By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
அடுத்தாண்டு 2024 மக்களவைத் தேர்தல் நடைபெறவுள்ள நிலையில் மநீம கட்சி முன்னேற்பாடுகள் தொடர்பாக, கட்சியின் கோவை – சேலம் மண்டல நிர்வாகிகள் ஆலோசனைக் கூட்டம் கோவையில் நடைபெற்றது.
இதில் மநீம கட்சி தலைவர் கமல்ஹாசன் பேசும்போது.. “நாட்டின் ஜனநாயகத்தைப் பாதுகாக்க மநீம கட்சியின் செயல்பாடுகளை துரிதப்படுத்த வேண்டும்.
மேலும் கட்சி நிர்வாகிகளின் செயல்பாடுகளின் அடிப்படையில் அவர்களுக்கு கூடுதல் பொறுப்பும் அங்கீகாரமும் வழங்கப்படும்.” என்று பேசினார்.
இதனையடுத்து கமல்ஹாசன் செய்தியாளர்களிடம் பேசும்போது…
‘‘வரும் மக்களவைத் தேர்தலில் கோவை தொகுதியில் போட்டியிடுவது குறித்து விரைவில் முடிவெடுக்கப்படும்” என்றார்.
மேலும்… கர்நாடக மாநில சட்டப்பேரவைத் தேர்தலில், காங்கிரஸ் கட்சிக்கு ஆதரவாகப் பிரச்சாரம் செய்யுமாறு அக்கட்சியின் மூத்த தலைவர் ராகுல் காந்தி அழைப்பு விடுத்துள்ளார்.” என்றார்.
இதன்படி மே மாதம் முதல் வாரம் காங்கிரஸ் கட்சிக்கு ஆதரவாக கர்நாடகத்தில் கமல்ஹாசன் பிரச்சார மேற்கொள்ள உள்ளார் என தகவல்கள் வந்துள்ளன.
தமிழகத்தில் அண்மையில் நடைபெற்ற ஈரோடு கிழக்கு தொகுதியில் காங்கிரஸ் கட்சியின் வேட்பாளர் இளங்கோவனுக்கு ஆதரவாக திமுக கூட்டணிக்கு பிரச்சாரம் செய்திருந்தார் கமல்ஹாசன் என்பது குறிப்பிடத்தக்கது.
Rahul requesting Kamal to campaign in Karnataka polls
