தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சினிமா கலைஞர்களை கௌரப்படுத்தவும் அவர்களை உற்சாகப்படுத்தவும் விருதுகள் வழங்கப்படுவது வழக்கம்.
ஆனால் சமீபகாலமாக மோசனமான படங்களுக்கு விருது வழங்கப்பட்டு வருவது அதிகரித்து வருகிறது.
கேரளாவை சேர்ந்த நிறுவனம் ஒன்று இதுபோன்ற விருதுகளை மோசமான மலையாள படங்களுக்கும் மட்டும் வழங்கி வருகிறது.
ராட்டன் கோகனட் அவார்டு எனப்படும் அட அதாங்க ‘அழுகிய தேங்காய் விருது’ என்கிற பெயரில் இந்த விருதுகள் வழங்கப்பட்டு வருகிறது.
இந்த விருதை கூட யாராச்சும் வாங்க வருவாங்களா? என்று நீங்கள் கேட்பது புரிகிறது.
இந்த விருதுகள் அறிவிக்கப்படுமே தவிர வழங்கப்பட மாட்டாது.
இந்நிலையில் கடந்த 2015ஆம் ஆண்டிற்கான மிகச்சிறந்த மோசமான விருது ‘சாம்ராஜ்யம்-2’ படத்திற்கு கொடுக்கப்பட்டுள்ளது.
இயக்குனர் பேரரசு இயக்கிய இப்படத்தில் உன்னி முகுந்தன் நடித்திருந்தார்.
விஜய்யின் திருப்பாச்சி, சிவகாசி மற்றும் அஜித்தின் திருப்பதி படங்களை இயக்கியவர் பேரரசு என்பது தங்களுக்கு நினைவிருக்கலாம்.
பல வருடங்களுக்கு முன் மம்மூட்டி நடிப்பில் ‘சாம்ராஜ்யம்’ முதல் பாகம் வெளியானது குறிப்பிடத்தக்கது.