பிரசாத் ஸ்டூடியோவை கண்டித்து இளையராஜாவுக்கு ஆதரவாக பாரதிராஜா

சிம்புவின் லிப்லாக் பிறகுதான் நயன்தாராவுக்கு செம ரீச் :-ஜாக்குவார் தங்கம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தாயின் அருள் புரொடக்‌ஷன்ஸ் வழங்கும் படம் எதிர்வினையாற்று. இதில் அலெக்ஸ், சனம்ஷெட்டி, ஆர்.கே.சுரேஷ், ஆடுகளம் நரேன், சம்பத்ராம், அனுபமா குமார், லட்சுமி பிரியா உள்ளிட்ட பலர் நடித்துள்ளார்கள்.

இந்த படத்தின் கதை, திரைக்கதை, வசனம் எழுதி இயக்கி இருக்கிறார்கள் அலெக்ஸ் மற்றும் இளமைதாஸ்.

நாயகனான அலெக்சே படத்தை தயாரித்தும் இருக்கிறார். இப்படத்தின் இசை வெளியீட்டு விழா நடைபெற்றது.

இதில் நாயகன் அலெக்ஸ், சனம்ஷெட்டி, ஆர்.கே.சுரேஷ், சம்பத்ராம், லட்சுமி பிரியா ஒளிப்பதிவாளர் மனோஜ் நாராயணன் உள்ளிட்ட படக்குழுவினரும், தயாரிப்பாளர் தனஞ்செயன், விஜிபி சந்தோஷம், ஸ்டண்ட் மாஸ்டர் ஜாக்குவார் தங்கம் ஆகியோர் சிறப்பு விருந்தினர்களாக கலந்துக் கொண்டனர்.

விழாவில் அலெக்ஸ் பேசும்போது,

‘இந்தப்படம் கடந்த ஆறு மாதமாக எப்படி கடந்தது என்றே தெரியவில்லை. இந்தப்படத்தில் உழைத்த அனைவருக்கும் பெரிய நன்றி. டாக்டராக இருந்தவன் எப்படி நடிகராக மாறினார் என்று கேட்டார்கள். எனக்கு சின்ன வயதில் இருந்தே நடிப்பு மீது ஈர்ப்பு உண்டு.

முதல் நன்றி என் அம்மாவிற்குத் தான். அவரிடம் ஒருபடத்தை நானே நடித்து இயக்க வேண்டும் என்றதும், என் அம்மா என்னை ஊக்கப்படுத்தினார். இந்தப்படத்தை இரவு பகலாக உழைத்து 24 நாட்களில் முடித்தோம்.

அதற்கு காரணம் என் டைரக்‌ஷன் டீம் தான். ஆர்.கே.சுரேஷ் அண்ணா சிறந்த நடிகர். அவரை முதலில் புக் பண்ணிவிட்டுத் தான் கதை எழுதினேன். சனம் ஷெட்டி மிகவும் சவுகரியமான நடிகை. மேலும் படத்தில் பங்கேற்ற அனைவருக்கும் நன்றி’ என்றார்.

நாயகி சனம்ஷெட்டி பேசும்போது, ‘என் மீது நம்பிக்கை வைத்து இப்படத்தில் வாய்ப்பு தந்த அலெக்ஸுக்கு நன்றி. தயாரிப்பாளர் அனிதா மேடம் அவர்களுக்கும் நன்றி. படத்தின் பாடல்கள் ரொம்ப நல்லா வந்திருக்கு. ஒளிப்பதிவாளர் சாருக்கு நன்றி. சில பிரேம்களில் என்னை ஆச்சர்யமாக பார்க்க வைத்திருக்கிறார்.

ஆர்.கே.சுரேஷ் அவர்களுடன் பணியாற்றியது பெரும் மகிழ்ச்சி. அலெக்ஸ் தெளிவான நபர். எல்லாவற்றையும் நன்கு திட்டுமிட்ட வேலை செய்யக்கூடியவர். இந்தப்படம் பெரியளவில் பேசப்படும் என்று உறுதியாக நம்புகிறேன்’என்றார்.

நடிகர் ஆர்.கே.சுரேஷ் பேசும்போது,

‘சினிமாவில் டிஸ்டிப்யூட்டராக வந்து தயாரிப்பாளராக மாறி, இயக்குநர் பாலா மூலம் படத்தில் நடிகராக அறிமுகமாகி இந்த வளர்ச்சியை அடைந்துள்ளேன்.

