ஒரு இயக்குனரின் காதல் டைரி விமர்சனம்

ஒரு இயக்குனரின் காதல் டைரி விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : வேலு பிரபாகரன், பொன் ஸ்வாதி, சந்துரு, ரகுநாத், ஜெகா, சுரேஷ், ரம்யா, அகில் மற்றும் பலர்.
இயக்கம் : வேலு பிரபாகரன்
இசை : இளையராஜா
ஒளிப்பதிவாளர் : மணிவண்ணன்
எடிட்டர்: கேஸ்ட்ரோ
பி.ஆர்.ஓ. : நிகில் முருகன்
தயாரிப்பு : பி. சுரேஷ் கிருஷ்ணா

Oru-Iyakkunarin-Kadhal-Diary-Movie-Stills-15

கதைக்களம்…

ஒரு இயக்குனரின் காதல் டைரி என்று படத்தின் தலைப்பை பார்த்தாலே உங்களுக்கு புரிந்துவிடும். என்ன இதில் ஒரு சேஞ்ச் என்றால் ஒரு இயக்குனரின் காதல் டைரி என்று வைக்காமல் காமம் கலந்த காதல் டைரி என்று வைத்திருக்கலாம். (காமம் கலந்துதானே காதல் என விளக்கமும் படத்தில் கொடுத்திருக்கிறார் இயக்குனர்..)

தன்னுடைய குழந்தை பருவம், இளமை பருவம், முதுமை பருவம் என மூன்றையும் கலந்து சொல்லியிருக்கிறார் வேலு பிரபாகரன்.

அதில் காதல், காமம், நடிகை, அவளது உணர்ச்சி, அவளது உணர்வு, நடிப்பு, நாட்டியம் என அனைத்தையும் கலந்து கொடுத்திருக்கிறார்.

oru iyakkunarin kadhal diary movie stills

கேரக்டர்கள்…

குழந்தை பருவம், இளமை பருவம் என சிறிய சிறிய கேரக்டர்களில் பலர் இருந்தாலும் வேலுபிரபாகரன் மட்டுமே படத்தில் தெரிகிறார். மன்னிக்கவும் அவருடன் பொன் ஸ்வாதியும் நன்றாகவே தெரிகிறார்.

ஒவ்வொரு பருவத்திற்கும் சில நாயகிகளை பயன்படுத்தியிருந்தாலும், ஸ்வாதி மட்டுமே ரசிகர்களை கிறங்கடிக்கிறார்.

படத்தில் கதை என்பதை விட சதை மட்டுமே இருக்கிறது என்பதால் கதை பற்றி சொல்ல ஒன்றுமில்லை. ஆனால் ஒரு விஷயத்தை மட்டும் வேலு பிரபாகரன் உரக்கச் சொல்லியிருக்கிறார்.

oru iyakkunarin kadhal diary stills

ஒரு 10 வயது பையன், அவனின் பெற்றோர் முத்தமிடுவதை பார்த்துவிடுகிறான்.

அவனின் பார்வையில் அது தப்பாக தோன்றுகிறது. அதுபோல் அவனின் பெற்றோரும் குற்றச் உணர்ச்சியில் அவனை பார்க்க தயங்குகின்றனர்.

அயல் நாடுகளில் திருமணத்தின் போது மக்கள் மத்தியில் மணமக்கள் முத்தமிட்டு கொள்கின்றனர்.

அங்கே அது சர்வசாதாரணமாகிவிட்டது. ஆனால் இங்கே பெண்களை மறைத்து மறைத்து வாழ வைக்கின்றனர்.

எனவே மூடி மறைக்கப்பட்ட சேலையில் சதை தெரியாதா? என ஆண்கள் ஏங்குகின்றனர். இதனால் பாலியல் பலாத்காரம் நடக்கிறது.

பொத்தி பொத்தி வைப்பதால், ஆர்வம் ஆசை அதிகமாகி அந்த காமம் தலைக்கேறி விடுகிறது.

ஐ லவ் யூ ன்னு ஒருத்தன் சொன்னாலே நான் உன்னுடன் உடலுறவு கொள்ள சம்மதிக்கிறேன். உனக்கு சம்மதமா? என்று அர்த்தம் என கூறுகிறார்.

காதல் என்பது தனியாக இல்லை. அது காமம் கலந்த கலவை என பாடமும் நடத்தியிருக்கிறார்.

