தளபதி 67 படத்திற்காக அர்ஜுன் பெற்ற சம்பளம் இவ்வளவா ?

நெகட்டிவ்வாக பேசினால் யூடியூப்பில் பணம் வருது. ஆனால்… – விஜய்சேதுபதி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

20வது சர்வதேச திரைப்பட விழா கடந்த 15ஆம் தேதி சென்னையில் துவங்கியது.

இதன்படி சென்னை பிவிஆா் மல்டி பிளக்ஸ் திரையரங்குகள், அண்ணா சினிமாஸ் ஆகிய திரையரங்குகளில் ஒரு வாரத்திற்கு படங்கள் திரையிடப்பட்டன.

இந்த நிலையில் இந்த திரைப்பட விழாவின் நிறைவு விழா நேற்று டிசம்பர் 22 தேதி வியாழக்கிழமை நடைபெற்றது.

இதில் பல்வேறு கலைஞர்களுக்கும் விருதுகள் வழங்கப்பட்டன.

இதில் சீனு ராமசாமி இயக்கிய ‘மாமனிதன்’ திரைப்படத்திற்காக சிறந்த நடிகருக்கான விருது நடிகர் விஜய் சேதுபதிக்கு வழங்கப்பட்டது.

விருது பெற்ற நடிகர் விஜய்சேதுபதி பேசியதாவது…

“வாழ்க்கையின் அனுபவங்கள்தான் திரைப்படங்களாக உருவாகின்றன; நம் வாழ்க்கையை புரிந்துக் கொள்ள திரைப்படங்களும் அதிகம் உதவுகின்றன.

ஒரு படத்தின், கதையின் மூலம் இயக்குநர்கள் தெரிவிக்க விரும்பும் விஷயங்களை புரிந்துக் கொள்ளுங்கள்; சாதாரணமாக கடந்து போய்விடாதீர்கள்; அதுகுறித்து ஆரோக்கியமாக விவாதங்களில் ஈடுபடுங்கள்.

ஒரு படத்தை விமர்சனங்களின் வாயிலாக புரிந்துகொள்ள முயற்சிக்காதீர்கள்.

இப்போதெல்லாம் யூடியூப்பில் நெகட்டிவ்வாக பேசினால்தான் பணம் வருகிறது.

ஆனால் திரைப்படங்கள் விமர்சகர்கள் பார்வையில் சரியாக பார்க்கப்படுகின்றதா எனத் தெரியவில்லை.

நடிகர் பூ ராமு அவர்களுடன் இணைந்து இந்த விருதை பெருவதில் எனக்கு மகிழ்ச்சி” என்று பேசினார் விஜய்சேதுபதி.

விருதுக்கான பரிசுத்தொகையை விழாக் கமிட்டிக்கு நன்கொடையாக திருப்பி கொடுத்தார் விஜய்சேதுபதி குறிப்பிடத்தக்கது.

சந்தானத்தின் ‘ஏஜெண்ட் கண்ணாயிரம்’ OTT ரிலீஸ் தேதி அறிவிப்பு..!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இயக்குநர் மனோஜ் பீதா இயக்கத்தில் நடிகர் சந்தானம் நடித்திற்கும் படம் ‘ஏஜெண்ட் கண்ணாயிரம்’.

சந்தானத்துக்கு ஜோடியாக நடிகை ரியா சுமன் கதாநாயகியாக நடிக்க, புகழ், முனிஷ்காந்த், ரெடின் கிங்ஸ்லி, ஈ ராம்தாஸ், இந்துமதி, மதன் தட்சிணாமூர்த்தி மற்றும் ஆதிரா ஆகியோர் முக்கிய வேடங்களில் நடித்துள்ளார்கள்.

இந்த படம் நவம்பர் மாதம் 25 ஆம் தேதி திரையரங்குகளில் வெளியாகியது.

மேலும், இப்படம் விமர்சகர்கள் மற்றும் பார்வையாளர்களிடமிருந்து நேர்மறையான விமர்சனங்களைப் பெற்றது.

இந்த நிலையில், இப்படத்தை நாளை டிசம்பர் 23 ஆம் தேதி முதல் பிரபலமான SUN NXT டிஜிட்டல் தளத்தில் வெளியீட்டு செய்யப்படுகிறது.

Santhanam’s ‘Agent Kannayiram’ OTT release date announcement

வெளியான சில மணி நேரத்தில் ஆன்லைனில் லீக் ஆன விஷாலின் லத்தி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

லத்தி படம் திரையரங்குகளில் வெளியான சில மணிநேரங்களில், பல சட்டவிரோத வலைத்தளங்கள் லத்தி திரைப்படத்திற்கான திருட்டு இணைப்புகளை பரப்பத் தொடங்கின.

