BREAKING ரஜினி எனக்கு சித்தப்பா.; விஜய் ரசிகன் நான்.. – சிவராஜ்குமார் ஓபன் டாக்

JUST IN ரஜினிக்காக ஒத்துக்கிட்டாங்க.; என் வெற்றியில் 50% அனிருத்துக்கு.. விஜய்தான் சொன்னாரு – நெல்சன் எமோஷன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘ஜெயிலர்’ படத்தின் இசை வெளியீட்டு விழா தற்போது சென்னை நேரு ஸ்டேடியத்தில் நடைபெற்றுக் கொண்டிருக்கிறது.

இந்த விழாவில் ரஜினி, ஜாக்கிசரஃப், சிவராஜ்குமார், ரம்யா கிருஷ்ணன், தமன்னா, யோகி பாபு, அனிருத், கலாநிதி மாறன் உள்ளிட்ட பலர் கலந்து கொண்டனர்.

இந்தப் படத்தின் இயக்குனர் நெல்சன் மேடை ஏறிப் பேசும்போது…

‘ஜெயிலர்’ படம் என் 4வது திரைப்படம். நான்கு படங்களை இயக்கி விட்டேன் எந்த படத்திற்கும் இசை வெளியீட்டு விழா நடைபெறவில்லை. இதுதான் என்னுடைய முதல் இசை விழா.

நான் இந்த படத்திற்காக நிறைய பேருக்கு நன்றி சொல்ல வேண்டும்.. எனக்கு கிடைத்த வெற்றியில் பாதி வெற்றி அனிருத்துக்கு தான் சேரும். அவரால் தான் இங்கு நிற்கிறேன். அவர்தான் எப்போதும் என்னை உற்சாகப்படுத்திக் கொண்டே இருப்பார்.

என்னுடைய கோலமாவு கோகிலா டாக்டர் ஆகிய படங்களை பார்த்து சிவராஜ்குமார் பாராட்டினார். உங்கள் படத்தில் ஏதாவது ஒரு சின்ன வேஷம் என்றாலும் என்னை அழையுங்கள். நான் வந்து நடித்துக் கொடுக்கிறேன் என்றார்.

இந்தப் படத்தில் நான் கேட்டதற்காக நிறைய நட்சத்திரங்கள் ஒப்புக்கொண்டனர். அவர்கள் கதைக்காக ஒத்துக் கொண்டார்களா என்பது தெரியாது.

ஆனால் ரஜினிக்காக ஒத்துக் கொண்டார்கள் என்பது எனக்குத் தெரியும்.

நான் யாருக்காகவும் பயப்பட மாட்டேன். ஆனால் கலாநிதிமாறனுக்கு பயப்படுவேன். நானும் சின்னத்திரையில் இருந்து வந்தவன் தான். அவர்தான் சின்னத்திரையை ஆட்சி செய்து கொண்டிருப்பவர்.

எனக்கு மாறன் சாரிடம் கதை சொல்ல கொஞ்சம் பயம்.. பீஸ்டு படத்தின் கதையை சொல்லும் போது கூட விஜய் இடம் இதை சொன்னேன்.

நான் சன் பிக்சர்ஸ் நிறுவனத்துடன் நிறைய படங்களை செய்ய ஆசைப்படுகிறேன். அவர்களும் இதையே நினைக்க வேண்டும்.

நான் முதன் முதலில் பார்த்த ரஜினி படம் ‘அண்ணாமலை’ படம் தான். அந்த போர்டு மீட்டிங் சிகரெட் பிடிக்கும் காட்சியில் தான் முதன் முதலில் தலைவரை பார்த்தேன்.

எனக்கு முதலில் ரஜினி அவர்களை சந்திக்க நம்பிக்கை வரவில்லை. பயம் இருந்தது. அப்போது விஜய் தான் போய் கதை சொல்லுயா நல்லா இருக்கும் என உற்சாகப்படுத்தி என்னை அனுப்பி வைத்தார்.

ஒரு நாள் கூட ஷூட்டிங் ஸ்பாட்டில் நெகட்டிவ் ஆக எதையும் சொல்லவில்லை ரஜினி.

என்னை சூட்டிங் தளத்தில் சார் என்று தான் அழைப்பார் ரஜினி சார்.. நான் என்னை சார் என்று அழைக்க வேண்டாம் என சொல்லிவிட்டேன். ஆனாலும் அப்படித்தான் அழைப்பார். மரியாதை என்ன என்பதை தலைவரிடம் கத்துக்கணும்.”

