தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நான் பல வருடங்களாக அரசியலில் இருக்கிறேன் என கமல் சொன்னாலும் அது அண்மைகாலமாகத்தான் உறுதியாகி வருகிறது.
ட்விட்டர் தளத்தில் கருத்து சொல்லும் கமல் அரசியல் களத்திற்கு வரட்டும் என அரசியல் கட்சித் தலைவர்கள் அவரை அழைக்க ஆரம்பித்து விட்டனர்.
ஆனால் தன் அரசியல் பிரவேசம் குறித்த அறிவிப்பை வெளியிடாமல் தன் ரசிகர் மன்றத்தினருடன் ஆலோசனை நடத்தி வந்தார்.
இந்நிலையில், ஆட்சியாளர்கள் மக்களுக்காக உழைப்பார்கள் என்று நாம் நம்பியது போதும், நாமே களத்தில் இறங்குவோம் என ஒரு பேட்டியில் தெரிவித்துள்ளார்.
அதில்… ’செயலில் ஈடுபடுவார்கள் என்று பொருத்தது போதும், நம்மால் முடியும்.
நவம்பர் 7 ம் தேதி அதற்கான அறிவிப்பை வெளியிடுவேன்.
நம் இயக்கத்தார் என்னுடனும், மக்களுடனும் தொடர்பு கொள்ள வசதியாக ஏற்பாடுகள் நடக்கின்றன.
தமிழகத்திற்கு கடமையாற்ற நினைப்பவர்களை இருகரம் கூப்பி வரவேற்கிறேன்.
தியாகமாக நினைத்து முன்வருபவர்கள் ஒதுங்கிக் கொள்ளுங்கள். அவர்கள் என்னை கடன்பட செய்வார்கள்.
இளைஞர்களை ஒருங்கிணைக்க வேண்டிய கடமையும் தேவையும் எனக்கு வந்து விட்டது.
நமது இயக்கத்துடன் இணைந்து பணியாற்ற தயாராக உள்ளோருடன் சேர்ந்து தமிழகத்துக்கு பலம் சேர்ப்போம். இவ்வாறு கமல் தெரிவித்துள்ளார்.
இதன் மூலம் தன் அரசியல் கட்சி பற்றிய அறிவிப்பை வருகிற நவம்பர் 7ஆம் தேதி அவரது பிறந்தநாளில் வெளியிடுவார் என எதிர்பார்க்கலாம்.