தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ரஜினிகாந்த் அரசியலுக்கு வரக்கூடாது என சீமான் கடும் ஆட்சேபனை தெரிவித்து வருகிறார்.
சீமானின் பேச்சு நடிகர் லொள்ளு சபா ஜீவா தனது எதிர்ப்பை தெரிவித்து இருந்தார்.
இதனால் ஜீவாக்கு நாம் தமிழர் கட்சி தொண்டர்கள் சார்பாக கண்டனங்களும் போனில் மிரட்டல்களும் வந்துள்ளதாக கூறப்படுகிறது.
இதுகுறித்து ஜீவா தற்போது கூறியுள்ளதாவது…
மரியாதைக்குரிய அண்ணன் சீமான் அவர்களுக்கு… சில தினங்களுக்கு முன்பு கபாலி படத்தின் சம்பளத்தை கணக்கு காட்ட ரஜினிகாந்த் அவர்களால் முடியுமா என்று நீங்கள் கேட்டதற்கு, உங்கள் கட்சிக்கு வரும் பணத்திற்கு உங்களால் கணக்கு காட்டமுடியுமா என்று ஒரு ரசிகனாக தலைவர் திரு.ரஜினிகாந்த அவர்களின் ஆதரவாளராக நான் எனது கருத்தைப் பதிவிட்டிருந்தேன்.
அது முதல் உங்கள் நாம் தமிழர் கட்சி ஆதரவாளர்கள் சிலர் தொலைபேசியில் என்னை தொடர்புகொண்டு பேசிவருகிறார்கள் அதில் சிலர் தவறாகவும் மரியாதைக்குறைவான வார்த்தைகளில் பேசுவது வருத்தமளிக்கிறது. இது தமிழர் பண்பாடும் அல்ல.
ஆகையால் உங்களின் சில தம்பிகளுக்கு நீங்கள் விமர்சனங்களை பொது மேடையில் விவாதிப்பது மட்டுமே அரசியல் நாகரீகம் என்பதை சொல்லுங்கள் என அன்புடன் கேட்டு கொள்கிறேன்’ என்று குறிப்பிட்டுள்ளார்.