தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பாலிவுட் சினிமாவில் முன்னணி நடிகர்களில் ஒருவராக வலம் வருபவர் அமீர்கான்.
நடிகர், டைரக்டர், தயாரிப்பாளர், டிவி பிரபலம், பின்னணி பாடகர் என பன்முகத்தன்மை கொண்டவராக இருந்து வருகிறார் அமீர்கான்.
1973 களில் தனது திரை பயணத்தை துவங்கி தற்போது வரை ஏராளமான படங்களில் நடித்துள்ளார்.
அசிஸ்டென்ட் டைரக்டராக பாலிவுட்டிற்குள் அடியெடுத்து வைத்த, அமீர்கான் தற்போது டாப் ஹீரோவாக உயர்ந்தவர்.
கடந்த இரண்டு ஆண்டுகளாகவே சினிமாவில் இருந்து விலகி இருந்த அமீர்கான்.
கடந்த ஆண்டு ஆகஸ்ட் மாதம் 11 ம் தேதி ரிலீசான ‘லால் சிங் சத்தா’ படம் படு தோல்வி அடைந்தது. இதனால் பல கோடிகள் நஷ்டம் ஏற்பட்டு உள்ளது.
இதனால் மீண்டும் சினிமாவுக்கு தற்காலிக முழுக்கு போட்டு இருக்கிறார்.
அமீர்கான் கடந்த 1986-ல் ரீனா தத்தாவை திருமணம் செய்து 2002-ல் விவாகரத்து பெற்றார்.
அதன்பிறகு கிரண் ராவை 2005-ல் மணந்து அவரையும் 2021-ல் விவாகரத்து செய்து பிரிந்தார்.
இந்த நிலையில், அமீர்கான் மூன்றாவது திருமணத்துக்கு தயாராவதாக பாலிவுட்டில் திரையுலகில் தகவல் பரவி வருகிறது.
அமீர்கானுடன் ‘தங்கல்’ படத்தில் தனது மகளாக நடித்த 31 வயது இளம் நடிகை பாத்திமா சனா ஷேக்கும் நெருக்கமாக பழகுவதாக கிசுகிசுக்கள் பரவி வருகின்றன.
இருவரும் ஜோடியாக சுற்றும் புகைப்படங்களும் வெளியானது.
இந்தி நடிகை ராக்கி சாவந்தும் அமீர்கானுக்கு 3-வது திருமணம் நடக்க இருப்பதாக தெரிவித்து உள்ளார்.
மேலும், அமீர்கான் விரைவில் தன்னை விட 28 வயது சிறிய பெண்ணான இளம் நடிகை பாத்திமா சனா ஷேக்கை 3-வது திருமணம் செய்து கொள்ள இருப்பதாக பேசுகின்றனர்.
Bollywood super star Aamir Khan ready for his third marriage?