ஒயிலாட்டம் மயிலாட்டத்துடன் தள்ளாட்டம்.; சர்ச்சையுடன் முடிந்த ‘சரக்கு’ இசை விழா

தல ஆளு வேண்டாம்..; வெங்கட் பிரபுவுக்கு கண்டிஷன் போட்ட தளபதி விஜய்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘லியோ’ படத்தை தொடர்ந்து ‘தளபதி 68’ படத்தில் நடிக்க தயாராகி வருகிறார் விஜய்.

இந்த படத்தின் ஷூட்டிங் விரைவில் தொடங்கப்பட உள்ளது. வெங்கட் பிரபு இந்த படத்தை இயக்க யுவன் சங்கர் ராஜா இசை அமைக்க ஏஜிஎஸ் நிறுவனம் தயாரிக்க உள்ளது.

பொதுவாகவே வெங்கட் பிரபு படத்தில் கதை இருக்கிறதோ இல்லையோ அவரது தம்பி பிரேம்ஜி கண்டிப்பாக இடம் பெறுவார் என்ற கருத்து பரவலாகவே திரையுலகில் உள்ளது.

எனவே தளபதி 68 படத்திலும் பிரேம்ஜி நடிப்பார் என ரசிகர்கள் எதிர்பார்த்துக் கொண்டிருக்கின்றனர்.

இந்த நிலையில் வெங்கட் பிரபு மற்றும் பிரேம்ஜி ஆகிய இருவரும் கலந்து கொண்ட ஒரு பேட்டியில் விஜய் கூறிய கருத்தை தெரிவித்துள்ளார்.

சில ஆண்டுகளுக்கு முன்.. “நானும் உங்க அண்ணனும் இணைந்து பணிபுரிந்தால் பிரேம்ஜி அந்த படத்தில் நீ நடிக்கக்கூடாது என கண்டிஷன் போட்டாராம் விஜய்.

ஏனென்றால் நீ தல ஆள் என்று தெரியும். என் படத்துல உனக்கு வாய்ப்பு கிடையாது.. வேணும் என்றால் நீ இசையமைத்துக் கொள் என்று விஜய் சொன்னாராம்.

பின்னர் பிரேம்ஜி கெஞ்சி கேட்கவே சரி நீ நடித்துக் கொள்” என தெரிவித்தாராம் விஜய்.

இதை கலகலப்பாக தெரிவித்தனர் வெங்கட் பிரபு மற்றும் பிரேம்ஜி.

Thala fan not allowed Vijay condition to Venkatprabu

பெண் கழுத்தில் மாலை; கூல் சுரேஷை மன்னிப்பு கேட்க வைத்த மன்சூர் அலிகான்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மன்சூர் அலிகான் தயாரித்து, நடித்துள்ள படம் ‘சரக்கு’.

இதில் கே.பாக்யராஜ், கே.எஸ்.ரவிக்குமார், யோகி பாபு, ரவி மரியா, மொட்டை ராஜேந்திரன், ரெடின் கிங்ஸ்லி, பழ கருப்பையா, கூல் சுரேஷ் உள்ளிட்டோர் நடித்துள்ளனர்.

ஜெயக்குமார்.ஜே இயக்க அருள் வின்செண்ட் மற்றும் மகேஷ். டி ஒளிப்பதிவு செய்துள்ளனர். இப்படத்திற்கு சித்தார்த் விபின் இசையமைத்திருக்கிறார்.

திரைக்கதை, வசனத்தை எழிச்சூர் அரவிந்தன் எழுத, எஸ்.தேவராஜ் எடிட்டிங் பணிகளை கவனிக்கிறார்.

இந்த படம் டாஸ்மாக் சரக்கினால் சமூகத்திற்கு ஏற்படும் விளைவுகளை சித்தரிக்கும் படமாக உருவாகியுள்ளது. குடிமகன்களால் மட்டுமே அரசாங்கம் இயங்கி வருவதாக குற்றம் சாட்டியுள்ள இந்த படத்தில் இதற்கான தீர்வும் சொல்லப்பட்டுள்ளத.

இந்த படம் விரைவில் வெளியாக உள்ள நிலையில் நேற்று செப்டம்பர் 19ஆம் தேதி மாலை ‘சரக்கு’ இசை மற்றும் ட்ரெய்லர் வெளியீட்டு விழா நடைபெற்றது. இந்த நிகழ்ச்சியில் திரையுலக பிரபலங்கள் பலர் பங்கேற்றனர்.

இந்நிகழ்ச்சியை ஐஸ்வர்யா என்பவர் தொகுத்து வழங்கினார்.

அப்போது மேடையில் பேச வந்த நடிகர் கூல் சுரேஷ். தனக்கு அணிவிக்கப்பட்ட மாலையை திடீரென பெண் தொகுப்பாளரின் கழுத்தில் அவரது அனுமதியின்றி போட்டார். இதனால் எரிச்சலடைந்தார். ஆனாலும் வேறு வழியின்றி நிகழ்ச்சியை தொகுத்து வழங்கிக் கொண்டிருந்தார்.

