*வீராபுரம்* படத்தில் மணற்கொள்ளையை சொல்லும் *அங்காடித்தெரு* மகேஷ்

*வீராபுரம்* படத்தில் மணற்கொள்ளையை சொல்லும் *அங்காடித்தெரு* மகேஷ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Angadi Theru Mahesh starring Veera Puramஸ்ரீ வைசாலி மூவி மேக்கர்ஸ் சார்பில் குணசேகரன் தயாரிப்பில் சுந்தர்ராஜன் மற்றும் கண்ணியப்பன் இணைத்தயாரிப்பில் செந்தில்குமார் இயக்கியுள்ள படம் “வீராபுரம்”.

இப்படத்தின் இறுதிகட்ட படபிடிப்பு செங்கல்பட்டு அருகே நடந்து வருகிறது. இப்படத்தின் நாயகன் அங்காடித்தெரு புகழ் மகேஷ் மற்றும் நாயகி உறுதிகொள் புகழ் மேகனாவும் நடித்திருக்கிறார்.

மணற்கொள்ளையை பற்றிய கருத்தை மையமாக கொண்டு உருவாகும் இப்படம் ஒரு உண்மைச் சம்பவ கதை.

தமிழ் சினிமாவில் வழக்கமாக சொல்லப்படும் காதல்கதை அல்லாது இப்படத்தில் ஒரு சமுதாய பிரசச்சனையை சொல்ல விரும்பிய இயக்குனர் மணற்கொள்ளையால் நடந்த ஒரு உருக்கமான உண்மைச் சம்பவத்தை மிகவும் அழகாக கையாண்டு வருகிறார்.

இப்படத்தின் படப்பிடிப்பு சென்னை, மதுரை மற்றும் செங்கல்பட்டு ஆகிய இடங்களில் படமாக்கப்பட்டுள்ளது.

இப்படத்திற்கு ஒளிப்பதிவு பிரேம்குமார், இசை ரிதேஷ் & ஸ்ரீதர், எடிட்டிங் கணேஷ் குமார் மற்றும் சண்டைப்பயிற்சி எஸ்.ஆர்.முருகன் ஆகியோர் பணியாற்றியுள்ளனர்.

Angadi Theru Mahesh starring Veera Puram

தமிழில் தனது OTT வீடியோ சேவையை துவங்கும் VIU நிறுவனம்

தமிழில் தனது OTT வீடியோ சேவையை துவங்கும் VIU நிறுவனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Viu a leading Ott Video Service Launches In Tamil MarketPCCW மற்றும் Vuclip வழங்கும் முன்னணி OTT வீடியோ சேவையான Viu தனது சேவையை இந்தியாவிலும் விரிவுபடுத்தியிருக்கிறது.

தமிழ் மொழியில் இன்று துவங்கப்படும் Viu சேவையில் உள்ளூர் ரசிகர்களுக்கு ஏற்ற வகையில் தமிழ் குறும்படங்கள், வலைத்தொடர்கள், கொரிய நாடகங்கள் ஆகியவை இருக்கின்றன.

தென்கிழக்கு ஆசியாவில் முன்னணி OTT வீடியோ சேவையான Viu, ஏற்கனவே இந்தி மற்றும் தெலுங்கு ரசிகர்களின் இதயங்களை Love lust confusion, Kaushiki, It happened in Hong Kong, Pilla and Peli gola 1, 2 மூலம் கவர்ந்துள்ளது.

நான்கு தமிழ் ஒரிஜினல் சீரீஸ்களுடன், மணிகண்டன் மற்றும் வெங்கட் பிரபு மற்றும் பல இயக்குனர்கள் இயக்கிய விருது பெற்ற குறும்படங்கள், கொரிய நாடகங்கள் மூலம் தமிழ் ரசிகர்களையும் கவரும் நோக்கத்தில் உள்ளது Viu.