Oru-Iyakkunarin-Kadhal-Diary-Movie-Stills-25

எனவே பாலியல் மற்றும் செக்ஸ் பற்றிய விழிப்புணர்வு தேவை. பள்ளிகளில் செக்ஸ் விழிப்புணர்வு கல்வி வேண்டும் என சொல்லி முடிக்கிறார்.

அத்துடன் பெண்கள் மீதுள்ள மோகத்தால், இப்படி வழிமாறியது என பயணம். என அவரது காம லீலைகளை அரங்கேற்றமும் செய்துவிடுகிறார்.

பெரும்பாலானவர்களின் மனதில் காம ஆசை இருக்கிறது. அவர்கள் சமுதாயத்திற்காக மூடி மறைத்து நடித்துக் கொண்டு இருக்கின்றனர்.

மேலும் காம கலைகள் அதனை சார்ந்ந ஓவியங்கள் என அனைத்தையும் கலந்து தந்திருக்கிறார்.

இளையராஜாவின் பாடல்களும் பின்னணி இசையும் படத்திற்கு நன்றாகவே கைகொடுத்திருக்கிறது.

முக்கியமாக மணிவண்ணனின் ஒளிப்பதிவு படத்தை மேலும் ரசிக்க வைக்கிறது. (ஹி…ஹி…ஹீ..)

ஒரு இயக்குனரின் காதல் டைரி… பிடித்தவர்கள் பிரித்து படிக்கலாம்

7 நாட்கள் விமர்சனம்

7 நாட்கள் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : சக்திவாசு, கணேஷ் வெங்கட்ராம், நிகிஷா பட்டேல், பிரபு, எம்எஸ் பாஸ்கர், அங்கனா ராய், நாசர், சின்னி ஜெயந்த், தேவதர்ஷினி, ராஜுவ் கோவிந்த பிள்ளை மற்றும் பலர்.
இயக்கம் : கௌதம் விஆர்
இசை : விஷால் சந்திரசேகர்
ஒளிப்பதிவாளர் : எம்எஸ் பிரபு
எடிட்டர்: ராஜீ
பி.ஆர்.ஓ. : ரியாஸ் கே அஹ்மது
தயாரிப்பு : கார்த்திக் மற்றும் கார்த்திகேயன்

7 naatkal sakthi ganesh venkatram

கதைக்களம்…

சக்தி, நிகிஷா படேல் இருவரும் ஒரு அடுக்குமாடி குடியிருப்பில் வசிக்கின்றனர். எதற்கெடுத்தாலும் மோதிக் கொள்ளும் கேரக்டர்கள் இவர்களுடையது.

ரேடியோவில் ஆர்.ஜே-வாக சக்தி பணிபுரிய, டிவியில் ரிப்போர்ட்டராக இருக்கிறார் நிகிஷா. இந்த டிவி நிறுவனத்தைதான் பிரபு நிர்வகிக்கிறார்.

பிரபுவுக்கு இருமகன்கள். ராஜுவ் கோவிந்த பிள்ளை சொந்த மகன். கணேஷ் வெங்கட்ராம் வளர்ப்பு மகன். இதில் கணேஷ் சைபர் கிரைம் பிரிவில் போலீஸ் அதிகாரியாக இருக்கிறார்.

இவர்களை சுற்றிதான் கதை நகருகிறது.

பிரபு மகன் ராஜீவ் ஒரு ப்ளேபாய். இவரால் சில பெண்கள் கொல்லப்பட, இதனைத் தொடர்ந்து பிரபுவுக்கு ஒரு மிரட்டல் போன்கால் வருகிறது.

அதற்கு ஆதாரமான ஒரு டிவிடி நிகிஷாவிடமும் மற்றும் ஒரு கடிதம் சக்திவிடமும் அவர்களுக்கு அறியாமலே வந்து சேர்கிறது.

இதனை அறிந்துக் கொண்ட வில்லன் கும்பல் இவர்களைத் துரத்துகிறது. இது தெரியாமல் ஓடும் சக்தி மற்றும் நிகிஷா என்ன செய்தார்கள்? அந்த ஆதாரங்களை வைத்துக் கொண்டு அவர்கள் கொலையாளியை கண்டு பிடித்தார்களா? என்பதே இதன் க்ளைமாக்ஸ்.

7 naatkal sakthi nikesha

கேரக்டர்கள்..

