தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பிரபல நிறுவனமான சத்யஜோதி நிறுவனம் அண்மையில் தயாரித்த படம் ‘சிவகுமாரின் சபதம்’.
ஹிப் ஹாப் ஆதி இயக்கி நடித்து பாடி ஆடி வெளியான படம் இது.
ஆனால் இந்த படம் நெகட்டிவ் விமர்சனங்களால் தோல்வியை சந்தித்தது.
அந்த படம் உருவாகும் போதே ஹிப் ஹாப் ஆதியுடன் அடுத்த பட தயாரிப்பு பணிகளையும் தொடங்கியது சத்யஜோதி நிறுவனம்.
‘அன்பறிவு’ எனப் பெயரிடப்பட்டுள்ள இந்த படத்தை அட்லியின் உதவியாளர் அஸ்வின் ராம் இயக்கி வருகிறார்.
வழக்கம்போல ஆதி படத்திற்கு ஆதியே இசையமைத்துள்ளார்.
மேலும் ஹிப் ஹாப் ஆதியே கதையை எழுதி இருக்கிறாராம்.
‘அன்பறிவு’ படத்தில் நெப்போலியன், விதார்த், காஷ்மீரா, சாய்குமார், ஆகியோர் ஆதியுடன் நடித்துள்ளனர். ஒளிப்பதிவாளராக மாதேஷ் மாணிக்கம், எடிட்டராக ப்ரதீப் ராகவ் பணி புரிந்து வருகின்றனர்.
இதன் படப்பிடிப்புகள் முடிவடைந்து இறுதிக்கட்டப் பணிகள் தற்போது விறுவிறுப்பாக நடைபெற்று வருவதாக கூறப்படுகிறத.
இந்த நிலையில் இப்படத்தை ஓடிடியில் வெளியிட படக்குழு முடிவு செய்துள்ளதாகவும் தகவல்கள் வந்துள்ளன.
பிரபல ஓடிடி நிறுவனம் இதன் உரிமையைக் கைப்பற்றியுள்ளதாகவும் விரைவில் அறிவிப்பு வெளியாகும் எனவும் தெரிய வந்துள்ளது.
சிவகுமாரின் சபதம் தியேட்டர் வெளியீட்டில் எதிர்ப்பார்த்த லாபத்தை தரவில்லை என்பதால் இந்த படத்தை ஓடிடிக்கு விற்கவுள்ளதாக கிசுகிசுக்கப்படுகிறது.
Hip hop Aadhi’s next film to release in OTT