இவ்வாறு பேசினார் நெல்சன் திலீப்குமார்.

Nelson speaks about Rajini Vijay Anirudh at Jailer Audio launch

LIVE நெல்சா இந்தவாட்டி குறி மிஸ் ஆகாது.. தலைவர் நிரந்தரம்.; அனிருத் அசத்தல் பேச்சு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ரஜினிகாந்த் நடிப்பில் உருவாகியுள்ள ‘ஜெயிலர்’ படத்தின் இசை வெளியீட்டு விழா தற்போது சென்னை நேரு ஸ்டேடியத்தில் நடைபெற்றுக் கொண்டிருக்கிறது.

இந்த விழாவில் பாடகரும் இந்தப் படத்தின் இசையமைப்பாளருமான அனிருத் மேடை ஏறி பாடல்களை பாடி பேசினார்.

‘தலைவர் அலப்பறை என்ற பாடலை அவர் பாடும் போது அனைவரையும் எழுந்து நிற்கச் சொல்லி தான் பாட பாட ரசிகர்களை பாடச் சொல்லி உற்சாகப்படுத்தினார்.

ஹூக்கும்.. தலைவர் அலப்பறை என்ற பாடல் முடிந்த பின்னர் ரசிகர்கள் மீண்டும் ஒன்ஸ்மோர் கேட்டனர்.. எனவே அனிருத் மீண்டும் ரசிகர்களுக்காக பாடினார்.

அதன் பின்னர் அவர் பேசியதாவது….

தலைவர் மாஸ் ஏறிட்ட்டே இருக்கு.. எனவே பாடல்களிலும் மாஸ் ஏறிக்கிட்டே இருக்கும்.

ஆகஸ்ட் 10ஆம் தேதி தலைவர் அலப்பறை கிளப்புறோம்.. தலைவர் நிரந்தரம்..

காவலா… தலைவர் அலப்பறை… ஜூஜிபி என்ற ஒவ்வொரு பாடலாக வெளியிட்டுக் கொண்டே இருந்தோம்.. எனவே எங்களுக்கு ஓய்வே இல்லை.. இவையெல்லாம் தலைவரின் மீது நாங்கள் கொண்டு அன்பினால் தான்.. லவ் யூ தலைவா..

பின்னர் நெல்சன் குறித்து பேசும்போது..

“நெல்சா இந்த வாட்டி குறி மிஸ் ஆகாது என பொடி வைத்து பேசினார் அனிருத்.

இதற்கு முன்பு நெல்சன் இயக்கத்தில் விஜய் நடித்த ‘பீஸ்ட்’ படம் படுதோல்வியை சந்தித்தது குறிப்பிடத்தக்கது.

Anirudh mass speech about Rajini at Jailer Audio launch

JUST IN ரஜினி சார் உங்களுக்கு ஒரு மகன் இருந்தா அது அனிருத்தான் – விக்னேஷ் சிவன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ரஜினிகாந்த் நடிப்பில் உருவாகியுள்ள ‘ஜெயிலர்’ படத்தின் இசை வெளியீட்டு விழா தற்போது சென்னை நேரு ஸ்டேடியத்தில் நடைபெற்றுக் கொண்டிருக்கிறது.

இந்த விழாவில் இந்தப் படத்தில் பாடலை எழுதியுள்ள இயக்குனர் விக்னேஷ் சிவன் கலந்து கொண்டு பேசினார்.

அவர் பேசும்போது…

” என் வாழ்க்கையில் மிகப்பெரிய மான சந்தர்ப்பங்களை வாய்ப்புகளை நான் அனிருத் மூலமாக தான் பெற்று வருகிறேன்

இன்று ஜூலை 28ஆம் தேதி.. என் அப்பாவின் நினைவு நாள்..

கடந்த 2022 ஜூலை 28ஆம் தேதி ஒலிம்பியாட் செஸ் நிகழ்ச்சி தொடங்கிய நாள். அன்று ரஜினிகாந்த் வந்திருந்தார்.

இன்று ‘ஜெயிலர்’ இசை விழா. இன்றும் தலைவர் என்னோடு இருக்கிறார் என்று எமோஷனலாக பேசினார்.

அதன் பின்னர் அனிருத்தை குறிப்பிட்டு விக்னேஷ் சிவன் பேசும்போது..