தமிழ் பொழுதுபோக்கு துறையில் முன்னணியில் உள்ள பலரும் Viu உடன் இணைந்துள்ளனர்.

• தென்னிந்திய சினிமாவின் முன்னோடியும், தமிழ் மற்றும் மலையாள சினிமாவின் மிகப்பெரிய விநியோகஸ்தர்களான AP இண்டர்நேஷனல் ஃபிலிம்ஸ்.

• திரைப்பட தயாரிப்பாளர் மற்றும் இயக்குனர், சமீர் பாரத் ராம் மற்றும் சூப்பர் டாக்கீஸ்

• விஷன் டைம்ஸ் மற்றும் ட்ரெண்ட்லௌட்

• திரு திரு துறு துறு படத்தின் மூலம் நன்கு அறியப்பட்ட எழுத்தாளர், இயக்குனர் மற்றும் காமிக்ஸ் படைப்பாளி நந்தினி

• YouTube முன்னணி கண்டெண்ட் தயாரிப்பாளர்கள் Black sheep மற்றும் Fully Filmy

தமிழில் சந்தையில் Viu தனது சேவையை துவங்குவதை பற்றி Vuclip CEO அருண் பேசுகையில், “தமிழ்நாட்டின் இளைஞர்கள் தனித்துவமானவர்கள். அவர்கள் நவீன மற்றும் ஆழ்ந்த கலாச்சாரத்திற்கும் நடுநிலையான பார்வையை உடையவர்கள்.

அவர்கள் உள்ளூர் பாணியில் சொல்லப்படும் சிறந்த கதைகளை விரும்புபவர்கள். நாங்கள் மிகச்சரியாக அதே மாதிரி விஷயங்களை வழங்க இருக்கிறோம். இந்த சந்தையில் முதலீடு செய்து துறையை மேம்படுத்த நாங்கள் தயாராக இருக்கிறோம்.

Viuவின் சேவைகள் www.viu.com என்ற இணையதளத்தில் பார்க்கலாம். Viuவின் வழக்கமான அறிவிப்புகளை ஃபேஸ்புக், ட்விட்டர் மற்றும் ஃஇன்ஸ்டாகிராமில் பெறலாம்.

புதிய தமிழ் வலைத்தொடர்கள்:

கல்யாணமும் கடந்து போகும்:

தயாரிப்பு Viu, நலன் குமாரசாமி, சமீர் பரத் ராம் மற்றும் சதீஷ் சுவாமிநாதன் தமிழ்நாட்டின் பல்வேறு பகுதிகளில் நடக்கும் பத்து சமகால திருமண கதைகளை இந்த தொடர் சொல்கிறது.

இந்த பத்து கதைகள் வெவ்வேறு வயதுடைய கதாபாத்திரங்கள், பொருளாதார பின்னணிகள் மற்றும் இடங்களை கொண்டது. அவை அனைத்தும் சொந்த காரணங்களுக்காக திருமணம் செய்து கொள்ள விழையும் கதாபாத்திரங்களின் புள்ளியில் இணைகிறது.

நையாண்டி அணுகுமுறை மூலம் சொல்லப்படும் ஒவ்வொரு கதையும் திருமணம் என்ற விஷயத்தை பற்றி உங்களை யோசிக்க வைக்கும்.

மெட்ராஸ் மேன்சன்:
தயாரிப்பு: Viu & சூப்பர் டாக்கீஸ்

ராயப்பேட்டையின் ஒரு பழைய மேன்சன் பின்னணியில், பல்வேறு பகுதியிலிருந்து வந்த மக்கள் மற்றும் அவர்களின் மிகப்பெரிய கனவுகளை பற்றிய கதை. இந்த அசாதாரண சரணாலயத்தில் ஒரு ஆர்வமுள்ள இயக்குனர், ஒரு மீம் கிரியேட்டர், ஒரு மார்க்கெட்டிங் மேனேஜர், ரியல் எஸ்டேட் தரகர் மற்றும் பல கதாபாத்திரங்கள் உள்ளன.