சக்தி தனக்கு கொடுத்த வேலையை சரியாக செய்திருக்கிறார். எதற்காக ஓடுகிறோம், யார் அவர்கள்? என தெரியாமல் குழம்பி நிற்பது ரசிக்க வைக்கிறது. ஆக்ஷன் காட்சிகள் கொடுத்திருக்கலாம்.

கணேஷ் வெங்கட்ராம் மிடுக்கான சைபர் கிரைம் ஆபிசர். படம் முழுவதும் சால்ட் அண்ட் பெப்பர் லுக், கோட் சூட் துப்பாக்கி என வித்தியாசமான கெட்டப்பில் ரசிக்க வைக்கிறார்.

நிகிஷா பட்டேல் நடிப்பில் நல்ல தேர்ச்சி. ரொமான்ஸ் காட்சிகள் இல்லாதது பெரும் குறை. இவர் மேக்-அப்பையும் உடலையும் கொஞ்சம் குறைத்தால் ரசிகர்களை இன்னும் அதிகம் கவரலாம்.

அங்கனா ராய் மற்றும் ராஜுவ் நம் கவனத்தை ஈர்க்கிறார்கள்.

பிரபு, நாசர், எம்எஸ் பாஸ்கர், சின்னி ஜெயந்த் உள்ளிட்ட அனுபவமிக்க நடிகர்கள் இருந்தாலும் அவர்களது கேரக்டர்களின் அழுத்தமில்லை.

படத்தில் நாய் கேரக்டர் வாய்ஸ் சில இடங்களில் ரசிக்க வைக்கிறது.

7-Naatkal

தொழில்நுட்ப கலைஞர்கள்…

எம்.எஸ்.பிரபுவின் ஒளிப்பதிவு தரமாகவும், விஷால் சந்திரசேகரின் பின்னணி இசை படத்திற்கு பலம் சேர்க்கிறது.

ஒரு த்ரில்லர் கதையை தன்னால் முடிந்த வரை சிறப்பாக விறுவிறுப்பாக கொண்டு சென்றிருக்கிறார் டைரக்டர் கவுதம். வி.ஆர்.

க்ளைமாக்ஸில் நிறைய ட்விஸ்ட் செய்திருப்பது புத்திசாலித்தனம். ஆனால் அந்த ட்விஸ்ட்க்கு முன்பே படத்தின் நீளத்தை குறைத்தால் இந்த 7 நாட்கள் ரசிகர்கள் கவனத்தை அதிகம் பெறும்.

`7 நாட்கள்’ ஒரு வார த்ரில்லர்

ஒரு கிடாயின் கருணை மனு

ஒரு கிடாயின் கருணை மனு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கதைக்களம்…

காலம் கடந்து தன் பேரன் விதார்த்துக்கு திருமணம் நடக்கிறது.

எனவே பாட்டி, தன் பேரன் மற்றும் அவனது மனைவி ரவீனா ஆகியோருடன் புறப்பட்டு தங்கள் குலதெய்வம் கோயிலுக்கு சென்று ஒரு ஆட்டை பலி கொடுக்க புறப்படுகின்றனர்.

கோயிலை நெருங்கும் இடத்தில் ஒரு விபத்து. லாரியில் ஒருவன் விழுந்து இறந்துகிடக்கிறார்.

ஆனால் அந்த லாரியை ஓட்டியது ட்ரைவர் இல்லை. இந்த புது மாப்பிள்ளைதான் என்பது அவர்களுக்கு அப்போதுதான் தெரிகிறது.

எனவே, தங்கள் வீட்டு பையனை காப்பாற்ற அந்த குடும்பம் திட்டமிடுகிறது.

அதன்பின், அவர்கள் என்ன செய்தார்கள்? சட்டத்தில் இருந்து தப்பித்தார்களா? என்ன ஆனது என்பதை உணர்வுகளுடன் காட்சிகளாக கொடுத்துள்ளார் அறிமுக இயக்குனர் சுரேஷ் சங்கையா.

DBEhe6aVwAAq5gF

கேரக்டர்கள்…

விதார்த்துக்கு இது ஒரு வித்தியாசமான கேரக்டர்தான். அவரும் தன் நடிப்பை அப்படியே செய்துள்ளார்.

டப்பிங் ஆர்ட்டிஸ்ட் ரவீனா. அழகான குடும்ப பாங்கான முகம். ரசிக்க வைக்கிறார்.