படத்தின் தயாரிப்பாளர் அனிதா மேடத்திற்காகவே நான் நடிக்க ஒத்துக்கிட்டேன். அலெக்ஸ் மேல் எனக்கு யோசனை இருந்தது. டாக்டராக இருந்தவர் எப்படி படத்தைச் சரியாக எடுக்கப்போகிறார் என்று நினைத்தேன்.

ஆனால் அவர் கதை சொல்லிய விதத்திலே இவர் சரியாக எடுத்துவிடுவார் என்று முடிவு செய்துவிட்டேன்.

மனோஜ் திறமையான கேமராமேன். அவர் தல அஜித்திற்கு மிகவும் நெருக்கமானவர். ஹீரோயின் சனம்ஷெட்டி பப்ளி கேர்ள். இந்தப்படத்தில் புதிதாக ஒரு விசயத்தை அலெக்ஸ் கையாண்டிருக்கிறார். முத்தக் காட்சி எடுப்பது தவறில்லை.

முத்தம் அன்பின் வெளிப்பாடு, அதுபோன்ற காட்சிகளை தவறு என்று சொல்லக் கூடாது. நிச்சயம் படம் பெரிதாக பேசப்படும். நடிகர் சங்க கட்டடம் கட்டி முடிக்கப்படாமல் சிக்கலில் உள்ளது வருத்தமடைய செய்கிறது.

எல்லா படங்களுக்கும் தியேட்டர் கிடைக்க வேண்டும் என்று விஷாலிடம் கூறினேன்.

ஆனால், அப்படி நடக்கவில்லை. படங்கள் எடுப்பவர்கள் கவனித்து எடுங்கள். விநியோகிஸ்தர்கள், தயாரிப்பாளர்கள், நடிகர் சங்கங்கள் சரியாக இயங்கினால்தான் திரைத்துறை நன்றாக இருக்க முடியும்” என்றார்.

ஜாக்குவார் தங்கம் பேசும்போது,

‘இந்தப்படத்தை 24 நாட்களில் எடுத்தது மிகப்பெரிய சாதனை. இப்படத்தின் டிரைலரை ஒரேநாளில் கட் செய்திருக்கிறார்கள்.

இந்த டீமிற்கு அதற்காகவே பெரிய வாழ்த்துகள். தாயின் அருள் என்பது மிகப்பெரிய விசயம். அந்த அருள் அலெக்ஸுக்கு கிடைத்துள்ளது. படத்தில் கேமரா ஆங்கிள்ஸ் எல்லாம் ஆச்சர்யப்படுத்தியது. முத்தக்காட்சிகள் எல்லாம் இப்ப சாதாரணமாகி விட்டது.

இப்படத்தில் லிப்லாக் காட்சியில் சனம்ஷெட்டி சிறப்பாக நடித்துள்ளார். சிம்புகூட நயன்தாரா லிப்லாக் சீனில் நடித்த பிறகுதான் பெரிய அளவில் ரீச் ஆனார். அதனால் முத்தக்காட்சிகள் தவறில்லை.

குடிப்பது போல காட்சிகள் வைப்பது தான் தப்பு. தயவுசெய்து பெரிய ஹீரோக்கள் எல்லாம் குடிப்பது போல் நடிக்காதீர்கள். இப்படம் நிச்சயம் மிகப்பெரிய வெற்றியடையும்’ என்றார்.

தயாரிப்பாளர் தனஞ்செயன் பேசும்போது,

‘இப்படத்தில் அலெக்ஸுக்கு நன்றி சொல்லணும். அவர் நினைத்தால் அவர் தயாரிக்கும் இந்தப்படத்தில் இயக்குநராக அவர் பெயரை மட்டுமே போட்டிருக்கலாம்.

ஆனால் எங்கள் பாஃப்டா டீமில் இருந்து வந்த இளைமைதாஸ் அவர்களையும் இயக்குநராக இணைத்துள்ளார். அலெக்ஸுக்கு அந்த மனது உள்ளது. தாயின் அருள் இருந்தால் தான் ஜெயிக்க முடியும்.

அது அலெக்ஸுக்கு கிடைத்துள்ளது. இப்படம் பக்கா க்ரைம் திரில்லர் படமாக வந்திருக்கும் என்ற நம்புகிறேன். ஆர்.கே சுரேஷ் இப்படி ஒரு டீமிற்கு சப்போர்ட் பண்ணதுக்கு நன்றி” என்றார்.

