி அளிப்பதாக தெரிவித்தார்.
படத்தின் நாயகன் துருவ் பேசுகையில்…
“இயக்குநர் பாலா இயக்கியதால் தான் நடித்தேன் என்றும், இந்த வாய்ப்பு கொடுத்த அனைவருக்கும் நன்றி என்றார். பின்னர், துருவ் பிறந்த நாளையொட்டி கேக் வெட்டி கொண்டாடப்பட்டது.
இதனிடையே நிகழ்ச்சி தொகுப்பாளர் இயக்குநர் பாலாவிடம் காதல் காட்சிகளை நடிகர் துருவ்வுக்கு எப்படி சொல்லி கொடுத்தீர்கள் என்று கேள்வி எழுப்பினார்.
அதற்கு பதிலளித்த இயக்குநர் பாலா, சீரியஸாக சொல்லி கொடுத்ததாக கூறினார்.