தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழ் சினிமாவில் யதார்த்தத்தை அப்படியே பிரதிபலித்துக் காட்டுபவர் பாலா. சிறந்த நடிகர்களாக போற்றப்படும் விக்ரம், சூர்யா, ஆர்யா, விஷால், சசிகுமார் உள்ளிட்ட பல நடிகர்களின் திறமையை வெளிக்கொண்டு வந்தவர் பாலா என்று சொன்னால் அது மிகையல்ல.
ஆனால் சமீப காலமாக பாலாவின் படங்கள் வெளியாகவில்லை. விக்ரமின் மகன் துருவ் நடித்த வர்மா என்ற படத்தை இயக்கியிருந்தார் பாலா.
ஆனால் அந்தப் படம் பிடிக்கவில்லை என ரிலீஸ் செய்ய மறுத்து விட்டது தயாரிப்பு நிறுவனம்.
இதன் பின்னர் பாலா & சூர்யா கூட்டணி இணைந்தது. ‘வணங்கான்’ என்ற படத்தின் சூட்டிங் நடைபெற்றது. ஆனால் இருவருக்கும் கருத்து மோதல் ஏற்படவே படத்திலிருந்து விலகினார் சூர்யா.
ஆனாலும் வணங்கான் படம் கைவிடப்படாது என அறிவித்திருந்தார் பாலா.
அதன் பின்னர் அருண் விஜய் வைத்து படத்தை இயக்கியுள்ளார் பாலா.
இந்த நிலையில் இன்று செப்டம்பர் 25ஆம் தேதி காலை ‘வணங்கான்’ படத்தின் ஃபர்ஸ்ட் லுக் போஸ்டரை வெளியிட்டுள்ளார் பாலா.
இந்த போஸ்டரில் உடல் முழுக்க சேரும் சகதியுமாக காணப்படுகிறார் அருண் விஜய். அவரது கைகளில் பிள்ளையார் சிலையும் பெரியார் சிலையும் உள்ளது. இது இது ரசிகர்கள் மத்தியில் படத்தின் மீதான எதிர்பார்ப்பை எகிற செய்துள்ளது எனலாம்.
இந்த படத்தில், ரோஷினி பிரகாஷ் நாயகியாக நடிக்க சமுத்திரக்கனி முக்கிய கதாபாத்திரத்தில் நடிக்கிறார்.
வி ஹவுஸ் புரொடக்சன்ஸ் மற்றும் பி ஸ்டுடியோஸ் தயாரிக்கும் இந்த படத்துக்கு ஜி.வி.பிரகாஷ் இசையமைக்கிறார். ஆர்.பி.குருதேவ் ஒளிப்பதிவு செய்கிறார்.
Vanangaan first look creates huge expectations