Nayanthara became popular after Simbu lip lock says Jaguar Thangam

டிசம்பர் 13ல் இந்திய மொழிகளில் வெளியாகும் Jumanji : The Next Level

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

JUMANJI: THE NEXT LEVEL
(ஆங்கிலம் மற்றும் தமிழிலும்)

தயாரிப்பு: Sony Pictures
வெளியீடு: December 13th 2019

ஜுமான்ஜி என்கிற இந்தக் கற்பனை கதைக்களத்தின் அடிப்படை, ஒரு விளையாட்டினைப் பற்றியது. ஆட்டத்தின் போது காய் நகர்வுகளுக்கேற்ப கதைக்களமும் பல வித்தியாசமான விசித்திரமான நிகழ்வுகளுடன் நகரும்.

Chris Van Allsburg என்பவர் எழுதிய இந்தக் கதைக்களத்தின் அடித்தளமே மந்திரமும் மாயாஜாலமுமே! Chris எழுதிய 2 புத்தகங்களின் அடிப்படையில் இதுவரை 3 திரைப்படங்கள் வெளிவந்துள்ளன.

Jumanji (1995), Zathura: A Space Adventure (2005) மற்றும் Jumanji: Welcome to the Jungle (2017). அம்மூன்று படங்களுமே வசூல் ரீதியாக மிகப் பெரிய வெற்றியைப் பெற்றன.

Jumanji, 1996 முதல் 1999 வரை ஒரு தொலைக்காட்சித் தொடரகவும் ஒளிபரப்பப்பட்டது! இப்போது இப்படத் தொடரின் நான்காவது தவணையாக, Jumanji: The Next Level உருவாக்கப்பட்டுள்ளது!

2017 ஆம் ஆண்டு வெளிவந்த படத்தில் இடம்பெற்றிருந்த அந்த 4 இளம் மாணவர்கள், அடுத்த கட்ட அதிரடி ஆக்ஷனுக்கு தற்சமயம் தயார் நிலைக்கு வந்து விட்டார்கள்!

ஸ்பென்சரின் (அலெக் உல்ஃப்) நகர்வொன்றில், Jumanji விளையாட்டு புத்துணர்வுடன் துளிர் விட, இதர நண்பர்கள், பெத்தானி (மேடிசன் இஸ்மேன்), ஃப்ரிட்ஜ் (செர்டாருஸ் ப்ளெயின்) மற்றும் மார்த்தா (மார்கன் டர்னர்) ஆகியோர் ஸ்பென்சர் காணாமல் போய்விட்டதை உணர, ஸ்பென்சரின் தாத்தா எடி (டானி டி வோடோ) மற்றும் அவரது நண்பர் மிலோ வாக்கர் (டானி க்ளோவர்) ஆகிய இருவரும்கூட களத்தில் இறங்குகிறார்கள்!

விளையாட்டின் புதிய பரிமாணங்களைப் புரிந்து கொண்டு அனைவரும் தத்தம் நகர்வுகளை நகர்த்திவிட முற்படுகிறார்கள். ஸ்பென்சரை மீட்டு வருவதில்லாமல், அவ்விளையாட்டிலிருந்து முழுமையாக விலகுவதே அவர்கள் அனைவரது இலக்கு! Dwayne Johnson (The Rock), புதைபொருள் ஆராய்ச்சியாளராகத் தோன்றுகிறார். Jack Blackக்கும் முக்கியதொரு வேடத்தில் தோன்றுகிறார்.

Jake Kasdan படத்தை இயக்கியுள்ளார்.

Henry Jackman இசையமைத்துள்ளார்.

Gyula Pados படத்தின் ஒளிப்பதிவாளர்.

படத்தொகுப்பு – Steve Edwards.

Jumanji The Next Level will be released on 13th Dec 2019 WW

‘வன்முகம்’ படத்தில் அரசியல்வாதிகளுக்கு சௌவுக்கடி கொடுக்கும் கதிரவன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

எதார்த்த நாயகன் *கதிரவன்* துணிச்சலோடு நடிக்க, *ஆறடி* திரைப்படத்தின் மூலம் சிறந்த நடிகையாக பல சர்வதேச விருதுகளை குவித்த நாயகி *தீபிகா ரங்கராஜு* ம் இணைந்து நடிக்கும் படம் *வன்முகம்*.