Door No 403:
தயாரிப்பு: Viu & Trendloud

முதல் படத்தில் வெற்றி பெறும் ஒரு நடிகர், அவருக்கு கேட்கப்படும் பத்து கேள்விகளை பற்றிய கதை. ஒவ்வொரு கேள்வியும் அவரது வெற்றிக்கு வழிவகுத்த சுவாரஸ்யமான சம்பவங்களை பற்றி கூறுகிறது. Door No 403 ஒன்றாக வாழும் விசித்திரமான நண்பர்களின் தொகுப்பு மற்றும் அங்கு நடக்கும் சம்பவங்கள் உங்களை சிரிக்க வைக்கும்.

நிலா நிலா ஓடி வா:
தயாரிப்பு: Viu & Make believe production

‘திரு திரு துறு துறு’ இயக்குனர் நந்தினி JS இயக்கியுள்ள, இந்த தொடரில், “அஸ்வின் காகமானு, ஓம் என்ற ஒரு பச்சை குத்தும் கலைஞராக நடித்திருக்கிறார். அவரின் கல்லூரி காதலி நிலா (சுனைனா யெல்லா) ஒரு முழுமையான, கொடூரமான வாம்பயராக மாறி விட்டார் என்பதை உணர்ந்த பிறகு வாழ்க்கை தடம் மாறுகிறது.

இந்த அனைத்து முரண்பாடுகள் இருந்த போதிலும் காதலில் விழும் இந்த ஜோடியை பற்றிய, வாம்பயர் பின்னனியை கொண்ட ரொமாண்டிக் காமெடி தொடர்.

குறும்படங்கள்:

மாஷா அல்லா… கணேசா:

இயக்குனர் வெங்கட் பிரபு இயக்கியுள்ள இந்த குறும்படம் மும்பையில் நடந்த இந்து-முஸ்லீம் கலவரங்களை பற்றி, முக்கியமான ஒரு திருப்பத்துடன் பேசுகிறது.

இந்துக்களுடன் பல ஆண்டுகளாக அமைதியாக சேர்ந்து வாழ்ந்து வந்த ஒரு முஸ்லீம் பெண் மற்றும் அவரது குழந்தைகள் திடீரென அரசியல் காரணங்களுக்காக தூண்டிவிடப்பட்ட கலவரங்களில் சிக்குகிறார்கள்.

வன்முறையில் இருந்து தப்பிக்க, தங்களுக்கே தெரியாமல் அவர்கள் ஒரு இந்து கோவிலின் கருவறைக்குள் அடைக்கலமாகிறார்கள். மத மற்றும் இனவாத ஒற்றுமை பற்றிய வலுவான ஒரு செய்தியை இந்த குறும்படம் வெளிப்படுத்துகிறது.

The Wind:

கனடா நாட்டு தமிழ் திரைப்பட விழாவில் விமர்சன ரீதியாக பாராட்டப்பட்ட மற்றும் விருது பெற்ற குறும்படமான ‘The Wind’ தேசிய விருது இயக்குனர் மணிகண்டன் இயக்கியது.

தற்கொலை செய்துகொண்ட ஒரு நபரின் இறந்த உடலைப் பாதுகாக்கும் ஒரு போலீஸ்காரரின் வாழ்க்கையில் உள்ள ஒரு நாள் சித்தரிக்கப்படுகிறது.

அரசு பணியாட்கள் வர காத்திருக்கும் நேரத்தில் அந்த காவலருக்கும், இறந்தவருக்கும் இடையே ஒரு வினோதமான தோழமை உருவாகிறது, கடந்த கால மற்றும் தற்போதைய, வாழ்க்கை மற்றும் இறப்பு ஆகியவற்றிற்கு இடையிலான இடைவெளியை அது பிணைக்கிறது.

விஜய் சேதுபதி நடித்த இந்த குறும்படம் Viuவில் பிரத்தியேகமாக கிடைக்கும்.

