தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கபாலி, காலா படங்களை முடித்துவிட்டு தீவிர அரசியலில் ரஜினி ஆர்வம் காட்டுவார் என எதிர்பார்க்கப்பட்டது.
ஆனால் திடீரென கார்த்திக் சுப்பராஜ் இயக்கத்தில் சன் பிக்சர்ஸ் தயாரிப்பில் நடிக்கவுள்ளார் என்ற தகவல்கள் வெளியானது.
ரஜினியின் தீவிர ரசிகரான கார்த்திக் சுப்பராஜே படத்தை இயக்குவதாலும் அனிருத் இசையமைப்பதாலும் இதன் மீதான எதிர்பார்ப்பு உருவானது.
மேலும் இப்படத்தில் ரஜினியுடன் முதன்முறையாக விஜய்சேதுபதி, பாபி சிம்ஹா, சிம்ரன், த்ரிஷா, சசிகுமார், நவாசுதீன் சித்திக், மேகா ஆகாஷ், குரு சோமசுந்தரம் உள்ளிட்ட பல பிரபலங்களும் இணைந்து நடிப்பதால் இதன் மீதாக எதிர்பார்ப்பு அதிகரித்துக் கொண்டே வருகிறது.
தற்போது இதன் சூட்டிங் காசி மற்றும் வாரணாசியில் பகுதிகளில் நடந்து வருகிறது.
இதில் த்ரிஷாவின் சகோதரனாக சசிகுமார் நடிப்பதாக கூறப்படுகிறது.
இந்நிலையில் ரஜினியின் குழந்தைகளுக்கு மொட்டை அடித்து காது குத்துவது போன்ற ஒரு நிகழ்வு நடப்பதாகவும் அப்போது குழந்தைகள் சசிகுமார் மடியில் உட்கார்ந்து இருப்பதாகவும் காட்சிகள் படமாக்கப்படுவதாக தெரிகிறது.
இந்த காட்சியில்தான் ரஜினியின் செகண்ட் லுக்கான முறுக்கு மீசையுடன் வருகிறாராம்.
இந்த காட்சிகளில்தான் ரஜினிக்கு ஜோடியாக த்ரிஷா நடிப்பதாக சொல்லப்படுகிறது.
PETTA exclusive Rajini Trisha Sasikumar shooting updates