படத்தில் வரும் கேரக்டர்கள் அனைத்தும் அந்த கிராமத்து மனிதர்களாகவே வாழ்ந்திருக்கிறார்கள்.

ஒரு வக்கீல், எப்படியெல்லாம் பணம் சம்பாதிக்க, ஒரு வழக்கை மாற்றுவார். சின்ன பிரச்சனையை எப்படி பெரிதாக்குவார்? என்பதை ஜார்ஜ் கேரக்டர் உணர்த்தும்.

DBUNwxeUAAEo9nK

தொழில்நுட்ப கலைஞர்கள்...

இந்த உணர்புப்பூர்வமான கதைக்கு வி.குருநாதன், சுரேஷ் சங்கைய்யாவின் சுவாரஸ்யமான டயலாக்குகள் பெரும் பலம் சேர்க்கிறது.

இசையமைப்பாளர் ரகுராமின் பின்னணி இசையும், பாடலாசிரியர்கள் வேல்முருகன், குருநாதனின் “தனியாக கிடந்தேன் இதுவரை நானாக….” உள்ளிட்ட பாடல் வரிகளும் ரசிக்க வைக்கிறது.

ஒளிப்பதிவாளர் ஆர்.வி.சரண் அசத்தியுள்ளார். அந்த ஆட்டின் கண் வழியே தன் கேமராவை வைத்து, அதன் வழி சொல்லும் கதை சூப்பர்.

எல்லா கேரக்டர்களையும் அறிமுகம் செய்யும் விதமும் முதல் பத்து நிமிடம் ஒளிப்பதிவும் அருமை.

மனித உயிர்கள் மட்டுமல்ல. இறைவன் படைத்த எல்லா உயிரும் ஒன்றுதான். என்பதை நமக்கு உரைக்கும்படி சொன்ன இயக்குனர் சுரேஷ் சங்கய்யாவை எவ்வளவு வேண்டுமானாலும் வாழ்த்தலாம்.

“ஒரு கிடாயின் கருணை மனு’ – மனசுக்கு பிடித்த மனு

போங்கு விமர்சனம்

போங்கு விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : நட்ராஜ் (நட்டி), ருஹி சிங், அதுல் குல்கர்னி, ‘முண்டாசுபட்டி’ ராம்தாஸ், அர்ஜுன், ஷரத் லோகித்தஷ்வா, ராஜன், மனிஷா, ‘பாவா’ லட்சுமணன், மயில்சாமி, சாம்ஸ் மற்றும் பலர்.
இயக்கம் : தாஜ்
இசை : ஸ்ரீ என்ற ஸ்ரீகாந்த் தேவா (பாடல்கள் மட்டும்)
ஒளிப்பதிவாளர் : மகேஷ் முத்துசாமி,
எடிட்டர்: கோபிகிருஷ்ணா
சண்டை பயிற்சி – சுப்ரீம் சுந்தர்
நடனம் – கல்யாண், பாப்பி,
பி.ஆர்.ஓ. : மௌனம் ரவி
தயாரிப்பு : ராஜரத்தினம், ஸ்ரீதரன்

bongu-movie-press meet


கதைக்களம்…

ஆந்திராவில் உள்ள காஸ்ட்லி கார் நிறுவனத்தில் நட்டி நடராஜ், ரூஹி சிங், அர்ஜுனன் ஆகியோர் வேலை செய்கின்றனர்.

இவர்கள் பணி புரியும் கம்பெனியில் இருந்து Rolls-Royce (ரோல்ஸ் ராய்ஸ்) காரை வாங்கி தன் மகளுக்கு பரிசளிக்க விரும்புகிறார் ஒரு அமைச்சர்.

நட்ராஜ், அர்ஜுனன் இருவரும் காரை டெலிவரி செய்ய செல்லும்போது, சிலர் இவர்களை அடித்துவிட்டு, அந்த காரை கடத்திச் செல்கின்றனர்.

இதனால் திருட்டு பழி இவர்கள் மீது விழ, வேலையை விட்டு நீக்கப்படுகின்றனர்.

இதனால் எங்கு சென்றாலும் வேலையில்லாமல் தவிக்கும் இவர்கள், கார் திருடும் பணியை மேற்கொள்கின்றனர்.

