நடிகர் சரத்குமாருக்கு கொரோனா.; ஹைதராபாத்தில் தனிமை.. அப்டேட் கொடுத்த ராதிகா & வரலட்சுமி

#VIJAYRuledTwitter2020… ட்விட்டரை அதிர வைத்த விஜய்யின் ‘மாஸ்டர்’ செல்ஃபி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

லோகேஷ் கனகராஜ் இயக்கிய ‘மாஸ்டர்’ பட சூட்டிங் நெய்வேலியில் நடைபெற்ற போது நடிகர் விஜய் வீட்டில் வருமான வரி சோதனை நடந்தது.

இதனால் படப்பிடிப்பிலிருந்து வருவான வரித்துறை அதிகாரிகளால் சென்னைக்கு அழைத்து வரப்பட்டார் விஜய்.

இது அவரது ரசிகர்களிடையே மிகவும் பரபரப்பாகப் பேசப்பட்டது.

இந்த சோதனைகளுக்கு பின்னர் மீண்டும் நெய்வேலியில் நடந்த ‘மாஸ்டர்’ படப்பிடிப்பில் பங்கேற்றார் விஜய்.

இதனால் ஏராளமான ரசிகர்கள் தினமும் விஜய்யைப் பார்க்க கூடினர்.

அப்போது சூட்டிங் ஸ்பாட்டில் நின்ற பஸ் மீது ஏறி ரசிகர்கள் கூட்டத்துடன் செல்ஃபி எடுத்தார் விஜய்.

அதை தன் அதிகாரபூர்வ ட்விட்டரில் பதிவிட்டார். அந்த போட்டோ வைரலானது.

ரசிகர்கள் மட்டுமன்றி, பிரபலங்களும் ரீட்வீட் செய்து பகிர்ந்தனர்.

இதனை விஜய் ரசிகர்கள் #INDIAsMostRTedVIJAYSelfie என்ற ஹேஷ்டேகில் கொண்டாடினர்.

இந்நிலையில் 2020ஆம் ஆண்டிலேயே அதிகம் ரீட்வீட் செய்யப்பட்ட போஸ்ட் இதுதான் என ட்விட்டர் நிறுவனம் அறிவித்துள்ளது.

தற்போது வரை இந்த செஃல்பி ட்வீட் 1 லட்சத்துக்கு 60 ஆயிரத்துக்கும் அதிகமான முறை ரீட்வீட் செய்யப்பட்டுள்ளது என்பது குறிப்பிடத்தக்கது.

இதனை தளபதி விஜய் ரசிகர்கள் #VIJAYRuledTwitter2020 என ட்ரெண்டிங் செய்து கொண்டாடி வருகின்றனர்.

Vijay’s selfie with fans most retweeted tweet of 2020 in india

மில் தொழிலாளி மகளாய் பிறந்து இந்தியாவை அசத்திய உமா பிரேமனின் பயோபிக்..; ‘டிராபிஃக் ராமசாமி’ பட இயக்குனர் இயக்குகிறார்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒரு சாதாரண மில் தொழிலாளியின் மகளாய் பிறந்து, லட்சக்கணக்கானோரின் வாழ்க்கையை மாற்றிய உமா பிரேமனின் வாழ்க்கை திரைப்படமாகிறது.
ஏறக்குறைய இரண்டு லட்சம் டயாலிசிஸ்கள், இருபதாயிரத்திற்கும் மேலான இதய அறுவை சிகிச்சைகள், நூற்றுக்கணக்கான சிறுநீரக மாற்று சிகிச்சைகள், மலைவாழ் மக்களுக்கு பள்ளிக்கூடங்கள், நாட்டிலேயே குறைந்த விலையில் வீடுகள் என பல எளிய மக்களின் வாழ்வில் மாற்றத்தை ஏற்படுத்தியவர் உமா பிரேமன்.
இந்திய குடியரசு தலைவர் தன் மாளிகையில் விருதும், விருந்தும் கொடுத்து கெளரவித்த பெண்மணிகளில் இவரும் ஒருவர்.
இப்படி பல சாதனைகளை செய்த இவரின் அசாதாரணமான வாழ்க்கையே தமிழ், மலையாளம் என இரு மொழிகளில் பயோபிக் திரைப்படமாகிறது.
இப்படத்தை டிராபிஃக் ராமசாமி படத்தை இயக்கிய விக்னேஸ்வரன் விஜயன் இயக்குகிறார்.
இதை பற்றி அவர் கூறும் போது…
‘சகமனிதனை நேசிப்பதை விட ஆகசிறந்த தத்துவமோ, செயலோ எதுவுமில்லை என எண்ணுகிறேன்.
சுற்றியுள்ளவர்கள் தன்னை வேதனைக்குள்ளாக்கினாலும் அவர்களுக்கு அதீத அன்பையே பரிசளித்திருக்கிறார் உமா பிரேமன் அவர்கள்.
இப்படம் பல பேருக்கு உத்வேகமளிக்கும் என நம்புகிறேன்’

Uma Preman biopic to be directed by Vigneshwaran Vijayan

SPB முதன்முறையாக பாடிய MGR-ன் ‘ஆயிரம் நிலவே வா’ பாடலை ரீமிக்ஸ் செய்த இசையமைப்பாளர் சத்யா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இசையமைப்பாளர் சி.சத்யா இந்த வருடம் ரொம்ப பிசி.
அவர் கைவசம் பத்துப் படங்களுக்கு மேல் வைத்திருக்கிறார்.