இந்த நிகழ்ச்சி முடிவடையும்போது பத்திரிக்கையாளர்கள் சிலர் எதிர்ப்பு தெரிவிக்கவே.. கூல் சுரேஷ் நீ பகிரங்கமாக மன்னிப்பு கேட்க வேண்டும் என நடிகர் மன்சூர் அலிகான் சொல்லவே கூல் சுரேஷ் மன்னிப்பு கேட்டு நிகழ்ச்சி முடிவுற்றது.

Mansoor Alikhans Sarakku Audio launch Cool Suresh Apology

விஜய் & ஜெயம் ரவி படங்களுக்கு முன்பே சதீஷ் படத்தை தயாரிக்கும் ஏஜிஎஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மாபெரும் வெற்றிப்பெற்ற ‘லவ் டுடே’ படத்திற்கு பிறகு ஏஜிஎஸ் என்டெர்டைன்மென்ட்டின் அடுத்த படைப்பாக வரவிருக்கும் ‘கான்ஜூரிங் கண்ணப்பன்’. இந்நிறுவனத்தின் 24வது தயாரிப்பு ஆகும்.

ஏஜிஎஸ்ஸின் 23வது திரைப்படமாக ‘லவ் டுடே’ இந்தி பதிப்பும், 25வது படமாக தளபதி விஜய் நடிப்பில் வெங்கட் பிரபு இயக்கும் ‘தளபதி 68’-ம், 26வது தயாரிப்பாக ஜெயம் ரவி நடிப்பில் மோகன் ராஜா இயக்கும் ‘தனி ஒருவன் 2’‍‍‍‍-ம் உருவாகி வருவது குறிப்பிடத்தக்கது.

‘கான்ஜூரிங் கண்ணப்பன்’ படத்தை கதை, திரைக்கதை, வசனம் எழுதி இயக்கும் செல்வின் ராஜ் சேவியர், இயக்குந‌ர்கள் சிம்புதேவன், சுமந்த் ராதாகிருஷ்ணனிடம் உதவி இயக்குநராக‌ பணிபுரிந்துள்ளார்.

சென்னையில் பெரும் பொருட்செலவில் பழங்கால அரங்குகள் அமைத்து இப்படத்தின் படப்பிடிப்பு நடத்தப்பட்டுள்ளது.

‘கான்ஜூரிங் கண்ணப்பன்’ திரைப்படத்தின் கிரியேட்டிவ் தயாரிப்பாளராக அர்ச்சனா கல்பாத்தி பணியாற்ற, நிர்வாக தயாரிப்பை எஸ். எம். வெங்கட் மாணிக்கம் கவனிக்கிறார்.

காமெடி நடிகர் சதீஷ், நாசர், சரண்யா பொன்வண்ணன், ஆனந்த்ராஜ், ரெஜினா கசன்ட்ரா, விடிவி கணேஷ், ரெடின் கிங்ஸ்லீ, நமோ நாராயணன் போன்ற நட்சத்திரங்களுடன், ‘நானே வருவேன்’ படத்தில் நடித்துள்ள எல்லி ஆவரம், ஜேஸன் ஷா, பிஎனேடிக்ட் காரெட் போன்ற வெளிநாட்டு நடிகர்களும் இதில் நடித்துள்ளனர்.

‘கான்ஜூரிங் கண்ணப்பன்’ பற்றி பேசிய இயக்குநர் செல்வின் ராஜ் சேவியர், “ரசிகர்களுக்கு வித்தியாசமான புதுவித அனுபவத்தை கொடுப்பதோடு நல்ல பொழுதுப்போக்காகவும் இப்படம் இருக்கும். முக்கியமாக குழந்தைகள் பார்த்து ரசிக்கும் வகையிலும் நகைச்சுவை, திகில், ஃபான்டசி கலந்த படமாக இதை உருவாக்கியுள்ளோம். இப்படம் அனைத்து வயதினரையும் நிச்சயம் கவரும்,” என்று கூறினார்.

ஒரு புறம் முன்னணி நட்சத்திரங்கள் மற்றும் இயக்குநர்களுடன் இணைந்து பிரம்மாண்ட படைப்புகளை தயாரித்து வரும் ஏஜிஎஸ் என்டர்டைன்மென்ட், மறு புறம் ‘லவ் டுடே’ போன்று வளர்ந்து வரும் மற்றும் புதிய திறமைகளுக்கும் தொடர்ந்து வாய்ப்பளித்து வருகிறது. அந்த வரிசையில் ‘கான்ஜூரிங் கண்ணப்பன்’ அமையும் என்று படகுழுவினர் தெரிவிக்கின்றனர்.

Conjuring Kannappan comedy horror fantasy multi starrer film by AGS

‘மண்ணாங்கட்டி’-காக மீண்டும் இணைந்த நயன்தாரா – யோகிபாபு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிப்புத் திறனாலும் , வசீகர அழகாலும் பல ரசிகர்களை கவர்ந்து வரும் நயன்தாரா, தற்போது புதிய தமிழ் படத்தில் நடிக்க ஒப்பந்தம் ஆகியிருக்கிறார்.

