தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சன் பிக்சர்ஸ் தயாரிப்பில் சிவா இயக்கத்தில் நடித்து வருகிறார் ரஜினிகாந்த்.
இமான் இசையமைத்து வரும் இந்த படத்திற்கு தற்காலிகமாக தலைவர் 168 என்று தலைப்பு வைத்துள்ளனர்.
இதில் ரஜினியுடன் குஷ்பு, மீனா, கீர்த்தி சுரேஷ், பிரகாஷ் ராஜ், சூரி, சதீஷ் உள்ளிட்டோர் நடித்து வருகின்றனர்.
அண்மையில் இதன் சூட்டிங் ஸ்பாட்டில் தேசிய விருது பெற்றமைக்காக கீர்த்தி சுரேஷ்க்கு கேக் ஊட்டி பாராட்டு தெரிவித்திருந்தார் ரஜினி.
இப்பட சூட்டிங் தற்போது ஹைதராபாத்தில் நடந்து வருகிறது.
இது கிராமத்து கதை என்பதால் மதுரை மாநகரம் போல செட் போட்டு எடுத்து வருகிறார்களாம்.
இப்படத்தின் தலைப்பு என்னவாக இருக்கும் என ரஜினி ரசிகர்கள் காத்துகிடக்கின்றனர்.
பெரும்பாலும் ரஜினி பட சூட்டிங் ஆரம்பிக்கும் முன்பே அப்பட தலைப்பை அறிவிப்பது வழக்கம்.
ஆனால் அஜித், விஜய் படங்கள் அப்படியில்லை. சூட்டிங் பாதி முடிந்த பின்புதான் அதன் தலைப்பை ஏதோ பெரிய விஷயம் போல பில்டப் கொடுப்பார்கள்.
இதுவரை தளபதி 64 படத்தலைப்பை அறிவிக்கவில்லை.
அஜித்தின் அடுத்த பட தலைப்பு வலிமை என அறிவித்துவிட்டார்கள். ஆனால் அந்த படத்தை வினோத் இயக்கி வருகிறார்.
ஆனால் இதற்கு முன் அஜித்தின் வீரம், விவேகம், விஸ்வாசம் உள்ளிட்ட படங்களை சிவா தான் இயக்கினார். அவர் பாதி சூட்டிங்கை முடித்த பின்பு தான் தலைப்பை அறிவித்தார். அவர்தான் இப்போது ரஜினி படத்தை இயக்கி வருகிறார்.
எனவே தலைவர் படத்திற்கு தல பார்முலா தேவையில்லை. படத்தலைப்பை விரைவில் அறிவியுங்கள் என கோரிக்கை வைத்துள்ளனர்.
அதுவும் படத்தலைப்பு ரஜினியின் கேரக்டர் பெயராக இருந்தால் நன்றாக இருக்கும் எனவும் வேண்டுகோள் விடுத்துள்ளனர்.
பெரும்பாலும் ரஜினி கேரக்டர்கள் பெயரில் அதாவது… பாட்ஷா, கபாலி, காலா, பேட்ட என படத்தலைப்புகள் வைக்கப்பட்டது. ஆனால் விரைவில் வெளியாகவுள்ள தர்பார் என்ற தலைப்பு ரஜினியின் கேரக்டர் பெயர் இல்லை.
அதில் ரஜினியின் பெயர் ஆதித்யா அருணாச்சலம் என்பது இங்கே கவனிக்கத்தக்கது.
Rajini fans request to Director Siva in Thalaivar 168 title