இதனால் நிறைய பணம் கிடைக்கிறது. ஒரு சூழ்நிலையில் இவர்களால் ஏமாற்றப்பட்ட முனிஸ்காந்தும் இவர்களுடன் இணைகிறார்.

bongu shooting stills

ஒரு முறை மதுரை தாதாவான சரத் லோகித்ஸ்வாவிடம் உள்ள 10 சொகுசு கார்களை திருட இவர்களுக்கு ஆர்டர் வருகிறது.

அதற்கான ப்ளானில் இவர் ஈடுப்படும்போது, இவர்கள் பறிகொடுத்த Rolls-Royce (ரோல்ஸ் ராய்ஸ்) கார் ஒரு இடத்தில் இருப்பதும், அதன் பின் நடந்த ஒரு கொலையும் தெரிய வர, மிகப்பெரிய திட்டம் போடுகிறார் நட்டி.

அந்த திட்டம் என்ன? தாதாவை வென்று காரை அட்டைய போட்டாரா? இவர்கள் மீது சுமத்தப்பட்ட திருட்டு பட்டம் போனதா? என்பதே இந்த போங்கு.

Bongu-Movie-Stills

கேரக்டர்கள்…

தனக்கு மிகவும் பரிச்சயமான ‘சதுரங்க வேட்டை’ கதைதான் என்பதால் புகுந்து விளையாடியிருக்கிறார் நட்டி.

நட்டியின் ஸ்டைலிஷ் லுக், படபட பேச்சு, அள்ளும் ஆக்ஷன் இவரது நடிப்பை ரசிக்க வைக்கிறது.

அழகான காஸ்ட்லி காருடன் ரூஹி சிங்கும் அழகாக வந்து செல்கிறார். அரைகுறை ஆடைகளில் கிக் ஏற்றுகிறார்.

படம் முழுக்க வரும் கேரக்டரில் அர்ஜுனன். நிறைவான கேரக்டர்.

முண்டாசுப்பட்டி முனிஸ்காந்த் அவருடைய ஸ்டைலில் சிரிக்க வைக்கிறார்.

காமெடி நடிகர் சாம்ஸ்க்கு சில காட்சிகள்தான். ஆனால், அதிலும் சிரிக்க வைத்து கிக்ஸர் அடிக்கிறார்.

சரத் லோகித்ஸ்வா தன்னுடைய மிரட்டல் பாணியை இதிலும் சிறப்பாக செய்துள்ளார்.

ஸ்பெஷல் போலீஸாக அதுல் குல்கர்னி. நேர்த்தியான நடிப்பு. மயில்சாமி வந்து போகிறார்.

Bongu-Movie-Stills-9

தொழில்நுட்ப கலைஞர்கள்…

மகேஷ் முத்துச்சாமியின் ஒளிப்பதிவில் சேசிங் காட்சிகள் ரசிக்க வைக்கிறது.

போங்கு போங்கு பாடல் படு ஸ்பீட். மற்ற பாடல்கள் தேவையா? என்னுமளவுக்கு படத்தின் வேகத்தை குறைக்கிறது.

பின்னணி இசையே கூடுதல் பலத்தை கொடுக்கிறது.

காரை திருடும்போது, சிசிடிவி கேமராவை லாக் செய்வது, போன்றவை லாஜிக் மீறலாக உள்ளது.

கார் திருடும் கதையை வேகமாக கொடுத்திருக்கிறார் இயக்குநர் தாஜ். ஆனால் ரோல்ஸ் ராய்ஸ் காரை திருடும் திட்டம் பயங்கரமாக உள்ளது.

ஆனால் எப்படி திருடினார்கள் என்பதை வாம்மா மின்னல் என்ற ரகத்தில் சொல்லி முடித்திருப்பதை தவிர்த்திருக்கலாம்.

‘போங்கு’… நட்டிக்கு ஏற்ற ‘நச்’ ஸ்டோரி

முன்னோடி விமர்சனம்

முன்னோடி விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : ஹரிஷ், அர்ஜீனா, யாமினி பாஸ்கர், சித்தாரா, பாவெல், ஷிஜாய் வர்கீஸ் மற்றும் பலர்.
இயக்கம் : எஸ்பிடிஏ குமார்
இசை : பிரபு ஷங்கர்
ஒளிப்பதிவாளர் : வினோத் ரத்னசாமி,
எடிட்டர்: சுதா
பி.ஆர்.ஓ. : ஜான்
தயாரிப்பு : ஸ்வஸ்திக் நிறுவனம்

Munnodi 2

கதைக்களம்…

ஒரு விபத்தில் இருந்து வில்லன் அர்ஜுனாவை காப்பாற்றுகிறார் ஹீரோ ஹரிஷ்.