அவருடன் ஓர் உரையாடல்….

நான் இசையமைத்த ‘நாங்க ரொம்ப பிசி’ படம் தீபாவளியன்று சன் தொலைக்காட்சியில் ஒளிபரப்பானது.

இயக்குநர் பத்ரியின் ‘ஆடுகிறான் கண்ணன்’ தொலைக்காட்சித் தொடர் மூலம்தான் நான் இசையமைப்பாளரானேன். அதன்பின் அவருடன் இணைந்து பணியாற்றும் வாய்ப்பு அமையவில்லை.

‘நாங்க ரொம்ப பிசி’ படத்தின் மூலம் பதினைந்து ஆண்டுகளுக்குப் பின் மீண்டும் சேர்ந்து வேலை செய்தோம். படத்தில் இரண்டு பாடல்கள், ஒன்று கானா பாடல் இன்னொன்று மூட் சாங். இரண்டும் நன்றாக அமைந்திருந்தன.

இந்தப் படம் தொடங்கி நாற்பத்தைந்து நாட்களில் படம் வெளியாகிவிட்டது. முதலிலேயே பின்னணி இசைக்கு ஒரு வாரம்தான் நேரம் என்று சொல்லிவிட்டார்கள்.

நகைச்சுவைப் படம் என்பதால் படம் நெடுக பின்னணி இசைக்கு அதிக வாய்ப்பு இருந்தது. அதனால் லைவ் இன்ஸ்ட்ருமெண்ட்ஸ் வைத்து பின்னணி சேர்க்கத் திட்டமிட்டு அதற்கு தயாராக இருந்தேன்.

பத்துநாட்களுக்குள் எல்லா வேலைகளையும் முடித்துக் கொடுத்தேன். அவ்வளவு நாட்களும் தூங்காமல் இரவு பகலாக வேலை செய்தோம்.

இந்தப்படம், நேரடியாகத் தொலைக்காட்சியில் வெளியானதால் அதிகம் பேர் பார்த்திருக்கிறார்கள்.

ஆனால் ஆடியன்ஸ் ரெஸ்பான்ஸ் குறைவாகவே இருந்தது. திரையரங்குகளில் படம் வெளியானால்தான் என் போன்ற தொழில்நுட்பக் கலைஞர்கள் மீது கவனம் இருக்கும் என்று நினைக்கிறேன்.

இப்போது, த்ரிஷா நடிப்பில் லைகா தயாரிப்பில் சரவணன் இயக்கியுள்ள ‘ராங்கி’ தயாராகிவிட்டது. எழில் சார் ஜீ.வி.பிரகாஷ் கூட்டணியில் ‘ஆயிரம் ஜென்மங்கள்’, ‘தீதும் நன்றும்’, ஆரி நடித்துள்ள ‘அலேகா’, ‘அரண்மனை- 3’ ஆகியன இருக்கின்றன.

‘ராங்கி’ படத்தின் பாடல் விரைவில் வெளியாகவிருக்கிறது.

‘அரண்மனை- 3’ படத்தில், சுந்தர் சி சார் படங்களில் இடம்பெறும் கொண்டாட்டமான பாடல்கள் மற்றும் மாஸ் பாடல்கள் இருக்கும். மெலடி பாடலும் இருக்கிறது. மொத்தம் ஐந்து பாடல்கள். மிகச் சிறப்பாக வந்திருக்கின்றன.

‘ஆயிரம் ஜென்மங்கள்’, எழில் சார் படம் என்பதால் வேலை செய்கிறோம் என்கிற எண்ணமில்லாமல் குடும்பத்தில் ஒருவரோடு பேசிக்கொண்டிருப்பது போல் பேசிப் பாடல்கள் உருவாக்கினோம்.

ஒவ்வொரு பாடலுக்கும் ‘சூப்பர் ப்ரோ, கலக்கிட்டீங்க ப்ரோ’ என்று ஜீ.வி. மெசேஜ் அனுப்பினார்.

கொரோனா காலத்தில் கொரோனா என்ற சொல்லைச் சொல்லாமலே ‘விழித்திரு தனித்திரு’ என்கிற பாடலை உருவாக்கினேன்.

அஜீத் பிறந்த நாளுக்காக ஒரு பாடல், பெண் காவலர்களுக்காக ஒரு பாடல் ஆகியன உருவாக்கினேன்.
இன்னும் சில பாடல்கள் தயாராக இருக்கின்றன. அவற்றை ஒன்றன் பின் ஒன்றாக பெரிய அளவில் வெளியிடத் திட்டமிட்டிருக்கிறேன்.

