தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
அறிமுக இயக்குநர் ஆண்டனி பாக்யராஜ் இயக்கத்தில் ஜெயம்ரவி நடித்திருக்கும் படம் ‘சைரன்’.
இதில் நாயகியாக கீர்த்தி சுரேஷ், அனுபமா, சாந்தினி ஆகியோர் நடிக்க யோகிபாபு, சமுத்திரகனி, அழகம் பெருமாள் உள்ளிட்டோரும் நடித்துள்ளனர்.
இப்படத்திற்கு ஜி.வி.பிரகாஷ் இசையமைக்க செல்வகுமார் எஸ்.கே. ஒளிப்பதிவு செய்துள்ளார்.
காஞ்சிபுரத்தை கதைக்களமாகக் கொண்ட இந்த படம் காரைக்கால் உள்ளிட்ட பகுதிகளிலும் படமாக்கப்பட்டுள்ளது.
நாயகன் ரவியின் மாமியார் சுஜாதா விஜயகுமார் இப்படத்தை ஹோம் மூவி மேக்கர்ஸ் சார்பாக மிகப்பிரம்மாண்டமாக தயாரித்திருக்கிறார்.
அரசியல், ஆம்புலன்ஸ் சேவைகளை கலந்து ஆக்சன் திரில்லராக இந்த படம் உருவாகியுள்ளது.
இப்படத்தின் ஃபர்ஸ்ட் லுக் போஸ்டர் அண்மையில் வெளியாகி கவனம் பெற்ற நிலையில் தீபாவளி விருந்தாக சைரன் படத்தின் டீசர் வெளியாகி உள்ளது.
ஜெயம் ரவி ஜெயில் கைதியாக நடிக்க போலீஸ் அதிகாரியாக கீர்த்தி சுரேஷ் நடித்துள்ளார்.
பிக் பாஸ் 7 சீசனில் இந்த டீசர் வெளியிடப்பட்டது. 14 வருட சிறை தண்டனைக்கு பிறகு பரோலில் வரும் ஒரு கைதியின் கதை இது என்பது டீசரில் தெளிவாக தெரிகிறது.
விறுவிறுப்பாக செல்லும் இந்த டீசரில் ஜெயம் ரவியின் குரலும் கீர்த்தி சுரேஷின் குரலும் பின்னணியில் ஒலிக்கிறது.
டிசம்பர் மாதத்தில் ‘சைரன்’ படம் வெளியாகும் எனவும் அறிவிக்கப்பட்டுள்ளது.
Jayam Ravi and Keerthy Suresh starrer Siren teaser