இதனால் அவரை தன் தம்பி போல பார்த்துக் கொள்கிறார் அர்ஜுனா. (இதனால் இவரது மனைவி சுஜா வருணியின் தம்பி பாவலுக்கு கோபம் என்பது தனி ட்ராக்)

தன் அம்மா சித்தாரா தன்னைவிட தன் தம்பியின் மேல் பாசமாக இருப்பதால், அதனை வெறுக்கும் ஹரிஷ், வில்லன் உடன் இருப்பதையே விரும்புகிறார்.

ஒரு சூழ்நிலையில், தன் தம்பிக்கு இருக்கும் நோய் பற்றி இவருக்கு தெரிய வர, குடும்பத்துடன் ஒன்ற நினைத்து, வில்லனிடம் இருந்து விலக நினைக்கிறார்.

இதனால் வில்லனுக்கும் இவருக்கும் மோதல் வருகிறது.

இதே நேரத்தில் இந்த கும்பலை என் கவுண்டர் செய்ய காத்திருக்கிறார் ஏசிபி ஷிஜாய் வர்கீஸ்.

திருந்த நினைக்கும் ஹரிஷ் முழுமையாக திருந்தினாரா? அல்லது வில்லனால் தீர்த்துக் கட்டப்பட்டாரா? என்கௌண்டர் செய்யப்பட்டாரா? என பல திருப்பங்களுக்கு விடை சொல்லும் விதமாக முடிகிறது இந்த முன்னோடி.

munnodi jodi

கேரக்டர்கள்…

அறிமுக நாயகன் ஹரிஷுக்கு இதை விட ஒரு பவர்புல் கேரக்டரை எந்த இயக்குனரும் தரமுடியாது எனலாம். முதல் படத்திலேயே ஆக்ஷன், பாசம், காதல், நட்பு என அனைத்தையும் மிக்ஸ் செய்துள்ள ஒரு கேரக்டர். நடிப்பிலும் பெரிதாக குறையில்லை.

வெறுமனே நாயகியாக இல்லாமல் கதைக்கு உதவும் நாயகியாக நடித்துள்ளார் யாமினி பாஸ்கர்.

கங்காரு படத்தில் ஹீரோவாக நடித்த அர்ஜீனா இதில் வில்லன். இவர் செகன்ட் ஹீரோ என்பது போல அதிகம் ஸ்கோர் செய்துள்ளார்.

அதிலும் குப்பைத் தொட்டி உள்ளே இருந்துக் கொண்டு அர்ஜீனா மோதும் காட்சிகள் அனல் தெறிக்கும்.

ஸ்டண்ட் மாஸ்டர் டேஞ்சர் மணி நிஜமாலுமே டேஞ்சர்தான் போல.

அர்ஜீனாவும் ஹரிஷும் போலீஸ் ஸ்டேஷன் செல்லும் காட்சி தளபதி படத்தை நினைவுப்படுத்தும். (பின்னணி இசை கூட அதுபோலவே தோன்றும்)

munnodi sithara

ஏ.சி.பி சௌந்திரபாண்டியனாக மலையாள நடிகர் ஷிஜாய் வர்கீஸ். 3வது ஹீரோவாக தென்படுகிறார். மலையாள பாஷை என்றாலும் நடிப்பில் மகிழ்ச்சி தருகிறார்.

நெல்லை தமிழ் பேசி மிரட்டி தன் கேரக்டரை பளிச்சிட செய்துள்ளார் பாவல்.

இவர்களுடன் சுஜா வாருணி, அம்மா சித்தாரா, தம்பி கேரக்டர் மற்றும் நண்பர்கள் ஓகே.

munnodi mutta kari song

தொழில்நுட்ப கேரக்டர்கள்…

வினோத் ரத்னசாமியின் ஒளிப்பதிவும், பிரபு சங்கரின் இசையும் படத்திற்கு ப்ளஸ்.

பிரபுசங்கரின் இசையில் முட்டகறி பாடல் அதிரடி ஆட்டம்.

