தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழர்களையும் தமிழ் சினிமாவையும் எப்போதும் பிரித்துப் பார்க்க முடியாது.
தமிழக மக்களின் வாழ்வியலோடும் அரசியலோடும் தமிழ் சினிமா எப்போதுமே கலந்து ஒன்றோடு ஒன்றாக பயணித்து வருகிறது.
பல அரசியல் கட்சித் தலைவர்களையும் தமிழ் சினிமா உருவாக்கியுள்ளது. மேலும் தமிழகத்தை ஆண்ட எம்ஜிஆர் கருணாநிதி ஜெயலலிதா ஆகியோர் திரைத்துறைக்கு தங்களது பெரும் பங்களிப்பையும் செய்துள்ளனர்.
மேலும் தமிழ் சினிமாவில் ரஜினி – கமல் முதல் இன்று வளர்ந்து வரும் நடிகர்கள் ஒரு வசனத்தை பேசினால் அதை அரசியலோடு கலந்தே மக்கள் ரசித்து வருகின்றனர்.
எனவே தங்களின் அன்றாட வாழ்வோடு சினிமாவுக்கும் பெரும் முக்கியத்துவம் கொடுப்பதில் தமிழர்களுக்கு நிகர் இல்லை.
மக்களின் ஆர்வத்தால் நிறைய திரைப்படங்களும் திரை கலைஞர்களும் உருவாகி வருகின்றனர்.
திரையரங்கில் சினிமா டிக்கெட்டுக்கு அதிக கட்டணம் வசூலிக்கப்பட்டாலும் தரமான படங்களை ஆதரித்து வருகின்றனர்..
மேலும் முதல் நாள் முதல் காட்சிக்கு ரூ 1000, 2000 வரை செலவு செய்து படங்களை பார்த்து வருகின்றனர் ரசிகர்கள்.
இந்த நிலையில் தமிழகத்தில் திரையரங்க அனுமதி கட்டணத்தில் திருத்தம் வர உள்ளதாக தகவல்கள் வந்துள்ளன.
மேலும் காலை 8 மணி முதல் நள்ளிரவு 2 மணி வரை 5 காட்சிகள் திரையிட அனுமதி அளிக்க திட்டமிட்டுள்ளதாகவும் சொல்லப்படுகிறது.
Revision in cinema ticket prices.; 8AM and 2AM night show allowed