Viu பற்றி:

Viu ஹாங்காங், சிங்கப்பூர், மலேசியா, இந்தியா, இந்தோனேசியா, பிலிப்பைன்ஸ், தாய்லாந்து மற்றும் மத்திய கிழக்கு நாடுகளான பஹ்ரைன், எகிப்து, ஜோர்டான், குவைத், ஓமன், கத்தார், சவுதி அரேபியா, ஐக்கிய அரபு நாடுகள் உட்பட 15 சந்தைகளில் 30 மில்லியனுக்கும் அதிகமான பதிவிறக்கம் கொண்ட OTT வீடியோ சேவை ஆகும்.

வளர்ந்து வரும் பிராந்திய மொழி உள்ளடக்கத்தால், இந்நிறுவனம் அதன் நூலகத்தை மேம்படுத்துவதில் அதிக கவனம் செலுத்துகிறது. காமெடி, ரொமாண்டிக் காமெடி, ட்ராமா வகை என வெவ்வேறு வகையிலான, பல்வேறு கதைகளை கொண்ட நிகழ்ச்சிகளை வழங்க இருக்கிறது.

Viu App ஆண்ட்ராய்டு கூகுள் பிளே மற்றும் ஆப் ஸ்டோரிலும் இலவசமாக பதிவிறக்கம் செய்யும் வகையில் கிடைக்கிறது. ஸ்மார்ட்போன் மற்றும் டேப்லட்களிலும் கிடைக்கிறது.

Vuclip பற்றி:

Vuclip இந்தியா, தென் கிழக்கு ஆசியா, ஆப்பிரிக்கா மற்றும் மத்திய கிழக்கு நாடுகளில் ஆன் டிமாண்ட் சேவையை வழங்கும் ஒரு உலகளாவிய தொழில்நுட்ப மீடியா நிறுவனம்.

Vuclip நிறுவனம் Viu, Viu life, Vuclip Videos, Vuclip games ஆகியவற்றையும் கொண்டுள்ளது.

அமெரிக்காவின் சிலிக்கான் வேலியில் தலைமையகத்தை கொண்டுள்ள Vuclip, சிங்கப்பூர், கோலாலம்பூர், டெல்லி, மும்பை, புனே, துபாய், ஜகார்த்தா ஆகிய இடங்களிலும் செயல்பட்டு வருகிறது.

Viu a leading Ott Video Service Launches In Tamil Market

viu launches in tamil

ஸ்கூல் டாய்லெட்டுகளை புதுப்பித்து பராமரிக்க சூர்யா திட்டம்

ஸ்கூல் டாய்லெட்டுகளை புதுப்பித்து பராமரிக்க சூர்யா திட்டம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Actor Surya helps to develop and maintain Tamilnadu School Toiletsஅகரம் அறக்கட்டளை என்ற பெயரில் மாணவர்களுக்கு கல்வி உதவி வழங்கி வருகிறார் நடிகர் சூர்யா.

மேலும் இந்த அறக்கட்டளை மூலம் ஆதரவற்ற குழந்தைகளின் பள்ளி, கல்லூரி கல்விக்கு உதவி செய்து வருகிறது.

இந்நிலையில் மாவட்டத்துக்கு 10 அரசு பள்ளிகளை தேர்வு செய்து அந்த பள்ளிகளில் உள்ள கழிப்பறைகளை புதுப்பிக்க முடிவு செய்திருக்கிறாராம் சூர்யா.

கழிப்பறைகளை புதுப்பிப்பது மட்டும் அல்லாமல் தொடர்ந்து அவற்றை சுகாதாரமாக பராமரிப்பதற்கான ஏற்பாடுகளும் செய்யப்பட உள்ளன.

இதற்காக சூர்யாவின் ரசிகர் மன்றங்கள் 40 மாவட்டங்களாக பிரிக்கப்பட்டுள்ளன.