இதை *ரஞ்சித் பால்* இயக்குகிறார்.இப்படத்தில் *தல அஜித்* (நேர்கொண்ட பார்வை), மக்கள் செல்வன் *விஜயசேதுபதி*(கவன்), *தனுஷு* டன் (வேலை இல்லா பட்டதாரி) போன்ற படங்களில் நடித்த நடிகை *பிரியதர்ஷினி ராஜ்குமார்* முக்கிய கதாபாத்திரத்தில் நடிக்கிறார்.

சமீபத்தில் வெற்றி பெற்ற *ஜீ.வி.பிரகாஷ்* மற்றும் *சித்தார்த்* நடித்த *சிவப்பு மஞ்சள் பச்சை* படத்தின் வில்லன் நடிகர் *பிரதீப்* இதில் மிரட்டி இருக்கிறார்.

இன்னும் பல நட்சத்திர பட்டாளமே இதில் இணைந்து நடித்து அசத்தி இருக்கின்றனர்.

இதன் முழு படப்பிடிப்பும் *புதுச்சேரி* மாநிலத்தை சுற்றியே நடைபெற்று முடிவடைந்துள்ளது.

இப்படத்தின் *உன்னால் ஏனோ* என்கிற பாடல் இணையதளத்தில் வைரலாகி அனைவராலும் ரசிக்கப்பட்டு நல்ல வரவேற்பையம் பெற்றுள்ளது.

இந்த *வன்முகம்* வருகிற *டிசம்பர்* மாதம் இறுதியில் மக்களிடம் வெளியிடப்படும் என்று எதிர்பார்க்க படுகிறது.

A Debut hero Kathiravan plays dual role in Vanmugam

காதலை வித்தியாசமாக சொல்லும் ‘மழையில் நனைகிறேன்’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஆண்சன் பால், ரெபா மோனிகா ஜான் இணைந்து நடித்துள்ள படம் “மழையில் நனைகிறேன்”.

இப்பட தலைப்பை போலவே கவிதை போன்ற காதலை சொல்லும் படைப்பாக உருவாகி வருகிறது.

படத்தின் ஃபர்ஸ்ட் லுக்கே காதலர்களின் நெருக்கத்தை, ஆழமான காதலை அழுத்தி சொல்வதாய் அமைந்துள்ளது

அறிமுக இயக்குநர் T. சுரேஷ் குமார் படம் குறித்து கூறியதாவது…

இது மனதை இலகுவாக்கும் காதல் கதை. அதே நேரம் காதல் பற்றிய முதிர்வான கருத்துக்களை பேசும் படமாகவும் இது இருக்கும்.

படத்தில் வரும் ஒவ்வொரு கதாப்பாத்திரங்களும் சூழ்நிலையை முதிர்ச்சியான மனநிலையில் அணுகுவார்கள்.

வரலாறு முழுதும் தோல்வியடைந்த காதல் கதைகள் தான் வெகு பிரபலம்.

காதலர்கள் பிரிவதும், இறந்து போவதுமான காதல் கதைகள் வரலாற்றில் தொடர் வெற்றிக்கதைகளாக உலா வருகிறது.

ஆனால் இப்படத்தில் ஒரு வித்தியாசமான முடிவை நீங்கள் பார்க்கலாம். இப்போது அதை வெளிப்படுத்த முடியாது. திரையில் அந்த உணர்வுகளோடு கண்டுகளியுங்கள்.

உண்மையான காதலை, காதலர்களை பிரதிபலிப்பவர்களாக ஆண்சன் பால், ரெபா மோனிகா ஜான் தங்கள் அற்புத நடிப்பை இப்படத்தில் வழங்கியுள்ளார்கள்

B. ராஜேஷ் குமார் மற்றும் ஶ்ரீவித்யா ஆகியோர் Rajsree ventures சார்பில் “மழையில் நனைகிறேன்” படத்தை தயாரிக்கிறார்கள்.

முன்னணி பாத்திரங்களில் ஆண்சன் பால், ரெபா மோனிகா ஜான் நடிக்க முக்கிய பாத்திரங்களில் ஷங்கர் குரு ராஜா, மேத்யூ வர்கீஸ், அனுபமா குமார், சுஜாதா பஞ்சு, வெற்றிவேல் ராஜா ஆகியோருடன் மற்றும் பலர் நடிக்கிறார்கள்.