அமேசான் இணையத்தில் பிரபல பாடல்களின் ரீமிக்ஸ் தொடர் போல் வெளியிடவிருக்கிறார்கள். அதற்காக எம்ஜிஆர் நடிப்பில் கேவிமகாதேவன் இசையில் எஸ்பிபி பாடிய முதல்பாடலான ‘ஆயிரம் நிலவே வா’ பாடலை கெடுக்காமல் ரீமிக்ஸ் செய்திருக்கிறேன். அது வெளியாகும்போது பெரிய வரவேற்பு இருக்கும்.

2021 ஆம் ஆண்டின் திரைப்பாடல்கள் மற்றும் தனிப்பாடல் தொகுப்புகளில் சத்யாவின் பங்கு பெரிதாக இருக்கும் என்பதில் ஐயமில்லை.

Aayiram Nilave Vaa remix by music director Sathya

ரஜினிகாந்தின் ‘மன்னன்’ பட ஹீரோயின்கள் பாஜக.-வில் இணைந்தனர்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பி. வாசு இயக்கிய ‘மன்னன்’ படத்தில் ரஜினிக்கு ஜோடியாக விஜயசாந்தி & குஷ்பூ நடித்திருந்தனர்.

தற்போது விஜயசாந்தி & குஷ்பூ அரசியலில் ஈடுப்பட்டு வருகின்றனர்.

விரைவில் ரஜினியும் அரசியல் கட்சி தொடங்கவுள்ளார்.

அண்மையில் காங். இருந்து விலகி பாஜக.வில் இணைந்தார் குஷ்பூ.

இவரை தொடர்ந்து விஜய்சாந்தியும் இணையவுள்ளார்.

தமிழ் & தெலுங்கில் ஆக்ஷ்ன் ஹீரோயினாக நடித்தவர் விஜயசாந்தி.

அதன்பின்னர் ‘தல்லி தெலங்கானா’ என்னும் தனிக்கட்சியை தொடங்கினார்.

பின்னர் கலைத்துவிட்டு பாஜகவில் இணைந்தார்.

இதற்கு அடுத்து பாஜகவிலிருந்து விலகி தெலங்கானா ராஷ்டிர சமிதியில் இணைந்தார்.

அங்கிருந்தும்விலகினார்.

அதன்பின் காங். கட்சியின் பிரச்சார குழு தலைவராக செயல்பட்டார் விஜயசாந்தி.

இந்தநிலையில், நேற்று காங்கிரஸ் கட்சியிலிருந்து அதிகாரப்பூர்வமாக விலகினார் விஜயசாந்தி.

இந்தநிலையில் பாஜக.வில் இணைய டெல்லி சென்றுள்ளார். அக்கட்சியின் தேசியத் தலைவர் ஜே.பி.நட்டாவை சந்திக்கவுள்ளார்.

மேலும் மத்திய உள்துறை அமைச்சர் அமித்ஷாவையும் விஜயசாந்தி சந்திக்கவுள்ளார் என கூறப்படுகிறது.

Khushboo and Vijayasanthi joined in BJP

எந்த தொகுதியில் ரஜினி போட்டி..? தேர்தல் பிரசாரத்துக்கு செல்வேன்… – ரஜினி அண்ணன் சத்யநாராயணா பேட்டி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விரைவில் அரசியல் கட்சி தொடங்கவுள்ளார் ரஜினிகாந்த்.

எனவே பெங்களூரில் உள்ள தனது அண்ணன் சத்யநாராயணா வீட்டுக்கு சென்று அவரிடம் ஆசிர்வாதம் வாங்கினார்.

இதனையறிந்த ரஜினி ரசிகர்கள் சத்யநாராயணா வீட்டு வாசல் முன்பு திரண்டனர்.

இதனால் வெளியே வந்த ரஜினிகாந்த், ரசிகர்களுக்கு கைகளை உயர்த்தி Flying Kiss கொடுத்தார்.

ரஜினி சென்னை சென்ற பின்னர் அவரது சகோதரர் சத்ய நாராயணா ஊடகங்களுக்கு பேட்டியளித்தார்.

அப்போது…

“ரஜினிக்கு எங்கள் ஆசிர்வாதம் எப்போதும் இருக்கும்.

இரவு 8 மணிக்கு வந்தார். காலை 5 மணிக்கு கிளம்பி விட்டார். 12 மணிக்கு சென்னை சேர்ந்துவிட்டதாக போனில் பேசி தெரிவித்தார்.

இங்கு கர்நாடக அரசியலில் ரஜினிகாந்தின் பங்களிப்பு இருக்காது. அவரது கவனம் தமிழக அரசியலில் மட்டும்தான் இருக்கும்.

அவர் தமிழ்நாட்டில் எந்த தொகுதியில் போட்டியிடுவார் என்பது குறித்து நாங்கள் பேசவில்லை.

டிசம்பர் 31-ஆம் தேதி அறிவிப்பார். நான் தேர்தல் பிரசாரத்துக்கு கண்டிப்பாக செல்வேன்” என்றார்.

Rajinikanth brother Sathya Narayanan about Rajini’s political entry