இந்த 40 மாவட்ட ரசிகர் மன்றங்களுக்கும் தலா 10 அரசுப்பள்ளிகள் குறிப்பாக பெண்கள் பள்ளிகளாக பார்த்து ஒதுக்கப்பட்டுள்ளன.

அவர்கள் இந்த பணியை மேற்கொள்ளவுள்ளதாக கூறப்படுகிறது.

Actor Surya helps to develop and maintain Tamilnadu School Toilets

*கூத்தன்* படத்திற்காக கை கோர்த்த பிரபு-விஜய்சேதுபதி

*கூத்தன்* படத்திற்காக கை கோர்த்த பிரபு-விஜய்சேதுபதி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Actor Vijay Sethupathy launches Koothan movie single trackதயாரிப்பாளர் நீல்கிரீஸ் முருகன் அவர்களின் நீல்கிரீஸ் ட்ரீம் எண்டர்டெயின்மெண்ட் தயாரிப்பில் உருவாகியுள்ள படம் கூத்தன்.

ஏ.எல்.வெங்கி இயக்கியுள்ள இப்படம் சினிமா துறையில் உள்ள ஜீனியர் ஆர்ட்டிஸ்ட்களின் வாழ்வியலை மையமாக கொண்டு உருவாகியுள்ளது.

அறிமுக நாயகன் ராஜ்குமார், அறிமுக நாயகிகள் ஸ்ரிஜிதா, சோனால், கீரா, ஆகியோர் இப்படத்தில் நடிக்கிறார்கள்.

இவர்களுடன் நாகேந்திர பிரசாத் (பிரபுதேவா தம்பி), விஜய் டிவி முல்லை, கோதண்டம், இயக்குநர் பாக்யராஜ், ஊர்வசி, மனோபாலா, ஜீனியர் பாலையா, கவிதாலயா கிருஷ்ணன், ஶ்ரீரஞ்சனி, பரத் கல்யாண், ராம்கி, கலா மாஸ்டர் என திரையுலக பட்டாளமே நடித்திருக்கிறார்கள்.

இந்தப்படத்தின் பர்ஸ்ட் லுக்கை நடிகர் பிரபு ஓரிரு தினங்களுக்கு முன் வெளியிட்டார்.

இந்நிலையில் கூத்தன் பட அறிமுகப்பாடலை விஜய்சேதுபதி அவர்கள் வெளியிட்டுள்ளார்.

“கூத்தனம்மா கூத்தன், கூத்தனம்மா கூத்தன்” என்று தொடங்கும் இந்த பாடலை பாலாஜி இசைக்கு வேல்முருகன் பாடியுள்ளார்.

Actor Vijay Sethupathy launches Koothan movie single track

ஊசி இடம் கொடுக்காமல் நூல் நுழையுமா.? ஸ்ரீரெட்டியை கண்டிக்கும் பாரதிராஜா

ஊசி இடம் கொடுக்காமல் நூல் நுழையுமா.? ஸ்ரீரெட்டியை கண்டிக்கும் பாரதிராஜா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Bharathiraja slams Actress Sri Reddy on her allegationsபாலியல் ரீதியாக திரையுலகினர் பலரும் தன்னை பயன்படுத்திக் கொண்டதாக குற்றச்சாட்டுக்களை கூறி வருகிறார் ஸ்ரீரெட்டி.

தமிழ் லீக்ஸ் என்ற பெயரில் இயக்குநர் முருகதாஸ், நடிகர் ஸ்ரீகாந்த், சுந்தர் சி என பலரும் சினிமா வாய்ப்பு தருவதாக கூறி தன்னை செக்ஸ் ரீதியாக பயன்படுத்திக் கொண்டனர் என அண்மையில் தெரிவித்தார்.

இதனிடையில் திரையுலகில் பலரும் ஸ்ரீரெட்டிக்கு எதிராக போர்க்கொடி தூக்கியுள்ளனர்.

இது தொடர்பாக இயக்குநர் பாரதிராஜா கருத்து தெரிவித்துள்ளார்.