அக்கம் பக்கம் பாடலில் ஆட்டத்தை பார்ப்பதா? கிராபிக்ஸை பார்ப்பதா? என படத்தை இன்னொரு முறை பார்க்க செய்துவிடுவார் டைரக்டர்.

காதல் காட்சிகள் மற்றும் நட்பு காட்சிகள் படத்தின் வேகத்தை குறைக்கிறது. எடிட்டர் சுதா கொஞ்சம் உஷாராக இருந்திருக்கலாம். (இப்போது கூட வெட்டினாலும் படத்திற்கு பலம்தான்)

செம்பட்டை என்ற ஒரு கேரக்டரை கூலிப்படை கொலை செய்யும் காட்சிகள் மிரட்டல். (ஆனால் இதை கொலைக்காரர்கள் கற்றுக் கொள்ளாமல் இருக்க வேண்டும்)

munnodi stills

இயக்கம் பற்றிய அலசல்…

வெறும் கொலை, பழிவாங்கல் என்றில்லாமல், குடும்ப பாசத்தையும் தந்துள்ள எஸ்.பி.டி.ஏ.குமாரை பாராட்டலாம்.

எவரிடமும் உதவி இயக்குனாராக வேலை செய்யாமல், படத்தை ரசிக்கும் வகையில் கொடுத்திருப்பது ஆச்சரியம்தான்.

கதை மீதும் தன் மீதும் நம்பிக்கை வைத்து களம் இறங்கியுள்ளார் எஸ்பிடிஏ குமார். அறிமுக படமே அவருக்கு அப்ளாஸை அள்ளிக் கொடுக்கும்.

குற்றம் செய்பவர்கள் எவ்ளவோ பேர் வெளியில் இருக்க, திருந்த நினைக்கும் ஒரு குற்றவாளி நன்றாக இருந்துட்டு போகட்டும் என்ற பன்ச் சூப்பர். க்ளைமாக்ஸ் எதிர்பாராத ட்விஸ்ட்.

முன்னோடி… அனுபவமில்லாத இயக்குநர்களுக்கு டைரக்டர் குமார் முன்னோடிதான்

தொண்டன் விமர்சனம்

தொண்டன் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : சமுத்திரக்கனி, சுனைனா, விக்ராந்த், அர்த்தனா, தம்பிராமையா, சூரி, கஞ்சா கருப்பு, வேல ராமமூர்த்தி, நமோ நாராயணன், சவுந்திர ராஜா மற்றும் பலர்.
இயக்கம் : சமுத்திரக்கனி
இசை : ஜஸ்டின் பிரபாகரன்
ஒளிப்பதிவாளர் : ஏகாம்பரம், ரிச்சர்ட் நாதன்,
எடிட்டர்: ஏஎல் ரமேஷ்
பி.ஆர்.ஓ. : நிகில் முருகன்
தயாரிப்பு : மணிகன்டன்

Thondan-Press-Meet-Stills

கதைக்களம்…

சமுத்திரக்கனி, விக்ராந்த், கஞ்சா கருப்பு ஆகியோர் ஆம்புலன்ஸில் பணி புரிகின்றனர்.

அதே கிராமத்தில் பணிபுரியும் ஆசிரியை சுனைனா, சமுத்திரக்கனியை காதலிக்க, சமுத்திரக்கனியின் தங்கை அர்த்தனா விக்ராந்தை காதலிக்கிறார்.

ஒரு முறை நாமோ நாராயணனின் தம்பி சௌந்தரராஜாவை ஆம்புலன்ஸில் கொண்டு செல்லும்போது, அவர் இறக்க நேரிடுகிறது.

முன்விரோதம் காரணமாக சமுத்திரக்கனி இப்படி செய்துவிட்டார், என நமோ நாராயணன் போலீசில் புகார் கொடுக்கிறார்.

மேலும், தான் கொல்லும் ஆட்களை எல்லாம், சமுத்திரக்கனி தன் ஆம்புலன்ஸில் வேகமாக கொண்டு சென்று காப்பாற்றும் சமுத்திரக்கனியின் குடும்பத்தை அழிக்க நினைக்கிறார்.

அவரின் சதித்திட்டங்களை எப்படி ஹீரோ முறியடித்தார்? என்பதை விறுவிறுப்பாக கொண்டு செல்கிறார் இந்த தொண்டன்.

thondan paiyan
கேரக்டர்கள்…

தனக்கு ஏற்ற மாதிரி ஒரு கதையை உருவாக்கி, அதில் தன்னை நன்றாகவே பொருத்தியிருக்கிறார் சமுத்திரக்கனி.

