தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கடந்த சில மாதங்களாக அரசியல் பணிகளில் ஆர்வமாக இருந்தார் மக்கள் நீதி மய்யம் தலைவர் கமல்ஹாசன்.
சட்டமன்றத் தேர்தல் தோல்விக்கு பிறகு அவ்வப்போது ட்விட்டரில் அரசியல் கருத்துக்களை தெரிவித்து வருகிறார் கமல்.
எனவே மீண்டும் சினிமா பக்கம் தன் கவனத்தை திருப்பியுள்ளார் நடிப்பு உலக நாயகன்.
தற்போது கமல் கைவசம் ‘இந்தியன் 2, விக்ரம், தலைவன் இருக்கின்றான்’ ஆகிய படங்கள் உள்ளன.
இதற்கு முன்பே சபாஷ் நாயுடு என்ற படத்தை இயக்கி தயாரித்து நடித்தார். அது என்ன நிலைமையில் இருக்கிறது என்பது கமலுக்கே வெளிச்சம்.
‘தலைவன் இருக்கின்றான்’ படமும் நிலுவையில் உள்ளது.
கமலின் கனவுப் படமான ‘மருதநாயகம்’ படம் மர்மமாகவே உள்ளது.
இந்த நிலையில் இன்று ‘இந்தியன் 2’ படத்தை முடிக்காமல் வேறு படங்களை இயக்க ஷங்கருக்கு தடை விதிக்க முடியாது என கோர்ட் உத்தரவிட்டது.
எனவே இந்தியன் 2 படம் மீண்டும் தொடங்குவது கேள்விக்குறி தான்.
தற்போது லோகேஷ் கனகராஜ் இயக்கும் ‘விக்ரம்’ படத்தில் நடிக்கவுள்ளார் கமல்.
இதனையடுத்து வெற்றி மாறன் இயக்கத்தில் ஒரு படத்தில் கமல் நடிக்க போவதாக கூறப்படுகிறது.
இதை கோபுரம் பிலிம்ஸ் அன்புச் செழியன் தயாரிக்க உள்ளாராம்.
இதுகுறித்த அறிவிப்பு ஓரிரு நாளில் வெளியாகும் எனவும் சொல்லப்படுகிறது.
கூடுதல் தகவல்..: சூரியை வைத்து விடுதலை & சூர்யாவை வைத்து வாடிவாசல் படத்தை இயக்குகிறார் வெற்றிமாறன்.
இந்த இரு படங்களை முடித்ததும் கமல் படத்தை இயக்கலாம் வெற்றிமாறன்.
Ulaga Nayagan Kamal haasan movie updates