“ரஜினி சார் உங்களுக்காக நிறைய சிரமம் எடுத்து பாடல்களை போடுவார் அனிருத்.

உங்களுக்கு ஐஸ்வர்யா மற்றும் சௌந்தர்யா என இரண்டு மகள்கள் இருக்கிறார்கள். ஒருவேளை உங்களுக்கு ஒரு மகன் இருந்தால் அதுதான் அனிருத்.” என்று பேசினார் விக்னேஷ் சிவன்

Director Vignesh Shivan at Jailer Audio Launch

கமலை பெண்ணாக மாற்றி அழகு பார்க்கும் ஷங்கர்.; அடுத்த அவ்வை சண்முகி்.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கமல் நடிப்பில் உருவாகி வரும் ‘இந்தியன் 2’ படத்தை இயக்கி வருகிறார் ஷங்கர்.

இந்த படத்திற்காக ஏகப்பட்ட காட்சிகள் எடுத்துள்ள நிலையில் ‘இந்தியன் 3’ படமும் தயாராகி வருவதாக கூறப்படுகிறது. எனவே அந்த படத்தின் காட்சிகளையும் முடித்துவிட்டு தான் ‘இந்தியன் 2’ படத்தை ரிலீஸ் செய்ய ஷங்கர் திட்டமிட்டுள்ளார்.

அனிருத் இசையமைத்தவர் இந்த படத்தை லைகா நிறுவனம் மிகப் பிரமாண்டமாக தயாரித்து வருகிறது.

‘இந்தியன் 2’ அடுத்த ஆண்டு 2024 ஜனவரி மாதம் வெளியாகும் என கூறப்படுகிறது.

இதில் கமலுடன் சித்தார்த், பவானிசாகர் காஜல் அகர்வால் உள்ளிட்டோர் நடித்துள்ளனர்.

இந்த நிலையில் இந்தப் படத்தில் ஒரு சிறிய காட்சிக்காக கமலுக்கு பெண் வேடமிட்டுள்ளாராம் இயக்குனர் ஷங்கர்.

ஏற்கனவே கேஎஸ். ரவிக்குமார் இயக்கத்தில் ‘அவ்வை சண்முகி’ படத்திலும் ‘தசாவதாரம்’ படத்தில் கிருஷ்ணவேணி பாட்டியாகவும் கமல் நடித்திருந்தார் என்பது குறிப்பிடத்தக்கது.

Again Kamal done lady get-up in Indian 2

FDFS-ஐ ரசிகர்களுடன் பார்த்து ரசித்த சாக்‌ஷி தோனி & LGM Team

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கிரிக்கெட் வீரரான மகேந்திரா சிங் டோனியும், அவரது மனைவி சாக்ஷி சிங் டோனியும் இணைந்து ‘தோனி எண்டர்டெயின்மெண்ட்’ என்ற திரைப்பட தயாரிப்பு நிறுவனத்தின் மூலம் தமிழில் ‘எல்.ஜி.எம்’ (லெட்ஸ் கெட் மேரிட் (Lets Get Married-LGM)) என்ற திரைப்படத்தை தயாரித்துள்ளனர்.

இப்படத்தை ரமேஷ் தமிழ்மணி இயக்கியுள்ளார்.

இப்படத்தில் ஹரிஷ் கல்யாண், இவானா, நதியா, யோகி பாபு மற்றும் ஆர் ஜே விஜய் உள்ளிட்டோர் முக்கிய கதாபாத்திரத்தில் நடித்துள்ளனர்.

இப்படம் இன்று (ஜூன் 28) திரையரங்குகளில் ரசிகர்களின் ஆரவாரத்துடன் வெளியானது.

இந்நிலையில், தயாரிப்பாளரான சாக்ஷி சிங் டோனி ‘எல்.ஜி.எம்’ திரைப்படத்தின் முதல் காட்சியை சென்னை, ரோகிணி திரையரங்கில் ரசிகர்களுடன் பார்த்து ரசித்தார்.

சாக்ஷி சிங் டோனி உடன் ஹரிஷ் கல்யாண், இவானா உள்ளிட்டோர் கலந்து கொண்டனர்.

மேலும், அப்போது எடுக்கப்பட்ட புகைப்படம் தற்போது சமூக வலைத்தளங்களில் வைரலாகி வருகிறது.

Sakshi Dhoni & LGM Team enjoying FDFS with fans