தன்னால் முடிந்தவரை எவ்வளவு முடியுமோ அந்தளவு சமூக அவலங்களை சாடியிருக்கிறார். வாடிவாசல் முதல் நெடுவாசல் வரை அனைத்தையும் தொட்டு இருக்கிறார்.

80க்கும் மேற்பட்ட காளைகள் பெயரை சொல்லும் காட்சிகள் மெய்சிலிர்க்கும்.

சுனைனா அழகாக அம்சமாக வருகிறார். கருவில் இருக்கும் குழந்தை இறக்கும் காட்சியில் தாய்மைக்கான வலியை வெளிப்படுத்தியுள்ளார்.

அறிமுக நாயகி அர்த்தனா நிறையவே ஸ்கோர் செய்கிறார். தங்கை, காதலி, கல்லூரியில் படிக்கும் பெண் என அனைத்திலும் ஜொலிக்கிறார்.

இரண்டாவது ஹீரோவாக விக்ராந்த். தனக்கான பணியை சிறப்பாக செய்துள்ளார்.

ஆனால் முகத்தை எப்போதுமே சீரியஸாகவே வைத்திருக்கிறாரே? அது ஏன் ப்ரோ? கொஞ்சம் சிரிக்கலாமே பாஸ்.

இவர்களுடன் நமோ நாராயணன், கஞ்சா கருப்பு, ஞானசம்பந்தன், வேல ராமமூர்த்தி, சவுந்திர ராஜா, நஷாத் ஆகியோர் நிறைவாக செய்துள்ளனர்.

10 நிமிடங்கள் மட்டுமே வரும் சூரி மற்றும் தம்பி ராமையா ஆகியோர் சீரியஸ் படத்தை கொஞ்சம் ரிலாக்ஸ் செய்ய வைக்கின்றனர்.

Thondan-Movie-photos

தொழில்நுட்ப கலைஞர்கள்…

பெரும்பாலும் ஜஸ்டின் பிரபாகரனின் பாடல்கள் பெரிதாக பாராட்டப்படும். இதில் பாடல்கள் நன்றாக இருந்தபோதிலும், அதனை விட பின்னணி இசையில் விளாசியிருக்கிறார்.

பின்னணி இசையில் ஆம்புலன்ஸ் சேஸிங் காட்சிகள் மிரட்டல்.

ஒளிப்பதிவாளர்கள் ஏகாம்பரம், ரிச்சர்ட் நாதன் ஆகியோர் படத்தை ரசிக்கும்படியாக காட்சிகளை அமைத்துள்ளனர்.

thondan movie still

இயக்குனர் பற்றிய அலசல்…

டைட்டில் போடும்போதே ஜல்லிக்கட்டு போராட்ட மாணவர்களுக்கு நன்றி சொல்லி படத்தை இனிதே ஆரம்பிக்கிறார் சமுத்திரக்கனி.

ஒரு ஆம்புலன்ஸ் வேலை என்றாலும், அதற்கும் நிறைய பயிற்சிகள், முதலுதவிகள் உள்ளது என்பதை காட்சிகளாக காட்டியிருப்பது அருமை.

நிறைய காட்சிகளில் ஓவர் அட்வைஸ் செய்கிறாரோ? என எண்ணத் தோன்றுகிறது. முக்கியமாக தன் தங்கையிடம் பிரச்சினை செய்த நண்பனிடம் அட்வைஸ் செய்யும் காட்சிகள்.

தங்கள் வகுப்பு மாணவியை ஒருவன் அடித்துவிட்டான் என்பதால் அந்த கல்லூரியே திரண்டு அவனை அடிப்பது, நிச்சயம் மாணவிகள் மத்தியில் விழிப்புணர்வை ஏற்படுத்தும்.

ஈவ்டீசிங் செய்ய நினைப்பவர்களும் இனி பயப்படுவார்கள்.

கெட்ட இளைஞர்களிடம் பெண்கள் படும் அவஸ்தையை ஒரு கல்லூரி காட்சியில் அருமையாக காட்டியுள்ளார்.

தொண்டன்… சமூகத்திற்கு வேண்டியவன்

More Articles
Follows