By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
செல்வராகவனின் ‘மயக்கம் என்ன’ திரைப்படம் மூலம் தமிழ் சினிமாவில் அறிமுகமானார் நாடக கலைஞரான பூஜா தேவாரியா.
அதன்பின்னர் இறைவி, ‘குற்றமே தண்டனை’ மற்றும் ‘ஆண்டவன் கட்டளை’ படங்களில் நடித்து தன் அழகான முத்திரையை பதித்து வருகிறார்.
பாபி சிம்ஹாவுடன் நடித்துள்ள ‘வல்லவனுக்கும் வல்லவன்’ படம் இவரது நடிப்பில் வெளியாகவுள்ளது.
இந்நிலையில், லாஸ் ஏஞ்சல்ஸில் பிரபலமான ஹாலிவுட் நாடக விழாவான ‘ஷார்ட் & ஸ்வீட் நாடக விழாவில்’ ‘வளர்ந்து வரும் கலைஞர்’ என்கிற விருதை பெற்றிருக்கிறார்.
இவருடன் மதிவாணன் ராஜேந்திரனும் இந்த விருதை பெற்றிருக்கிறார்.
‘ஸ்ட்ரே பேக்டரி’ என்னும் நிறுவனத்தின் சார்பில் இந்த இருவர் மட்டும் தான் இந்தியாவில் இருந்து தேர்ந்தெடுக்கப்பட்டிருந்தனர் என்பது குறிப்பிடத்தக்கது.
‘மை நேம் ஸ் சினிமா’ மற்றும் ‘வா வன் கோ’ ஆகிய இரண்டு நாடகங்களை இந்த விழாவில் பூஜா தேவாரியாவும், மதிவாணன் ராஜேந்திரனும் அரங்கேற்றி இருக்கின்றனர் .
மேலும் சிட்னி மற்றும் ஆக்லேண்ட் நகரங்களில் அரகேற்றப்பட்ட ‘மை நேம் ஸ் சினிமா’ நாடகத்திற்காக, சிறந்த நடிகை மற்றும் சிறந்த இயக்குனருக்கான விருதுகளை இவர்கள் இருவரும் பெற்றுள்ளனர்.
