By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
தூத்துக்குடி துப்பாக்கி சூட்டில் பாதிக்கப்பட்டவர்களை சந்தித்து ஆறுதல் கூற ரஜினிகாந்த் தூத்துக்குடி சென்றிருந்தார்.
அப்போது சிகிக்சை பெற்று வந்த ஒரு இளைஞர்.. யார் நீங்க.? இப்போது ஏன் வந்தீர்கள்? என்ற தொனியில் ரஜினியைப் பார்த்து கேட்டார்.
ரஜினியை பார்த்து இப்படி ஒருவர் கேட்டுவிட்டார் என ட்ரோல் செய்து இந்த வார்த்தையை உலகளவில் டிரெண்ட் செய்துவிட்டார்கள்.
அதன்பின்னர்… 100 நாட்கள் நாங்கள் போராடிக் கொண்டிருந்தபோது நீங்கள் வந்திருந்தால் எங்கள் போராட்டம் அடுத்த வெற்றி கட்டத்திற்கு சென்றிருக்குமே என்ற தொனியில்தான் நான் அந்த கேள்வியை கேட்டேன்.
ஆனால் மீடியாக்கள் அவர்களின் விளம்பரத்திற்காக அந்த வார்த்தையை பிரச்சினையாக்கி விட்டார்கள் என தெரிவித்து ஒரு வீடியோ பதிவிட்டார்.
அதுவும் தற்போது வைரலாகி வருகிறது.
இந்நிலையில் ரஜினி ரசிகர்கள் அந்த யார் நீங்க? என்ற வார்த்தைக்கு விளக்கம் கொடுத்து வருகின்றனர்.
1975ஆம் ஆண்டில் கே. பாலசந்தர் இயக்கிய அபூர்வ ராகங்கள் படத்தில் ரஜினிகாந்த் அறிமுகமானார்.
படத்தில் ரஜினியின் அறிமுக காட்சியில் ரஜினியைப் பார்த்து யார் நீங்க? என கமல் கேட்பார்.
நான் பைரவி புருசன் என்பார் ரஜினிகாந்த்.
அந்த வார்த்தை அந்த காட்சி மிகப் பாப்புலர் ஆனது. அதன்பின்னர் ரஜினிகாந்த் சினிமாவி முன்னேறி இன்று யாரும் அசைக்க முடியாத சூப்பர ஸ்டாராக விளங்கி வருகிறார்.
தற்போது ரஜினிகாந்த் கட்சி ஆரம்பிக்கவுள்ளார். அதன் முதற்கட்டமாகத்தான் அவர் தூத்துக்குடி சென்று மக்களை சந்தித்தார்.
அப்போது அந்த இளைஞர் அவரைப் பார்த்து யார் நீங்க? என்று கேட்டார். இனி தலைவர் ரஜினிக்கு அரசியலிலும் வளர்ச்சிதான்.
அந்த அதிர்ச்சி சொல் அல்ல. ரஜினிக்கு அதிர்ஷ்ட சொல் என் ரசிகர்கள் பதிலடி கொடுத்து வருகின்றனர்.