‘மண்ணாங்கட்டி சின்ஸ் 1960’ என்று பெயர் வைக்கப்பட்டுள்ள புதிய படத்தில் முதன்மை கதாபாத்திரத்தில் நயன்தாரா நடிக்கிறார்.

இவருடன் யோகிபாபு இணைந்துள்ளார். இவர்கள் இருவரும் இணைந்த ‘கோலமாவு கோகிலா’ படம் சூப்பர் ஹிட் ஆனது குறிப்பிடத்தக்கது.

மேலும் தேவதர்ஷினி, கௌரி கிஷன், நரேந்திர பிரசாத் உள்ளிட்ட பலர் முக்கிய கதாபாத்திரத்தில் நடிக்கிறார்கள்.

பிரின்ஸ் பிக்சர்ஸ் சார்பில் S . லக்ஷ்மன் குமார், இப்படத்தை பெரும் பொருட் செலவில் தயாரிக்கிறார். இணை தயாரிப்பை A வெங்கடேஷ் மேற் கொள்கிறார்.

டியூட் விக்கி எழுதி, இயக்கும் இப்படத்தின் பர்ஸ்ட் லுக் மற்றும் மோஷன் போஸ்டரை படக்குழுவினர் தற்போது வெளியிட்டுள்ளனர். இந்த போஸ்டர் சமூக வலைத்தளத்தில் ரசிகர்களை கவர்ந்து வைரலானது.

ஆர்.டி.ராஜசேகர் ஒளிப்பதிவு செய்யும் இப்படத்திற்கு ஷான் ரோல்டன் இசையமைக்கிறார். படத்தொகுப்பை ஜி.மதன் கவனிக்கிறார். இப்படத்தின் படப்பிடிப்பு விரைவில் தொடங்க இருக்கிறது.

நடிகர்கள் – நயன்தாரா, யோகி பாபு, தேவதர்ஷினி, கௌரி கிஷன், நரேந்திர பிரசாத் மற்றும் பலர்

தொழிநுட்பக் கலைஞர்கள் விபரம்:

கதை & இயக்கம் – டியூட் விக்கி

இசை – ஷான் ரோல்டன்

ஒளிப்பதிவு – ஆர்.டி.ராஜசேகர் ISC

படத்தொகுப்பு – ஜி.மதன்

கலை – மிலன்

ஆடை வடிவமைப்பு – அனு வர்தன்

ஆடை – பெருமாள் செல்வம்

ஒலி வடிவமைப்பு – டி.உதயகுமார்

விளம்பர வடிவமைப்பு – கண்ணதாசன் டிகேடி

தயாரிப்பு மேற்பார்வையாளர் – A P பால் பாண்டி.

தயாரிப்பு நிர்வாகி – ஷ்ரவந்தி சாய்நாத்

இணை தயாரிப்பாளர் – A.வெங்கடேஷ்

தயாரிப்பாளர் – S. லக்ஷ்மன் குமார்

தயாரிப்பு நிறுவனம் – பிரின்ஸ் பிக்சர்ஸ்

மக்கள் தொடர்பு – சதீஷ் குமார்

Nayanthara and Yogibabus Next Titled as Mannangatti Since 1960

‘வேட்டையாடு விளையாடு’ படத்தை தொடர்ந்து ‘நாயகன்’ ரீ-ரிலீஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கடந்த 1987-ம் ஆண்டு மணிரத்னம் இயக்கத்தில் கமல்ஹாசன் நடிப்பில் வெளியான திரைப்படம் ‘நாயகன்’.

மும்பையை பின்னணியாக கொண்ட படத்தில் வேலு நாயக்கர் கதாபாத்திரத்தில் அட்டகாசமான நடிப்பை கமல் வெளிப்படுத்தியிருந்தார்.

இப்படத்தில் சரண்யா, ஜனகராஜ், டெல்லி கணேஷ், நாசர், நிழல்கள் ரவி, கார்த்திகா, விஜயன் உள்ளிட்ட பலர் நடித்திருந்தனர்.

இளையராஜா இசையமைதிருந்த இப்படத்தை முகுந்தன் ஸ்ரீனிவாசன் தயாரித்திருந்தார்.

பி.சி.ஸ்ரீராம் ஒளிப்பதிவு மேற்கொண்டிருந்தார். லெனின், வி.டி.விஜயன் இருவரும் படத்தொகுப்பு செய்திருந்தனர்.

இந்தப்படத்துக்காக கமல்ஹாசனுக்கு சிறந்த நடிகருக்கான தேசிய விருது கிடைத்தது. ஒளிப்பதிவாளர் பிசிஸ்ரீராம், கலை இயக்குநர் தோட்டா தரணிக்கு தேசிய விருது கிடைத்தது.

‘நாயகன்’ படம் வெளியாகி 36 ஆண்டுகள் ஆகிறது

இந்நிலையில், கமல்ஹாசன் பிறந்த நாளையொட்டி ‘நாயகன்’ படம் நவம்பர் 3-ம் தேதி ரீ-ரிலீஸ் செய்ய உள்ளதாக அறிவிக்கப்பட்டுள்ளது.

kamalhaasan’s nayakan movie re released on november