இந்த திருட்டு இணைப்புகள் இணையம் முழுவதும் உள்ளன, சமூக ஊடக தளங்கள் மற்றும் தனிப்பட்ட கணக்குகள் மூலம் பகிரப்படுகின்றன.

இணைப்புகள் ஒருவரை அவற்றில் உள்ள உள்ளடக்கத்தைப் பார்க்க அல்லது முழு திரைப்படத்தையும் இலவசமாகப் பதிவிறக்க அனுமதிக்கின்றன.

தொடர் தோல்விகளை சந்தித்து வரும் விஷால், தேவையான வெற்றியை கொடுக்கும் நோக்கில் வினோத் குமார் இயக்கத்தில் லத்தி படத்தின் மூலம் மீண்டும் வருகிறார்.

உதயநிதி விலகியதால் உஷாரான கமல்.; ரெண்டு டாப் ஸ்டார்களுடன் ஒப்பந்தம்.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘விக்ரம்’ படத்தின் மெகா வெற்றியைத் தொடர்ந்து கமல்ஹாசன் நடிப்பிலும் தயாரிப்பிலும் அதிக கவனம் செலுத்தி வருகிறார்.

இவர் தயாரிக்கும் அடுத்த படங்களில் ஒரு படத்தில் சிவகார்த்திகேயனும் மற்றொரு படத்தில் உதயநிதியும் நடிக்க உள்ளனர் என அறிவிக்கப்பட்டது.

இதனிடையில் தான் தமிழக அமைச்சரவையில் ‘இளைஞர்கள் நலன் மற்றும் விளையாட்டுத்துறை’ அமைச்சராக பதவி ஏற்று கொண்டார் உதயநிதி ஸ்டாலின்.

மாரி செல்வராஜ் இயக்கத்தில் நடிக்கும் படம் ‘மாமன்னன்’ தான் தன்னுடைய கடைசி திரைப்படம் என அறிவித்து கமல்ஹாசன் படத்தில் இருந்து விலகுவதாக அதிரடியாக அறிவித்தார் உதயநிதி.

இந்த நிலையில் உதயநிதிக்கு பதிலாக இதில் விஜய்சேதுபதி நடிக்க உள்ளதாக தகவல் வெளியாகி உள்ளது.

சிவகார்த்திகேயனும் விஜய் சேதுபதியும் தமிழ் சினிமாவில் முன்னணி நடிகர்களில் இருவர் என்பது நாம் அறிந்த ஒன்றுதான்.

ஹாலிவுட் படத்திலும் இணைந்த ‘தேசியத்தலைவர்’ நாயகன் பஷீர் & அரவிந்தராஜ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஹாலிவுட்டில் பிரபலமான ‘பிங்க் ஜாகுவார் எண்ட்ர்டெயின்மெண்ட்’ நிறுவனத்தின் புதிய ஹாலிவுட் படத்திற்கு ஒப்பந்தமாகி இருக்கிறார் இயக்குனர் R. அரவிந்த்ராஜ்.

இந்த ஹாலிவுட் படத்தில் நாயகனாக தேசியத் தலைவர் படத்திற்கு பிறகு மீண்டும் இவருடன் கை கோர்க்கிறார் ஜெ எம் பஷீர்.

இந்தப் படத்திற்கான அறிவிப்பை நிறுவனத்தின் தலைவர் ஹிஸ் ஹைன்ஸ் பிரின்ஸ் ஜெகதீஷ் , மேடம் ஸ்வர்ணா விரைவில் வெளியிட இருக்கிறார்கள்.

தேசியத் தலைவர் படத்தின் வெளியீட்டிற்கு பிறகு இந்த படத்திற்கான பணிகள் மார்ச் மாதம் முதல் தொடங்க இருக்கிறது.

கூடுதல் தகவல்…

பசும்பொன் முத்துராமலிங்கத் தேவர் வாழ்க்கை வரலாற்றை மையப்படுத்தி எடுக்கப்பட்டு வரும் படம் தேசியத்தலைவர்.

முத்துராமலிங்கத் தேவராக ஜே.எம்.பஷீர் நடித்துள்ளார்.

எம்.எம்.பாபு, எஸ்.எஸ்.ஆர்.சத்யா, ஜி.ஜெயந்தி ஆகியோர் இணைந்து தயாரித்து வரும் இப்படத்தை ‘ஊமைவிழிகள்’ புகழ் அரவிந்த்ராஜ் இயக்கி வருகிறார்.

இளையராஜா இசையில் தேவரய்யா என்ற பாடலை சினேகன் எழுதியுள்ளார்.