இவரது அண்மை பேட்டியில்…

‘ஊசி இடம் கொடுக்காமல் நூல் எப்படி நுழையும் ? ஸ்ரீரெட்டி அனைத்திற்கும் அனுமதி கொடுத்துள்ளார். ஸ்ரீரெட்டியின் சம்மதத்துடன் தான் எல்லாம் நடந்துள்ளது.

அப்படி இருக்கும்போது அதனை வைத்து அவர் விளம்பரம் தேடி வருகிறார். இதற்காக ஒட்டு மொத்த சினிமா துறையை அவர் குறை சொல்லக்கூடாது’.

இவ்வாறு பாரதிராஜா தெரிவித்துள்ளார்.

Bharathiraja slams Actress Sri Reddy on her allegations

சென்சார் பிரச்சினைக்கு பயந்து குறும்படம் எடுத்த வெங்கட்பிரபு

சென்சார் பிரச்சினைக்கு பயந்து குறும்படம் எடுத்த வெங்கட்பிரபு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Venkat Prabhu turns a short filmmaker with Masha Allah Ganeshaஉலக அளவில் 15க்கும் மேற்பட்ட நாடுகளில் OTT சேவையில் முன்னோடியாக விளங்கி வரும் VIU, தமிழில் தனது சேவைகளை துவங்குகிறது.

அதன் அதிகாரப்பூர்வ துவக்க விழா சென்னை தாஜ் கோரமண்டல் ஹோட்டலில் நடைபெற்றது.

விழாவில் 4 புதிய வலைத்தொடர்கள் (வெப் சீரிஸ) மற்றும் 2 குறும்படங்கள் ஆகியவை அறிமுகப்படுத்தப்பட்டன.

தமிழ் சினிமாவை சேர்ந்த முன்னணி பிரபலங்கள் பலரும் கலந்து கொண்டு விழாவை சிறப்பித்தனர்.

இதில் வெங்கட் பிரபு இயக்கத்தில் பிரேம்ஜி இசையமைத்துள்ள குறும்படமான *மாஷா அல்லா… கணேசா* என்ற குறும்படமும் இணைந்துள்ளது.

படம் பற்றிய ஒரு பார்வை..

இயக்குனர் வெங்கட் பிரபு இயக்கியுள்ள இந்த குறும்படம் மும்பையில் நடந்த இந்து-முஸ்லீம் கலவரங்களை பற்றி, முக்கியமான ஒரு திருப்பத்துடன் பேசுகிறது.

இந்துக்களுடன் பல ஆண்டுகளாக அமைதியாக சேர்ந்து வாழ்ந்து வந்த ஒரு முஸ்லீம் பெண் மற்றும் அவரது குழந்தைகள் திடீரென அரசியல் காரணங்களுக்காக தூண்டிவிடப்பட்ட கலவரங்களில் சிக்குகிறார்கள்.

வன்முறையில் இருந்து தப்பிக்க, தங்களுக்கே தெரியாமல் அவர்கள் ஒரு இந்து கோவிலின் கருவறைக்குள் அடைக்கலமாகிறார்கள். மத மற்றும் இனவாத ஒற்றுமை பற்றிய வலுவான ஒரு செய்தியை இந்த குறும்படம் வெளிப்படுத்துகிறது.

இப்படம் குறித்து வெங்கட்பிரபு பேசியதாவது…

பொதுவாக குறும்படங்களை இயக்கிவிட்டு வெள்ளித்திரை படங்களை இயக்குவார்கள்.

நான் சினிமா படங்களை இயக்கிவிட்டு இப்போது குறும்பட இயக்கியுள்ளேன்.

இந்த படமாக இருந்தால் நிச்சயம் சென்சாரில் அனுமதி கிடைத்திருக்காது” என பேசினார்.

Venkat Prabhu turns a short filmmaker with Masha Allah Ganesha

More Articles
Follows