தொழில் நுட்ப கலைஞர்கள்…

வசனம் – விஜி, கெவின் பாண்டியன்
இசை – விஷ்ணு பிரசாத்
ஒளிப்பதிவு – J. கல்யாண்
எடிட்டிங் – G.B. வெங்கடேஷ்
கலை – N. மகேந்திரன்
பாடல்கள் – லலிதானந்த், முத்தமிழ்
உடை வடிவமைப்பு – ஶ்ரீவித்யா ராஜேஷ்
சண்டைப்பயிற்சி – T. ரமேஷ்
ஸ்டில்ஸ் – P.M. கார்த்திக்

Mazaiyil Nanaigiren movie will be treat for Lovers

கஜகஸ்தானில் படமாக்கப்பட்ட இந்தியாவின் முதல் படம் ‘அக்னி சிறகுகள்’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

அருண் விஜய், விஜய் ஆண்டனி, அக்‌ஷரா ஹாசன் என வியப்பில் ஆழ்த்தும் நட்சத்திர கூட்டம் இணைந்துள்ள படம் “அக்னி சிறகுகள்”.

தற்போது இப்படத்தின் படப்பிடிப்பு இறுதிகட்டத்தை எட்டியுள்ளது. படத்தில் இணைந்திருக்கும் நட்சத்திரங்களால் மட்டுமன்றி படம்பிடிக்கப்படும் வித்திசயாசமான லொகேஷன்களாலும் ரசிகர்களின் எதிர்பார்ப்பை எகிறச் செய்துள்ளது “அக்னி சிறகுகள்”.

இப்படத்தின் முதல்கட்ட படப்பிடிப்பு சென்னை மற்றும் கொல்கத்தாவில் படமாக்கப்பட்டது. படத்தின் முக்கியமான பொறிபறக்கும் ஆக்‌ஷன் காட்சிகள் அங்கு படமாக்கப்பட்டது.

இரண்டாம் கட்டப்படப்பிடிப்பு ரஷ்யாவின் மாஸ்கோ, பீட்டர்ஸ்ஃபர்க் ஆகிய இடங்களிலும் அதனைத் தொடர்ந்து கஜகஸ்தானின் அல்மாட்டி நகரிலும் படமாக்கப்பட்டு வருகிறது.

உச்சபட்ச ஆச்சர்யமாக கஜகஸ்தானில் படமாக்கப்படும் இந்தியாவின் முதல் படம் எனும் பெருமையை “அக்னி சிறகுகள்” பெற்றுள்ளது.

கண்களுக்கு விருந்தளிக்கும் பிரமாண்ட விஷுவல்களும், அசரவைக்கும் மார்ஷியல் ஆர்ட்ஸ் சண்டை காட்சிகளும் அங்கு படமாக்கப்பட்டுள்ளது.

ரசிகர்களை வியப்பிலாழ்த்தும் பெரு விருந்து காத்திருக்கிறது. தயாரிப்பாளர் அம்மா கிரியேஷன்ஸ் T சிவா படம் உருவாகி வந்திருக்கும் விதத்தால் மிகுந்த மகிழ்ச்சியில் உள்ளார்.

இயக்குநர் நவீனின் அட்டகாச கதைசொல்லல் முறையும், அவரது குழு படத்தை ஒவ்வொரு அங்குலமாக செதுக்கியுள்ளதையும் பெருமளவு பாராட்டியுள்ளார்.

மேலும் இப்படம் கண்டிப்பாக தமிழ் ரசிகர்களுக்கு முன்னெப்போதும் கண்டிராத ஒரு பிரமாண்ட திரில்லர் அனுபவத்தை உலகத்தரத்தில் தரும் படைப்பாக இருக்கும் என்றார்.

அக்னி சிறகுகள் படத்தில் ரெய்மா சென், பிரகாஷ் ராஜ், ஜே எஸ் கே ஆகியோருடன் மேலும் பல முக்கிய நட்சத்திரங்கள் நடிக்கிறார்கள்.

நடராஜன் சங்கரன் இப்படத்திற்கு இசையமைக்க, K A பாட்ஷா ஒளிப்பதிவு செய்துள்ளார்.

படத்தின் டிரெய்லர் மற்றும் இசை வெளியீடு பற்றிய அதிகாரப்பூர்வ அறிவிப்பு விரைவில் வெளியாகும்.

Agni Siragugal is the first Indian movie shot at Kazakhstan